لم تكن انت فارس احلامى

 

نعم .....لم تكن انت فارس احلامى

لم تكن انت الانسان الذى تمنيت ان اعيش معاه

لقد حلمت برجل .....بكل ما تحويه هذه الكلمه من معنى

حلمت ان يكون لى امان ...حنان ...استقرار

تمنيت ان انظر ليه نفس النظرة التى كنت اتمناها

ان انبهر بكل تصرفاته

كنت اتوقع منك ان تكون ملاذى من قسوة الايام انت التى فعل بى

كم من المواقف التى خذلت فيها فارس احلامى  ؟؟؟؟؟؟؟؟؟؟!!!!!!!!

كنت اريده راجلا عاقلا لابعد الحدود (يحمينى حتى من نفسى....يراجعنى براجحة عقله .......يمسكنى من يدى ويمشى معى لبر امان..................................................

ولن اغلق القوسين لانى افتقد  الكثير من الاشياء التى تمنيتها فيه

كنت بحبك لانى رسمت لك جوة قلبى وفى خيالى مواصفات لم اجدها ابدا اااااااااااااااااااااااااااااااا

وكل يوم لى فى عمرى معاك تفقد جزء من الصورة دى

ولو تعلم اننى كنت اراك كبيرا ....كبيرا .... لابعد ما تتخيل

انت اراكراجلا لن ولا يوجد منك مرة تانيه

والان اراك رجل عادى لم تعد تلمع عيناى عندما انظر اليك

لم اعد اح ان انظر اليك طويلا كما كنت افعل من قبل

كنت مهما نظرت اليك طويلا ......عيناى لا تشبع من من روياك

 

وقلبى دائما كان عشان ليرويه حبك

 

ولكن

ايها الانانى ....

انسى (forget it )

وحظ طيب مرة اخر

(game over)

 

 

اسفه .... ارفض الطلاق

نعم .... ارفض الطلاق

 

عنما تفكر اى امرأة بالعالم بالطلاق وتطلبه ...بل وتصر عليه  وتصرخ من شدة الالم

لانها لم تسطع ...ولن تستطع ان تكمل حياتها مع زوجها ووالد اولاده

هل فكرت يوما فى النتائج؟؟؟؟؟؟؟؟؟؟!!!!!!!!!!!!!

هل فكرت يوما ما مصيرها هى والاولاد؟؟؟؟؟؟؟؟؟؟؟؟؟؟؟!!!!!!!!!!!!

واذا بها بالفعل فكرت وحسبت النتائج حسابا دقيقا

هل تستطيع مواجهه المجتمع باكمله كامرأة مطلقه وتعول

وما هى الخطوة التاليه لها .؟؟؟؟؟

هل ستبحث عن زوج جديده يكمل معاها حياتها ؟....أم ستترك الامور للقدر ان تجده ام لم تجده ستكمل حياتها؟؟؟

أم ستحيا فقط لتربيه اولادها؟؟؟

ويا ترى ما هو السبب القهرى الذى جعلها تطلب الطلاق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لن انكر اننى فكرت كثيرا فى الطلاق بل وحاولت ان اتخيل حياتى بعد ذلك

وكلما حدث ذلك اقرأ جوباتى التى كتبتها لزوجى ايام الخطوبه

واسأل نفسى ؟؟؟؟؟؟

هل هذا هو الرجل الذى احببته ام هو شخص اخر تعمد ان يظهر بصوره جميله

لاحبه

والعديد من الاسئله دارت بخيالى لايام عديده

لم اكن اتخيل اننى سأصل يوما الى هذا الحد من التفكير

واخير اتخذت القرار

وقلت لنفسى اسفه .... ارفض الطلاق

نعم ارفضه بشده

الله سبحانه وتعالى خلق لنا عقول تفكر ونحن بغباء وعصبيه وعجرفه كدابه

نمحى هذا العقل بالتعصب

ووايضا ذكر الله تعالى ان كيدهن عظيما وانا اعتبر من "هن" انا نون النسون

اين ذهب كيدى

ولكن ليكون يجب ان اتسم بالصبر والاصرار

وسنرى من سيكون هو  الافضل

"ان كيدهن عطيما"

امضاء

امرأة ترفض الانهزام

محدش مرتاح

محدش مرتاح.... ازاى بندور عالفرحه واحنا بندور فى جراح

بنعيش نتمى نروح سكه .....وسكك مختلفه بتتراح

يظهر عذاب الحب الله استحلناه ....ومفرقين روحنا فى مليون اتجاه

 واللى بيبكى علينا قصدنا ومش شيفينه بعنيناه

وبنبكى على اللى راح

محدش مرتاح

كل اللى حاجات الضايعه ليه اتعلقنا بيها... مش كل حاجه نفسنا فيها نلاقيها

والله فى فرق بين بنحب حاجه ....وبين حبة وجع بندمنه بسذاجه

محدش مرتاح

فريدة حبيبه ماما

ملاكى يا من اعطتنى دفعه جديدة للحياة
ومعاها وبها لها باذن الله ساكمل حياتى
حبيبه ماما فريدة
القلب الذى ينبض داخل جسدين
انا جزء وهى الاخر
حبيبتى ملاكى الصغير يا نعمه من الله
بحمد الله عليها
وبتمنى ربنا يباركلى فيها ويعيننى على
تربيتها فى طاعة الله
احمد لله على وجودها فى حياتى
فريدة
ابنتى الحبيبه كم اشتاق لسماع كلمه ماما
اشتاق الى يوم تتحرك فيه قداماكى
انتظر يوم بعد يوم ان تكبرى وتنيرى حياتى
بحبك يا ابنتى الحبيبه

ولم تعد حبيبه سى السيد افندى

اصبحت شخص اخر والعوامل كثيرة

لم اكن اتوقع ان كل هذا سيحدث لى

وان كل الحب والعشق الذى اعطيتة اياه... سيتحول الى حق مكتسب ... ونكران لحقوقى

بل والاكثر من هذا ان كلما قدمت تنازلات اكثر .... زاد هو فى طمعة وطلبة للاكثر

وان ما تقدمينة هو الطبيعى بل انتى مقصرة ووصل بك التقصير الى حد الافتراء

انا يا سادة يا كرام اصبحت كالاتى:-

بعد وصولى الى ارض الغربة بفترة قصيرة قرر هو ان يذبح القطة وذبحها

الى ان ماتت امام عينى

انا تعبت ولم اكن اتوقع ان المشوار صعب الى هذة الدرجة

وانا فى نهايته وصلت لنتيجة لن اقولها الان

الا بعد ان اعرض ما حدث لى فى خلال السنتان الماضياتان

انا الان ام لطفل لم اراه من يوم مولدة حتى الان ...........

لانه عاد الى بارئه تانى يوم ولادته ... وتوفى اول طفلا لى والحمد لله

بعد شهور حمل متعبه يصاحبها ضغط عالى وسكر حمل و تعب مستمر

;وذلك نتيجة طبيعيه للمشاكل والانانيه .... لعدم الاحساس بالمسئوليه

والاتهام المستمر باننى ادلع

فى 18أغسطس الماضى من المفروض ان يتم عام كامل

سأقر ان الموضوع كان صعب عليا جدا

واحسست ان قلبى توقف عن النبض وعقلى وكل اجزاء جسدى قد شل

ولكن الله كريم

تعاودت الى عقلى عندما قررت العودة سريعا الى العمل

لان العمل المستمر هو الشئ الوحيد الذى يلهى الانسان بعيدا عن مشاكله

ولا انكر ان اول ايام العمل كانت صعبه جدا

ولكن بعد فترة احسست ان الامور ستكون على ما يرام ان شاء الله

وبعد شهر من عودتى الى الغربه مرة اخرى

فقد زوجى وظيفته

واصبح بلا عمل .... ولن انكر عليكم لم اترك باب الا ودقت عليه

والحمد لله بعد 3شهور فقط حصل على وظيفة عن طريق اعلان وجدته له

فى الجريدة

فى ذلك الوقت حملت انا فى طفلى الثانى

وكنت اعمل ساعات عمل اضافيه ولا آخذ اجازات حتى لا نتاداين من احد

وفى نفس الوقت

فانا كنت احضر الجريدة من العمل وابحث فيها واعطيه المناسب

واطلب منه ارسال cvالخاص به الى المكان

الى ان وجد هذة الوظيفه بعون الله عن طريقى

وبدأت مشاكل الاقامه والمخلفات الماليه التى يجب ان نسددها

ولن يصدقنى احد ان قلت انها استمرت 6شهور

وما تعبنى اكثر ان الملاك الهادى البرئ اثناء فترة جلوسه فى البيت

اصبح اسد جسور عليا انا

يهين ويغلط ويلعن ويقول ان لا توجد امرأة تنفق عليه

يااااااااااااااااااااااااااااااااااااااااه

هذه هى كلمه شكرا لموقفى معك ووقوفى بجانبك

لا اريد شكر..... على الاقل معاملة طيبه

لم اجدها.........................

لماذا ؟؟؟؟؟؟؟؟؟؟؟؟؟؟؟؟؟؟؟؟؟؟؟

ماذا اقترفت فى حقك ليكون هذا جزائى ؟؟؟؟؟؟؟؟؟؟؟؟!!!!!!!!!!!!!!!!!!

وهنا قررت ان احكى لاهلى ما يحدث

فانا استطيع تحمل قله المال التعب الشقاء ولكن الحجود

وافعاله هذه وانا برضه حامل وكنت فى حملى الثانى اتفادى اخطاء حملى الاول

واحاول ان هادئه حمايه لنفسى من الضغط العالى وتأثيره السلبى على البيبى

وحدثته امى على النت

حوار طويل لم اكن موجودة فيه

وقالت له ان يستطع ان يصون ابنته ستأخذنى للابد

وستلجأ لابغض الحلال الا وهو الطلاق

خوفا منها عليا

وبعد ان كنت قررت الولادة هناك فى الغربه

قررنا النزول الى مصر والولادة هنا افضل

مراعاة من امى على صحتى خاصة فى الشهور الخيرة

وانا الان فى انتظار الولادة

ولكن المفاجأة الغير متوقعه ..... ان يتم الاستغناء عن زوجى للمرة الثانيه

من العمل الجديد وذلك بعد سته اشهر فقط

والسؤال هنا؟؟؟؟؟؟؟؟؟؟؟؟

ما السبب؟؟؟؟

لا اعلم

كل ما قاله لقد تم الاستغناء عنه ومعه اثنان اخرين

ولكن ما السبب؟؟؟؟؟

لم يعلن عنه.....

ولكن هذة المرة هو هناك وحيدا .... لكن تكن بجانبه هذه المرأة التى تحملت عنه

كل المشاق وقامت بكل واجباتها تجاه زوجها

وانكر هو ذلك بكل سهوله

ومن هنا فهمت اننى لم اعد حبيبه سى السيد

كما سبق

لانه لم يكن من البدايه سى السيد

بيان هام : اخر الاخبار

طبعا انا رجعت من غير ما اقول اللى حصل فى الفترة اللى فاتت

واطمنكوا عليا

اولا : انا الفترة اللى فاتت قضتها فى رحلة تعلم

يعنى اتعلم بعض برامج الكمبيوتر

ثانيا : انا لسة ربنا مش كرمنى وسافرت عند جوزى

بس ربنا يسهل وهسافر قريب

وطبعا عايزة دعواتكم معايا

ربنا ما يحرمنى منها

ثالثا : كنت خلاص هفرقع من قلة التدوين

وكثرة المشاكل فى البيت مع ماما

وكنت حاسة انها مش قادرة تحس بيا

ولا انى اد اية قرفانة من سفر جوزى

والحال اللى مش متظبط

بس الحمد لله على كل حال

وكنت فى الاخر بقول انها

كمان متضايقة لان كل ما الوقت

بيعدى بيقرب معاد سافرى

وانا حاليا مسافرة

بس مش عند جوزى

لكن الى الاسكندرية

محافظة الجمال

عند دودو عاشقة الرومانسية

وطبعا رومانسيتها مش جاية من فراغ

كفاية البحر وجماله يخلق الف حبيب

وعاشق

واخيرا وليس اخرا

احب اقول لستوتة حبيبة القلب كل سنة وانتى فى اسعد الاحوال

كيف تقتل زوجتك دون أن تكتشف الشرطة

تحذير لكل الزوجات انتبهوا و خذوا ,,
الاحتياطات اللازمة

طبعا والبنات على اعتبار ما سيكون

قرأ صعيدي في إحدى الصحف

أن مجرما أمريكيا قتل زوجته ودفنها تحت السرير

ولم يتمكن البوليس من اكتشاف الجريمة إلا بعد مرور 25 عاما

فكر الصعيدي في الجريمة وهو يتخيل زوجته التي تنغص عليه حياته

وقال لنفسه : يبقى لو أن قتلت مرآتي وعملت زي الراجل الأمريكاني ده

محدش حيكتشف حاجة إلا بعد ما أكون مت

وبالفعل عاد الصعيدي إلى شقته فاستقبلته زوجته بوصلة من الشتائم

فذهب فورا واحضر سكينا من المطبخ وذبحها بها

وحفر تحت السرير ودفنها هناك

ويا دوب بعد نصف ساعة كبست الشرطة على الشقة

واعتقلت الزوج الذى تعجب من السرعة الكبيرة في اكتشاف الجريمة

وقال للضابط:-أنا عملت كده لأني اعتقدت أن البوليس عندنا مش حيكتشف الجريمة ابدا

زي الراجل الأمريكاني اللي في الجريدة ذي

,, دول في أمريكا ماكتشفوش الجريمة إلا بعد 25 سنة

أ جاب الضابط بعد أن تصفح الجريدة :-أصل الراجل الأمريكاني كان ساكن في الدور الأرضي

,, وأنت ساكن في الدور الخامس

والجثة لما دفنتها نزلت ع الجيران يا غبي

طبعا بعد ما زعلتكوا بالبوست اللى فات

قررت انى اضحكوا شوية

وطبعا مش هقولكوا مين اللى باعتلى الاميل دة

اكيـــــــــــــــــــــــــــــــــد

انتوا عارفين

من هيئة اركان حرب

على رأى العزيزة يوم جديد

العزيز جوزى شكلة هو كمان بيحذرنى

هههههههههههههههههههههههه

كأنه لم يكن حبيبها

كنت صبية صغيرة لم ارى الحب الا فى الافلام العربية القديمة وسماع الاغانى العاطفية واعيش واحلم

احلام وردية بفارس الاحلام

فى ذاك الوقت كانت هى امامى ارى احلامها ومشاعرها الرقيقة تحلم به وبحبه الدافئ

كنت ارها تعيش احلى قصص الحب معة

لم اكن اعرف للحب معنى عرفتة منها رايتها تحبة منذ نعومة اظافراها حبيب صباها وشبابها وايام عمرها

احبتة حبا لم ار مثلة

رغم الاختلاف بينهما

لم يكن الاختلاف ثقافى فكل منهما حاصل على شهادة جامعية واحدة ويقطنون نفس المنطقة السكنية

ولكن ........

تعتبر عائلتها من اعالى القوم وهو من اسرة متواضعة , لم تهم هى لحظة بذلك وبالفعل كثيرو من الرجال من طبقات مختلفة ولكنهم رجال يعتمد عليهم

احبتة عندما كانت فى الصف الاول الثانوى وكانت تذاكر فى شرفة المطبخ لانها كانت تطل على بيته الموجود خلف العمارة الفارهة التى تسكنها ويملكها ابيها

كنت ارى الحب الكبير بداخلهما وانتظر الايام لارى النهاية

او بالاحرى بداية الحب

لم تكن صديقتى كانت جارة لى تكبرنى باعوام قليلة وصديقة لاختى الكبيرة واصبحت صديقة لامى بعد زواجها

ولكن عدم صدقتنا لم يكن يمنع ان نجلس سوايا ونتبادل اطراف الحديث

كنت انظر لها بمرور الايام لارى ما سيحدث

وتمر السنون وتنهى دراستها وينهيها هو قبل منها بسنة

فى تلك الفترة عرف اهلها قصة حبهما ورفضوا رفضا قاطعا

وحدث جدالا كبيرا بينهم

وقفت بجانبة وساعدتة كثيرا و احضر الشبكة اللتى بيعت بعد ذلك لتجهيز الشقة الايجار الجديد فى منطقة بعيدة لم يكن فى الحسبان ان تعيش فيها

ويقال قديما

"خدوهم فقراء يغنيهم الله"

ولم يكن رفض اهلها له للفارق الاجتماعى والمادى بينهم فاختها الكبيرة كانت بدايتها بسيطة ولم يعترضوا فكان ولازال رجل كريم

فهو اكبر دليل على ان زواجها سيكون ناجحا ؛ ولكنهه رأوا ما لم يراة احد

ورغم اعتراض الجميع وافقوا نزولا لرغبة ابنتهم فكانت الابنتة الصغرى للاسرة وكل البنات تزوجوا ماعدا هى والاخ الوحيد والذى فى مثل عمر حبيبها

فتزوج الاخ قبلها بعدة شهور زواج عائلى اختة الكبيرة احضرت له عروسة حسب مواصفاته

فكانت كما طلب

"جميلة ,طويلة,بيضاء"

وهى كانت طلباته فيها وتزوجها وكانت لة شقة فى عمارة والدته التى يسكن فيها ولم يؤجرها فسكن بها

وبعدة تزوجت هى وحبيب عمرها ومرت الشهور وحملت وانجبت تؤام جميل الابنة تشبة الام والابن يشبة الاب

فالاب كما دائما يقال عنة اجمل من الام ,فهو بشهادة الكل اجمل منها ولكننى لم ارى ذلك

ومرت الايام والشهور والسنين ويحدث خلافات بينها وبين اهل زوجها ومع ذلك عااااااااااااااااااااااااااااااا جدا

فهو السائد فى كل البيت ان يحدث مشاكل

ويضيق الحال بالزوج ويقرر السفر للخارج من اجل المال
عند زوج اختها واختها حيث يعملا هناك ويساعداهم ويبعث زوج اختها التذكرة والفيزا هدية
ولكن لم يوفق فيعود

وعلى راى جدتى رحمها الله

"خايب بلده خايب بلاد الناس"

ولكن تستمر الحياة...............................

لم اكن اعرف اخبار كثيرة عنها سوى انها كانت تاتى لامى تحكى معاها ولا اعلم ما يقولون بالرغم من اننى الانم اصبحت كبيرة كفاية لاعرف ما يحدث

ولكن امى كنت تقول انها اسرار الفتاة وتأتمنها عليها,وكانت امى محقة

الى ان اتى اليوم الذى انتظرتة

لم اكن انتظرة هو بالتاكيد

ولكننى كنت انتظر النهاية سعيدة كانت ام تعيسة

ليس هو المهم ولكن لاعرف 10 اعوام حب وزواج الى اين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الى زيادة ام نقصان؟؟؟؟؟؟؟؟؟؟؟؟؟؟؟؟؟؟؟؟؟

ام الى اوهام؟؟؟؟؟؟؟؟؟؟؟؟؟؟

سألتها ذات مرة ألم تندمى يوما على حبك له!!!!!!!؟؟؟؟؟

فاجابت قائلة : لو جتنى بنتى تقولى انا بحب ده وهتجوزة وهمسكها من شعرها وهرفض

وبعد لحظات قالت:لا انا ساعات اقول لنفسى هجوزهاله عشان لما الدنيا تضيق بيها وبيه تقدر تقف جنبه

قى ما سمعت انه كان يوجد اصوات عالية وضربات سريعات وناس تجرى من مكان الى مكان وكل هذا يجرى فى عمارتهم الهادئة

ويمر عدد من الايام ونعرف ما حدث

جائت الفتاة المحبة لزوجها تجر اذيال الخيبة والحسرة على حبها وتقص ما حدث لها

زوجها لم يكن مخلصا اخلاصا كافيا ولم يكن مخلصا من الاساس

وهو ما كانت تحكيه لامى دائما

وتحاول دائما ان تجذبه لها وتهتم بنفسها امامة ولا تهمله ابداولكن من تجرى الخيانة فى دمه لا يمكن ايقافة

الى ان جاء اليوم الذى بدات تشعر ان اشياء غريبة تحدث بينه وبين زوجة اخيها

وفى يوم من الايام كانت هى عند والدتها وهو عند والدهاويتصل بها ويقول لها انه بعث عن طريق الخطأ رسالة لزوجة اخيها بها كلمات حب وغرام وهى ما بعثها لزوجتة بعد ان بعثها لزوجة اخيها وانكشف امرة

على اعتبار انه بعثت بالخطأ وبالفعل ذهبت الى شقة اخيها تعتذر له عن الرسالة وهى على مضض ولكن خوفا من قذف المحصنات فكان شقة اخيها فى الدور الاخير لعمارة ابيها وابيها فى الدور الثانى

ولكنها لم تكن غبية عندما دخل الشك قلبها قررت ان تترصدهما واذا بها تجدة يضع اسم زوجة اخيعا على تليفونة المحمول باسم رجل

وتفتح الايميل الخاص به تجد محادثات شات طويله بينهم

وفى اليوم المشؤم كانت عند والدها هى وزوجها وقال لها انه سيذهب لوالتها لانها مريضة وبالطبع بيت والدته خلف عمارة والدها اى كان من السهل ععليها ان تتاكد من وجوده هناك

وذهبت ولم تجده هناك وقالوا لها انه اشترى تورتة وذهب اليك

وفى نفس الوقت اخيها لم يكن بمنزلة حيث انه كان على سفر فى عمله

وقررت ان تصعد لشقة اخيها لتتاكد وقدم تصعد وقدم تعود للوراء الى ان استجمعت شجاعتها وقررت الصعود

وتنظر من تحت عقب الباب لترى حذاء زوجها امام الباب فيجن جنونها وتطرق الباب وتصرخ وتدخل كالمجنونة تبحث عنه فى الغرف

وترى التورتة فى التلاجة

وينزل هو فى تلك الاثناء من الشقة

اين ؟؟؟؟؟؟؟؟؟؟؟؟؟؟؟؟؟؟؟؟

ولماذا؟؟؟؟؟؟؟؟؟؟؟؟؟؟

وكيف؟؟؟؟؟؟؟؟؟؟؟؟؟؟

ماذا تفعل لو كنت مكان تلك الفتاة بعد 10 اعوام منهم حب وخطوبة وزواج ومشاكل وعذاب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وكأنه لم يكن حبيبها

ليس التوفيق فى الزواج ان يجد الرجل زوجة صالحة بل ان يكون هو صالحا وتكن هى ايضا

حســـــــــــــــــــــــــــــــــــــــــــــــــــــــــــبى الله ونعم الوكيـــــــــــــــــــــــــــــــــــــــــل

خلاص انتهى عهد العند وعصر التدوين

بناءا على طلب عزيزة القلب ستيته

قررت انهاء عهد العند

اللى مبتداش من اصله

ولان انه من الواضح ان الاسم

مش لايق عليا

بشهادة كل اللى عرفونى

قررنا الاتى:

تغيير اسم مدونتى الى

يوميات حبيبه سي السيد افندى

والاسم الى

حبيبه سى السيد

انتهى البيان الاول

وقررت الابتعاد عن التدوين

فترة غير معلومة

وذلك

بغير ارادتى

لما ضاقت بيا الدنيا ولاقيت انى صعب احكى لجوزى

اللى انا فيه

مش هقدر اقوله على ضغط اهلى عليا

والمشاكل معاهم

لانهم

فى الاول والاخر اهلى

ولاموأخذة العبيطه اللى تشتكى من اهلها لجوزها

مهما كان السبب

برضه من جوزها لاهلها

بس بحدود

يعنى لو فى تجاوزات منه لازم تلجا ليهم

بس مش عمال على بطال

المهم

كان لازم حد يسمعنى ويفهمنى وكمان ينصحنى

ولاقيت فيكوا دة

بس مش ينفع استمر واناقض نفسى

مش بحب انى اعمل حاجة واحس قدام نفسى

انى متناقضه

كتبت موضوع فى مجله رؤيه

كان اسمه مرفوض

كان بيتكلم عن الزوجه لما زوجها يرفض احلامها

وانه مش مبرر ابدا انها تعمل اللى هى عايزاه من ورا جوزها

لمجرد انه رفض طلبها

اتكلمت مع جوزى فى موضوع المجله رفض

وحاولت كذا مرة ورفض

فقررت الاتى

انا مش هقدر اقفل المدونة لانى على الاقل بلاقى فيها نفسى

بس كمان مش هقدر اغضب ربنا

بعدم اطاعتى لزوجى

وكان الحل النهائى

انى هسيب المدونه مش هحذفها

واقفل التعليقات خااااااااااالص

ومش هكتب جديد

وهحاول اقرا البوستات بتاعتكوا اللى بحبها

واعلق عليها

لحد ما اسافر عند جوزى والاقى وقت مناسب

اعيد الكلام فى الموضوع تانى

يمكن يوافق

لكن انا مش هقدر اكمل من غير ما يوافق

اى كان سبب رفضه

هو رفض وخلاص

وانتهى الحديث بيننا ولم يتبقى له بقيه

اتمنى لكم ان تكونوا دائما جمعكم فى اسعد حال

ولى عودة بينكم ان اراد الله سبحانه وتعالى

"والاغنيه دى بتعبر عن راى جوزى "

جانى تاجين من ارق اتنين

جانى تاجين من ارق اتنين
باين عليا هقول شعر ولا ايه

المهم


انا جانى من احساس طفله واقعيه محبه للرومانسيه
احنا لسه اصحاب جداد
بس شوفت فى كتاباتها رقه وواقعيه عجيبه

وتاج من ايمان صحبتى اللى بحس
اننا اصحاب من زماااااااااااان

اسمك؟

زوجه عنيدة جدا

المشهور بيه وسط اصحابك؟

كوكى (جوزى اطلق عليا الاسم دة يعنى حصرى مش للاستخدام)

بس اصحابى بيقولولى يا ايمى

سنك؟

24سنه

مجال دراستك؟

علم الاجتماع(أداب علم اجتماع)

اسم مدونتك؟

زوجه عنيدة جدا

صورتك الرمزية فى المدونة بتعبر عن ايه؟

هى صورة كرتونيه لعروسه"انمى"
اصلى بحب الكرتون
وبتعبر عنى زوجه

هل فكرت فى اغلاق المدونة ؟ والسبب؟

اه
انا كان عندى مدونه قبل كدة وقفلتها
والسبب ان وقتها جوزى كان خطيبى ورفض
فكرة التدوين

وكمان انا كنت لسه بشتغل ومش فاضيلها اوى


ايه رد فعلك لو حد قل ادبه فى تعليق ؟

همسح التعليق واعتبر انى مش شوفت حاجه
ومجرد انى اشوف اسمه بعد كدة همسح الرساله من غير ما اقراها


اسوأ مدونه؟


الصراحه مشفوفتش لحد دلوقتى




هيحصل ايه للايميل بعد ماتموت؟

هتفضل زى ما هى لان محدش هيشوفها


اديت الباسوورد لحد قبل كدة؟

اه اختى الصغيرة
لانى غالبا لو قفلت المدونة هديهالها
ماهى زى بنتى انا اللى مربيها

وبحبها اوووووووووووى


الموود بتاعك ايه ؟

متقلبه

بس حساسه اوى كلمه تزعلى وكلمه تفرحى
وبأخد على خطرى لو حد معمليش اعتبار


بتعما ايه فى اوقات فراغك؟

عندى من دة كتيييييييييييييييير جدا
لانى بلا عمل
بلا زوج فى الوقت الحالى
وقريبا بلا مدونة

لا شئ
اتفرج على التليفزيون
والحمد لله ان لسه متلغاش من المقرر

الأكلة المفضلة ؟

بحب كل الاكل
بس بعز الصوانى مش بحب الطبيخ
وبحب التيك واى
يعنى الاكل بره

وبموت فى الشيكولالالالالالالالالالالالالالالالالالالالاته

الصفات التى اخذتها من والدك؟

العقل والبعد عن العواطف فى الحكم على الامور
وحب القراءة والنظام والعصبيه وقوة الشخصيه
وحب العمل

وحاجات كتييييييير اوى
اصلى نسخة منه

الصفات التى اخذتها من والدتك؟

الطيبه اللى واضح انها ورايا ورايا
والحنيه وحب الاطفال
وحب الناس

اكتر ست حاجات بتكرههم ؟

الكذب لانه بيوصل للخيانه

والنفاق لانهن الواحد سعتها بيكون برضه كذاب

القسوة اصلى بحب الحنيه

وقله الحيله لما احس انى مش قادرة اعمل حاجه لحد محتاجنى

والغدر انك تكون مأمن لحد ويغدر بيك

والبخل بكره مووووووووت

اكتر ست حاجات بتحبهم ؟

جوزى بموت فيه ربنا يحميه ويخليهولى

وماماوبابا واخواتى

اخويا محمد بمووووت فيه
عشان ظروفه خاصه

الحناااااااااااان



شخصيتك نوعها ايه ؟

بيقولوا عليا فى البيت عصبيه وشخصيه قويه
وعنيدة ومش بسمع الكلام

وفى عالم التدوين طيبه

لماذا دخلت عالم التدوين من الاساس؟

لما الدنيا ضاقت بيا
وملاقتش حد يسمعنى ولا يفهمنى
وكان صعب انى احكى لاقرب الناس
وكنت عايزة حكم موضوعى على اللى انا كنت فيه
والصراحه ساعدتونى كتيييييييييييييير
اوى

وبالمناسبه عايزة اشكركوا على مساعدتكوا ليا

وبالاخص ستوتة اصلى تعبتها معايا اوى
وكل شويه اقولها شوفيلى حل تانى


احلى جملة قيلت فى وصف مدونتك؟

كل الكلام اللى كان بيتقال كان بيفرحنى من تعاطف معايا
ومحاوله انهم يلاقولى حل
او يهونوا عليا


اهمية التعليقات بالنسبالك؟

هى اللى كانت بترد روحى وانا غرقانه ومحتاجة المشورة



احلى بوست كتبته؟ضع اللينك بتاعه؟

صعب اعيش

عشان كتبته لجوزى حبيبى اللى بحبه اوى من كتر حبه فيا
"بس مش عايزة أر"

http://moniimooon.blogspot.com/2009/03/blog-post_1002.html

افضل مدونة قرأتها؟


انا لما يجيلى ضيف بحب ارد الزيارة ولما بتعجبنى
مش بفوت بوست الا لما اروح واقرا واعلق
واكيد لازم احط اللينك بتاعه عندى عشان اشوف الجديد
ولما يتاخر اسال عنه


افضل بوست قرأته؟

هما الصراحة اتنين

الاول عند ستوته "البصه فى عينك بتلاتين سنه جواز"

http://mosh3arfa7aga.blogspot.com/2009/02/blog-post_24.html

والتانى عند ايمان"الرسول(ص) فىشقتى الجديدة

http://banaty.blogspot.com/2009/03/normal-0-microsoftinternetexplorer4.html


الشغل بالنسبالك ايه؟

مسئوليه وحياه
بس الراحة نعمه


الانترنت بالنسبالك ايه ؟

بقضى فيه وقت فراغى وبيهون على الوقت لحد ما اروح لجوزى

وطبعا لانى بشوفه واكلمه عليه

بس انا من زمان بعتبره نافذة على العالم
من غيرة بحس انى قاعده فى اوضه مقفوله


تمرر التاج ده لمين ؟



Bondoka

Baraie girl

موناليزا

زوجه مخنوقه

حاسوباتيه

يوم جديد

عاشقة وغلبانه

بسمه صلاح

عاشقة القمر

عاشقة الاحزان

القدر وانا

كان نفسى اديه لناس كتير بس فى ناس رحلهم قبلى وناس كتير هيرحلهم من اللى انا بعتلهم

:)

كيف تستطيع أن تعيش 60 سنة زواج

سمعت الصحيفة المشهورة بهذه الزيجة الناجحة التي استمرت لمدة ستين عاماً وزادت الدهشة عندما وصلت تقارير المراسلين تقول أن الجيران أجمعوا على أن الزوجين عاشا حياة مثالية
ولم تدخل المشاكل أبداً إلى بيت هذين الزوجين السعيدين


هنا أرسلت الصحيفة أكفأ محرريها ليعد تحقيقاً مع الزوجين المثاليين ، و ينشره ليعرف الناس كيف يصنعون
حياة زوجية سعيدة



المهم ، المحرر قرر أن يقابل كلا الزوجين على انفراد
ليتسم الحديث بالموضوعية وعدم تأثير الطرف الآخر عليه .


و بدأ بالزوج
- سيدي ، هل صحيح أنك أنت و زوجتك عشتما ستين عاماً
في حياة زوجية سعيدة بدون أي منغصات ؟
- نعم يا بني
- وايلام يعود الفضل في ذلك ؟- يعود ذلك إلى رحلة شهر العسل ، فقد كانت الرحلة إلى أحدى البلدان التي تشتهر بجبالها الرائعة
وفي أحد الأيام ، استأجرنا بغلين لنتسلق بهما إحدى الجبال حيث كانت تعجز السيارات عن الوصول لتلك المناطق .

و بعد أن قطعنا شوطاً طويلاً ، توقف البغل الذي تركبه زوجتي
ورفض أن يتحرك .. غضبت زوجتي و قالت : هذه الأولى !!!
ثم استطاعت أن تقنع البغل بمواصلة الرحلة .


بعد مسافة ، توقف البغل الذي تركبه زوجتي مرة أخرى ورفض أن يتحرك .. غضبت زوجتي و صاحت قائلةً : هذه الثانية !!! ثم استطاعت أن تقنع البغل بمواصلة الرحلة

بعد مسافة أخرى ، وقف البغل الذي تركبه زوجتي و أعلن العصيان كما في المرتين السابقتين
فنزلت زوجتي من على ظهره
وقالت بكل هدوء : وهذه الثالثة !!!

ثم سحبت مسدساً من حقيبتها ، وأطلقت النار على رأس البغل فقتلته في الحال .


ثارت ثائرتي ، و انطلقت أوبخها :
لماذا فعلت ذلك ؟ كيف سنعود أدراجنا الآن ؟كيف سندفع ثمن البغل ؟

انتظرت زوجتي حتى توقفت عن الكلام
ونظرت إليّ بهدوء و قالت :


هذه الأولى ..!!!!!!

انا جوزى بعتلى الايميل دة وفطست على نفسى من الضحك

ايه هو بيخوفنى

تحذير بالمشقلب

هههههههههههههههههه

صعب اعيش

زوجى الحبيب

فى لحظة قرأتك لهذه الكلمات لن نكون سويا

ستكون بعيد عنى للمرة الثانية

لكن

هذة المرة ستكون انت بأنتظارى ولست انا


وستكون اخذت قلبى معك

لانك الان زوجى وحبيبى

ولست
حبيبى فقط

يا اغلى ما فى عمرى

يا من ملكت القلب والروح


فى يوم من ايام حياتى

تمنيت ان اجد الرجل الذى يعرف
الحب

اكثر منى ليعلمنى

كيف هو الحب؟؟؟

ليحبنى وحدى

واحبه وحده ولا يرى سواى احد

واكون انا محور حياتة ومصدر سعادته وابتسامته

أريد ان اكون لك الدنيا التى تتمناها

وأريد منك الحنان والأمان

أريدك أن تقول لى ما تعرفة عن الحب وما لاتعرفة

دعنى اعيش دنياك

وعلم قلبى لا ينبض الا بحبك

لقد كنت حلم وأنت الان الحقيقة الوحيدة

التى اعيش من اجلها

سأدعو الله

ان يجعلنى زوجة صالحة لك

وان تكون زوجا صالحا لى

وان تكون عونا لى

وان اكون عونا لك

اللهم بارك لنا فى زيجتنا هذة و زدنا علما نافعا نربى
به ابنائنا

ودينا صالحا نجعله طريقا لنا

اللهم أعنى وساعدنى لأكون زوجة صالحة تطيعه
فيما أمرت

اللهم اجعله زوجا صالحا يحبنى ويرعانى انا واولاده
ان شاء الله



دى كانت احدى رسائل كتبتها لجوزى قبل الزواج

ولم يقرأها الا بعد الزواج

لاننى خجلت انه يقرأها قبل الزواج

شكوت منه وتضايقت من عصبيته

احيانا

ولكنه واحشنى جدا

فى لحظة مسح دموعى لما بكيت

فى ثانية عمل حاجة مش كان عايز يعملها عشان يرضينى

ولماضاقت بيا الدنيا

وحسيت انى مخنوقة وانه الوحيد اللى كان هيحس بيا

عرفت اد ايه ان اى شئ فى قربه اهون من بعده

وبقوله صعب اعيش من غيره

واحشنى

تحديث

لما تدعولى ادعولى انى انا اللى اروحله

مش هو اللى يجى

عايزة ارتاح من مشاكال هنا

امى.... زوجى .....كرامتى

سمعت النصيحة

وكنت مقتنعة تماما بيها

كان راى اغلب الناس فى موضوع

حماتى حياتى

"من امنك لم تخونة..."

انى اروح ازورها وده واجب عليا

ولما سألت جوزى

قالى لو عايزة تروحى روحى

وانك لما تروحى هتكسفيها

فقلتلة:انا مش عايزة اكسفها انا رايحة عشانك انت
وانا عمرى ما هحط راسى براسها

لان هى امه

والزوجة الغبيه اللى تقف قدام حماتها وتعلن العداء ليها

كأنها بالظبط

تعلن العداء على جوزها

المهم

انا جبت هدية شيك وقررت ان اروح

بما ان امى رافضة تماما الفكرة

لانى بمجرد ما قلتلها

انى هروح لحماتى

رفضت رفض قاطع

ولما قلتلها انى نشرت الموضوع على المدونة

وكنت بقرأ لها

اى تعليق يؤيد انى اروح

كانت تثور وتقول دة كلام فارغ

فطلبت من ابى ابو العقل الكبيرواللى واقف انى اروح

انه هو اللى يقولها

وقولتله انى هروح وانتوا مسافرين

لان والدى ووالدتى كانوا مسافرين عند خالت امى
اللى هى فى مقام امها

عشان عيد الام

ولكن

قررت انى اقولها انا بدل ما تزعل منى اكتر

واللى حصل انها زعلت بالفعل

وسافرت امى

واليكم ما حدث بالتفصيل:

اخدت هدية لوالدة ولعمة زوجى لانها ست كبيرة وطيبة اوى

وذهبت على اختة اولا
لانها ساكنه بالقرب من حماتى

ولكن لاقيتها عند حماتى

دخلت

وجلست على اقرب كرسى لباب الشارع

جابت حاجة ساقعة

شربتها وحلفت انى اتعشى عندها

ولكن انا رافضت

رفض قاطع وكفاية اوى انى شربت الحاجة الساقعة

ونزلت عمته
لانها ساكنة فوق والدته

وبتقولى مش تزعلى

رفضت انى اتكلم فى الموضوع

ولاحتى عتاب

وقعدت نصف ساعة بالظبط وروحت

وصمموا ان اخو جوزى الصغير يوصلنى للبيت

ووصلنى

وانتهى الموقف مع حماتى على هذا

وبدأت معاناتى مع امى

زعل غير طبيعى وشكوى لكل الناس

وسمعتوا المثل اللى بيقول

"العجل لما بيقع تكتر سكاكينة"

كل واحد ربنا قدرة على خير عمله

اللى قالت :

ازاى تفرط فى كرامتها

والاولى انها كانت تعاملك كويس
زى ما بتعامل حماتها

واللى قالت:

مادام هى فرطت فى كرامتها سيبك منها
وسيبيها تقرر حياتها زى ما هى عايزة


واللى ثار وعملها حدوتة

ومفيش حد قال كلمه حلوة

حتى بابا

انكر انه وافق

وقال ان جوزى لئيم لما قال

لو عايزة تروحى روحى

الله يسامحهم كلهم حتى ابى

غلطت لما رضيت جوزى وشوفت فى عينه الفرحة بيا

والرضا عنى


كنتى عايزة منى اية يا امى

اعامل جوزى وامة وحش


انا فرطت فى كرامتى فعلا

انا مش هروح عند حماتى تانى

انا عملت الواجب والاصول اللى هى معرفتهاش

انا لما كنت مخطوبة قبل كدة

وسبت خطيبى

بسبب
المشاكل اللى كانت والدته بتعملها

واساسا

لانى مكنتش بحبه


تعرفوا قالتلى ايه

هو ليه متمسكش بيكى

عشان كنتى بتعمليه وحش

الكلام دة جرحنى اوىىىىىىىىىى

فوق ما تتخيلوا

امى لحد دلوقتى يا سادة

بتقول فى وشى انها لسة بتحب خطيبى الاولانى

زى ابنها

مع ان ابنها دة غلط فى بنتها

ووراها ايام فظيعة

انا بس اللى مكنتش بحكى


انا تعبت من الكلام

تعبانة اوىىىىىىىىىىى

هل انا غلطت لما رحت؟؟؟؟؟؟؟


هل انا فرطت فى كرامتى واستاهل اللى هيعملوه فيا
بعد كدة؟؟؟؟؟؟؟


تعبانة اوىىىىىىىىى

أمى........ سامحينى

ساعات بحس أنك امى

وأن مفيش فى الوجود زيك


وأن حضنك بالدنيا


وساعات ببعد بلاد عنك

وحتى وانا جنبك مش عارفة تحسى بيا

او احس بيكى


سامحينى يا أمى

أن كنت جرحتك يوم

ما أنا مش ملاك على الأرض

أنا بغلط و أثور وأقسى عليكى

ولأنك أمى بطلب منك كتيييييييييير

وانسى أنك بشر له طاقة وبيتعب

طماعة

أيوة انا طماعة خدت منك شبابك

ولسه عايزة تانى اكتر

ليه فى وسط الزحمة وأنانيتى

بنسى أن ليكى حق عليا

ليه لما بزعل منك

بحسبك جوايا حساب الملاكين

وأنا ماليش حق فى حسابك

ولما بغلط انا وتحسبينى

بزعل اوىىىى ليه


زى ما تكونى غلطى فى البخارى


مالى

فرحانة بنفسى اوى كده ليه

وناسيه ان اى نجاح بوصله

هى السبب فيه ،هى اللى بتدعيلى

مالى فرحانة

انى بعرف اتكلم وناسيه ان هى اللى علمتنى الكلام


أمى سامحينى


سمحى غباوتى وقلة حيلتى

وقسوتى عليكى بجهل منى


أمى سامحينى

دايما بنسى أن زعلك عليا هيكون أكبر من زعلى على نفسى


أمى سامحينى

نسيت انك بشر وان الكمال لله وحده

أمى سامحينى

لما بغضب اوى واثور وأعتبرك ضيعتى حقى لما

بنمشى مشوار ونرجع بخسارة ليا

امى سامحينى

نسيت أن خسارتك هتكون أكبر من خسارتى

لأنى انا تعب السنين

سنينك انتى

نفسى لما اجى ابكى زعلانة منك

عقلى

يرفضنى

ويقولى على قد زعلك هى زعلانه الف مرة


يا رب


لو غضبان عليا سامحنى


انا مهما رحت ولا جيت

عبد ضعيف لا ليا حيلة ولا وجود الا بأمرك

اجعل مودة بينى وبين امى وارضيها عنى

وعلمنى كيف ارضيها
دموعى لا تكفى اى كلمات سماح

بس عايزة اقولك

بحبك يا امى

وما املك الا انى ادعيلك وعمرى ما هديكى حقك

عليا

تسلم العين اللى حبتوتسلم الايد اللى ربت ويسلم القلب اللى سمى

وعكة صحية

اعتذر عن الغياب وذلك بسبب المرض

نزلة برد خفيفة مع تكسير فى عظام الجسم كله

بالاضافة لقلق عائلى هبقى احكيلكوا اية اللى حصل بس اشد حيلى شويه

عنيدة ولكن ...بطريقتى

كتير منكم دخل ونورنى فى البوست اللى
فات

وقال انى مش عنيدة

هو اية معنى العناد عندكم؟

انا عنيدة وافتخر ومصممة على دة

العناد عندى اسلوب حياة مش مشاكل ولا تصميم على راى وخلاص

انا بعاند لما بصمم اوصل للى انا عايزاة

انا كنت مع حماتى عنيدة جداااااااا
لأبعد ما تتخيلوا

عارفين ازاى


لما مش اديتها فرصة ولا مرة انها تمسك عليا غلطة
ودة كان عناد

انا عنادى عناد ايجابى مش سلبى


انى اكون عنيدة عشان احقق احلامى
عادى


اللى مش عادى انى اقف اتفرج على احلامى بتضيع منى

الطيبة مش عيب


بس مش بحب اتظاهر بحاجة مش فيه


انا ممكن اكون شريرة اوى لما كنت بسكت


والتزم الصمت فى حاجات كتير كانت بتحصل

يعنى........

اصلى الصراحة مش كنت عايزة ابقى غلطانة


وانا لسانى ساعات بيبقى عايز قطعة

فقررت السكوت


فأنا عنيدة
مع اى حد يحاول يقهرنى


عنيدة

مع حلم عايزة اوصله اجرى لأخر المشوار واوصله

عنيدة

مع الدنيا والزمن وغصب عنه هيفضل عدل معايا

عنيدة

مع الظروف الصعبة ومش هنكسر بسهولة

عنيدة

حتى فى هدوئى بيكون اصله عناد

عنيدة

لما بفرح اوى بكون انتصرت على حاجة

عنيدة
لما صممت انى ادخل الثانوى العام

عنيدة
لما بدلت حلمى بأنى اكون مهندسة
لأنى اكون صحفية

عنيدة

لما فقدت حلم الصحافة بسبب ناسه
وبدلتة تانى بالتدريس

عنيدة
لما رحت قدمت ورقى لاول مرة فى مدرستين
للعمل وقبلت فيهم الاتنين مع بعض
وانا اللى كنت بختار

عنيدة

لما تعبت اوى فى اول شغلى لحد ما وصلت لاحسن مدرسة فى الدور اللى كنت فية

عنيدة وعنادى دة ميزة مش عيب اهرب منه
بأخد الحلو فى الصفة وابعد عن السلب

انا عنادى ايجابى وبستفيد منه

وللزوجة العنيدة جدا بقية

من أمنك لم تخونة.............لو كنت خاين

مش عارفة أبدأ منين
أو حتى أقول أية ...................


الكلام بيهرب منى بس لازم اقول

حماتى

أنا هحكى علاقتى بيها من أول ما أتجوزت

لاء

قبل الجواز كمان

أنا كانت علاقتى بيها عادية فى البداية


يعنى انا مش كنت بحب أقول كلام مش حاساه ودة
اللى قلتة لجوزى قبل الجواز

انى حتى مش هقولها يا ماما زى ما هو بيقول لولدتى الا
لما احس انى عايزة اقولها

وبالفعل مش عدى وقت طويل وعملت فيا موقفين عجبونى منها



فقررت أنى أقولها "يا ماما"




الصراحة انا كمان زى ما أكون بتلكك

عشان كنت عايزة أرضى جوزى لانه كان بيعامل أمى حلو أوى
وعشان أنا كنت بحبه حبيت أهلة كلهم وقررت أنى أكرمهم
وكانوا الموقفين

الموقف الأول :

قبل الجواز أتصلت بيا فى يوم تفكرنى بعيد ميلاد جوزى
عشان ابقى اقولة

"كل سنة وهو طيب"


مع العلم انه كان ساعتها مش فى مصر
كان خارج مصر نظرا لظروف شغلة فى بلد عربى



فعجبنى منها أنها عملت كدة يعنى على أعتبار أنه محبة منها




الموقف التانى :

أنا عدى عليا وأنا مخطوبة عيدين منهم عيد كان جوزى لسة مش رجع من السفر
لاقيتها جاية تزورنا فى العيد الصغير وبتدينى عيدية

مع أن الموقف دة شئ طبيعى والمفروض أنة لو محصلش يبقى دة هو اللى مش طبيعى

على سبيل أن دى عادات وتقاليد
بس أنا بشوفها مش أساسى ومش ليها لازمة
عادى يعنى
وأعتبرت أن دى محبة منها برضة




ودى كانت المواقف اللى دارت ما بينا قبل الجواز بس

وعلى أساس الموقفين دول قلتلها
"يا ماما"



عشان خاطر جوزى



وبعديها رجع جوزى من السفر وأتجوزنا والحمد لله





وبعد الجواز




عدت مدة قصيرة والوضع هادى ولا شئ غير طبيعى



ولكن دائما

تأتى الرياح بما لا تشتهى السفن




بدأت بداية مش بطالة

وكنا انا وجوزى فى زيارة عندهم
ونظرا لظروف شغل جوزى خارج مصر يعنى فترة وهيسافر
كنا بنروح ونقعد يومين




مع أنى مش بحب أبات عند حد

لكن



كلة يهون عشان خاطرة
وكنت بساعدها وهى بتطبخ

ومرة وانا بغسل الاطباق لاقيت 50جنية فرحت اديتهالها لان
شكلها مطبق زى ما يكون محدش واخد بالة منها
فقالتلى دى مش عارفة مين من
قريبها اعطها ليا

المهم




كنا ساعات نسهر أنا وجوزى وأختة وأخوة نتفرج على
التليفزيون


وطبيعى مش هنصحى بدرى

بس عشان مش أبقى قليلة الذوق

كنت بقوم الساعة يعنى 11أو 12
حتى لو نيمين الصبح

عشان أساعدها فى الأكل او فى عمايل البيت
لأن بنتها بتشتغل

وميبقاش شكلى وحش

وبرضة عشان خاطر جوزى





تخيلوا ...........تخيلوا!!!!!





كنت بتكلم معاها دردشة عادية
لاقيتها بتقولى أية

انتى بتصحى متأخر

على اعتبار أنى المفروض أنى اصحى من الفجر



مش كفاية أنى بصحى قبل جوزى وهو طبعا مش بيقوم قبل الساعة3 العصر

ولا كان المفروض اسيبة سهران لوحدة وأقولة
لا يا حبيبي أنا هقوم أنام عشان عندى غسيل وطبيخ الصبح


وطبعا كالعادة



كان لازم أمسك أعصابى


وقولتيلها



انا بقوم بدرى لما بيكون ورايا حاجة
وبينى وبينكم سكت



ومشينا بعدها روحنا ومش قلت لجوزى حاجة



وفى يوم



لأقيت حماتى بتعدى عليا فى البيت بتقولى تعالى معايا للدكتور

عشان ضهرها واجعها وعايزة تروح لدكتور العظام



جوزى مش كان فى البيت

راح يحلق شعرة

قلتلها ومالة مفيش مشكلة أجى معاكى




كلمتة على الموبيل
وقلتلة أنى هروح معاها

طبعا وافق




ورحت معاها وكانت نفسى راضية
وربنا يعلم انا عملت الواجب معاها وزيادة
وهى كانت كمان كريمة معايا وعزمتنى واحنا ماشيين
على حاجة ساقعة



وانا صممت انى ادفعلها التاكسى وفلوس الكشف
وصممت انها تديهالى لكن انا رفضت



ولما روحنا قالت لجوزى وكان عايز يدينى الفوس
وانا قلتلة انا أية وأنت أية أحنا واحد
ودى أمى
وطبعا كانت خروجه حلوة




وقلت الكلام دة لجوزى وشكرت كتييييييييير فيها وكان كلامى من القلب
وربنا يعلم




بعدها



لآقيتها بتقولى أنى أروح عندها عشان ............


امسح معاها الشقة



عروسة لسة مش عدى عليها شهر تروح تمسح لحماتها الشقة
وهى عندها
بنتين واحدة أنسة والتانية متجوزة


طب لو مش قادرة زوقيا تجيب واحدة تمسحلها

انا عند ماما كنا ساعات بنعمل كدة



المهم




كان الكلام قدام جوزى
لآقتنى بقولها حاضر

وهو قالها بكل بساطة :خليها بعد ما أسافر



سكت




ماهو انا كان لازم اسكت على الأقل قدامها
وعديت اليوم كلة





وتانى يوم




كلمتةوقلتلة:انى المفروض مش كانت قالت كدة
وانى حتى لو عايزة تطلب منى كانت على الاقل كانت استنت شوية

دا انا لسة عروسة

تصورو قالى أية!!!!!



أنت مش كنت بتروحى عندها وتقعدى



وهى مش قصدها حاجة هى تقصد انك تعمليها انتى وهى وأختى

وقلب الطرابيزة وحسسنى انى انا الوحشة



والآكتر



لأقيت والدتة بتتصل بينا تقولى مش تعملى أكل بكرة
أنا هجيب أكل

وطبعا كان بارع جدا فى انه يحسسنى بالذنب ولانى بحبة وأوى كمان

أعتذرت

للاسف

وحسيت انى غلطانة وأنا كمان اللى صالحتة
وعدى الموقف

لكن التقيل هو اللى جاى ورا



ودة المهم اوى



أخر يومين لجوزى فى مصر قرر اننا نروح نقعد يومين عند والدتة

ويسافر من هناك

وافقت على عينى ارضاءا لية


وحضرتلة الشنطة ووالدتة قعدت تعمله أكل كتييييير

يعنى عشان هو هناك مفيش حد يعملة اكل


وبابا وماما جاؤا عشان يوصلوه المطار ويأخدونى
اقعد عندهم لحد

ما ان شاء الله يبعتلى واروحله


الست كانت كريمة وعملت غداء
اتغدينا أناوماما وبابا وجوزى
وبعد كدة


وصلت جوزى المطار
ورحت عند امى


وكان يوم صعب اوى اوى عليا

وتانى يوم فكرت انى اتصل بيها اتطمن عليها
لانها اكيد تعبانة زيى
من فراق ابنها
لاء اكيد اكتر منى
وعديت يوم وكلمتها التانى
وعديت يوم تانى وكلمتها التالت


يعنى تقريبا يوم ويوم


فى تالت مكالمة ابنها قالى نايمة

ومتهيألى كان المفروض انها لما تصحى تكلمنى

دة مش حصل وماما قالتلى استنى لما هى تتصل بيكى

وانا مش كنت مقتنعة ابدا

ومصممة انى اكلمها



وفجأة



لاقيت ماما غيرت رأيها وبتتصل بيها

وبعد ما كلمتها


حماتى طلبت تكلمنى



لاقيت الكارثة

لاقيتها بتقولى
ان كان فى 500 جنية فى مكان فى الصالون
وبعد ما مشيت انا وجوزى
بتبص عليها
مش لاقيت الا 200


والمفروض انى انا اللى روقت الاوضة وكنستها الصبح
فى اليوم دة


والاكتر


قالتلى لما كنت بتتغدوا فى السفرة
كانوا موجودين
والد جوزى شافهم
وبعد ما مشينا مش لاقيا الا200
دى عمرها ما حصلت


وانا قلتهلها وفكرتها
انى لما لاقيت فلوس قبل كدة اديتهالها


وانى اكيد لو شفتهم هقولك
واديهوملك

وقالتلى اخيرا
انا هروح لعراف

(جهل بقى بعيد عنكوا)

قلتلها براحتك

وقفلت السماعة
وانا منهارة اية اللى عملته دة



ازاى....ازاى...ازى

وحكيت لأمى
انهارت امى وكلمت جوزى وهى متضايقة جدا

المشكلة ان أمى كانت قاعدة جنبى
يعنى مش ينفع اخبى

بس الصراحة

موقف جوزى عجبنى اوى
كلمها ومش انكرت اى كلمة
بس قالت انا مش اتهمتها خالص

وطلب منهم يتصلوا بينا ويعتذروا لولدى اللى كان
هو كمان مش طايقهم

وطبعا


لا اتصلوا ولا عبرونا
خالص



وانا بقى مش عملت اى حاجة كالعادة
سكت وسكت وسكت


ومش عارفة لحد امتى انا هفضل ساكته

وعلى فكرة



انا مش هادية
أنا بس عصابيتى مدمرة وغير عقلانية
فمن فترة طويلة كنت بحاول اعمل عليها كنترول
والحمد لله قدرت



بس دة مش يمنع انها موجودة
بس مستخبية



قولولى انتم لو كنتم فى مكانى هتعملوا اية

واكيد طبعا


مفيش شك انى مأخدتش الفلوس دى
لان


انا ولله الحمد بنت ناس اوى
ومتربية تريبة دينية ولله الحمد سليمة
دا المفروض حتى




"من أمنك لم تخونة ولو كنت خاين"



اعمل اية مع حماتى
اللى بتعز المشاكل زى عينيها

دى بنتها قبل جوزى ما يسافر كانت مش بتكلمها
وقالتلى بكرة يجى الدور عليكى

دا العادى منها
وانا اتضايقت منها وقلت ازاى بنت تقول كدة على امها

ولكن الدور جة بدرى

اوى




ماذا تفعل لو كنت مكانى ؟
اول حياتى مع جوزى وداخل علينا عيد الام

وكان المفروض انى اروحلها واجيب لها
هدية

انا قررت انى مش هدخل بيتها
ابدا
ابدا

ووالدى حلف ان عمرة ما هيدخل بيتهم

وحماتى شايفة اننا كبرنا الموضوع

مشكلتى وعايزة فيها رايكو والحل

واحنا فعلا اللى كبرنا الموضوع

ولا هو اللى كبير اوىىىىىىىىىى


اه يا حيرتى مع حماتى مش قلت حماتى حياتى

الله يسامحها