بناءا على طلب عزيزة القلب ستيته
قررت انهاء عهد العند
اللى مبتداش من اصله
ولان انه من الواضح ان الاسم
مش لايق عليا
بشهادة كل اللى عرفونى
قررنا الاتى:
تغيير اسم مدونتى الى
يوميات حبيبه سي السيد افندى
والاسم الى
حبيبه سى السيد
انتهى البيان الاول
وقررت الابتعاد عن التدوين
فترة غير معلومة
وذلك
بغير ارادتى
لما ضاقت بيا الدنيا ولاقيت انى صعب احكى لجوزى
اللى انا فيه
مش هقدر اقوله على ضغط اهلى عليا
والمشاكل معاهم
لانهم
فى الاول والاخر اهلى
ولاموأخذة العبيطه اللى تشتكى من اهلها لجوزها
مهما كان السبب
برضه من جوزها لاهلها
بس بحدود
يعنى لو فى تجاوزات منه لازم تلجا ليهم
بس مش عمال على بطال
المهم
كان لازم حد يسمعنى ويفهمنى وكمان ينصحنى
ولاقيت فيكوا دة
بس مش ينفع استمر واناقض نفسى
مش بحب انى اعمل حاجة واحس قدام نفسى
انى متناقضه
كتبت موضوع فى مجله رؤيه
كان اسمه مرفوض
كان بيتكلم عن الزوجه لما زوجها يرفض احلامها
وانه مش مبرر ابدا انها تعمل اللى هى عايزاه من ورا جوزها
لمجرد انه رفض طلبها
اتكلمت مع جوزى فى موضوع المجله رفض
وحاولت كذا مرة ورفض
فقررت الاتى
انا مش هقدر اقفل المدونة لانى على الاقل بلاقى فيها نفسى
بس كمان مش هقدر اغضب ربنا
بعدم اطاعتى لزوجى
وكان الحل النهائى
انى هسيب المدونه مش هحذفها
واقفل التعليقات خااااااااااالص
ومش هكتب جديد
وهحاول اقرا البوستات بتاعتكوا اللى بحبها
واعلق عليها
لحد ما اسافر عند جوزى والاقى وقت مناسب
اعيد الكلام فى الموضوع تانى
يمكن يوافق
لكن انا مش هقدر اكمل من غير ما يوافق
اى كان سبب رفضه
هو رفض وخلاص
وانتهى الحديث بيننا ولم يتبقى له بقيه
اتمنى لكم ان تكونوا دائما جمعكم فى اسعد حال
ولى عودة بينكم ان اراد الله سبحانه وتعالى
"والاغنيه دى بتعبر عن راى جوزى "
27 التعليقات:
يا انا فرحت بالخبر الاول
وبعدها ضايقنى الخبر التانى
بس انتى طبعا صح
فى رأيك وقرار وبيتك هو الاهم
بس لازم تتابعى معانا
ونعرف نتواصل معاكى
كان نفسى اتعرف عليك اكتر
بس ربنا يوفقك فى حياتك ويسعدك انتى واهلك جميعا ويجمعك بزوجك
وترجعيلنا تانى قريب ان شاء الله
تقبلى مرورى
لا لا لا
ايه دا
بجد زعلت
بس وعسى ان تكرهوا شيئا وهو خير لكم
معلش ياحبيبتي ولا يهمك طاعة جوزك من طاعة ربنا
ربنا يسعدكوا ويلين دماغه الناشفه دي
والسونج لايقه خالص
ههههههههههههه
مش أنا
يالهوي
ربنا يعين
دا انا مبفكرش في موضوع الارتباط دا خاااااااااااااالص
وربنا يستر بقى
بس ياحبيبتي مستنينك وهتوحشينا اوي ومتبقيش تنسيني ابقي تعالي اسألي عليا طيب
على فكرة انا جاوبت على التاج ياعسوله
بحبك في الله
وعايزة ميلك لو ينفع ومفيش مشكله اوكى
سلام ياحبيبتي
اه نسيت اقولك
عسووووووووووول اوي الاسم الجديد للمدونه ويوقع من الدحك
خلاص يعني مش هيكون في عنيده تاني
بس بجد مبروك علي اللقب الجديد
ويارب يكون خير عليكي
بس علي فكرة مهم اتغير اللقب هنفضل نحبك انتي
بس هتبعدي ؟
دي حاجه تزعل بس بجد هتوهشيني
يارب يحقق احلامك
ويكون ايامك سعادة
ويارب جوزك يوافق
وترجعيلنا بس بتمني ماتطولي
وقلوبنا معك دايما
تحيــــاتي
ياخسارة يعني مش هنقدر نشوفك تاني
لازم تطيعي جوزك
فطاعة الزوج من طاعة ربنا
لكن ابقي زورينا و طمنينا عليكي
لغاية ما يمكن تقدري تقنعيه مثلا انك تفتحي مدونة عادية مش شخصية
والاهم بالموضوع رضا جووزك
ربنا يوفقكم و يسهل امورك مع اهلك وجوزك
ربنا يعلم انا حبيتك وارتحتلك اد ايه
بالتوفيق يارب
رغم حزنى على بعادك عن المدونات الا ان تصرفك سليم
يا يعرف ويقتنع يا اما بلا
ربنا يوفقك دائما
والله متعرفى انا احترمتك اد اية
وفرحت ليكى اووى
بس منكرش انى حزينة يعنى ازاى مش هشوف بوستات ليكى واجى اعلق عندك
رغم ان الفتره اللى متبعاكى فيها مش طويلة الا انى حبيتك من خلال كلامك
وحاولى تقنعى جوزك
ومتنسيناش بقا والنبى يا شيخه تبقى ع الاقل تطمنينا عليكى من وقت للتانى
وبحبك فى الله
وخللى بالك منك اوى يا حبيبتى
يوووووووو شوفتى بقا نسيت اقولك مبروك الاسم الجديد ازاى ؟
الف مبروك الاسم الجديد يا حبيبة الكل
موااااااااااااااااااه على فكرة بوسه
وش مش مكسوف خالص :P
يا ميت خسارة
خلصت حاجتي من ستي
أكلتينا لحم ورميتينا ألحم تخنا الشوية دول
بجد بجد حزين
بس هقول اية
مصلحتك أولى
ربنا يوفقك
شوفي يا جميل
انا تمام مع ستيته الجميله فى الراي ده
ما تعمليش حاجه جوزك مش موافق عليها يا تواجهي الموقف يا بلاش منه
ما تهربيش ابدا
وطبعا لو كان على انك تاخدي راي حد فانصحك ما تتردديش فى الموضوع ده لانه انتى لسه صغيره مهما كان
وللاسف الاهل ما عادوش فى عقل وحكمة اهل زمان
المهم
انتى كده صح وانصحك لما تروحي لجوزك انتى بتدخلي تقري لنا اوك
اكيد هو مش ممانع انك تقري كمان ولا ايه ؟؟
حاولي تخليه يقرا معاكي ولما يبدأ يتابع حد فينا ويهتم شويه او حتى يعرفنا ويعرف احنا بنقول ايه وبنعمل ايه حاولي تكلميه بالراحه برضه
وفهميه انه حرام فعلا يحرمك من حاجه مش غلط ومش حرام لمجرد هوى نفسه لان القوامه دي هو هايسأل عليها يوم الدين
رغم انك هاتوحشينا بس برضه لا يصح الا الصحيح يا جميل
وربنا يهديلك جوزك واهله واهلك ويرزقك الذريه الصالحه يارب
وبالنسبه للاغنيه سيبك منها دي كلام شباب من الصغنن الفرافير بكره فكره يتغير والبركه فيكى بقى
ايه ده
لأ أنا أعترض
طيب زوجك ممكن وفد من المدونات يروح يقنعه
طيب د.ستيتة
جمعية المرأة المتوحشة
نبعت له إيميل أي حاجة
مش ممكن يعني مش هنعرف نقنعه ولا ايه
أنا ماليش دعوة أنا عايزة ايميلك
مش هستنى أنا لما تسافري لزوجك
دا أنا حبيتك أوي والله ربنا يعلم
انا عارفة ان قرار التوقف عن التدوين دا قرار مؤقت ترجعيلنا بالسلامة ياقمر
باي مؤقت هاتوحشينا
لما اروح احكي لجوزي عن موضوع اذاي الجواز يدوم لحد ستين سنة
والله ما عارفة اقولك ايه يازوجة .. :(
بس طبعا طاعة زوجك اهم من اى شئ ..
وبطاعته هاتجلبى كل حاجة صدقنى ..
بصى انا كان جوزى النت ده محرم عليا نهائيا اخطى فيه حتى افتح الايميل اى حاجة ممنوع منعا باتا ..
وبينى وبينك كنت مضايقة وكنا لسه مخطوبين يعينى مش مجوزيين ونفذت كلامه حرف حرف وبعدت نهائيا ..
لغاية من فترة كده فتحت معاه الموضوع قالى لأ فى الاوال بس بعد كام مناقشة هادية خااااالص وكلهم ياحبيبى وياروح قلبى وياروحى لاقته اقتنع حبة بحبة لغاية ما هو اللى عملى المدونة بإيده ودلوقتى ماشاء الله بقى يتابع معايا الردود والحاجات اللى بتيعها ..
فانت ان شاء الله هاترجع لنا تانى انا متاكدة ..
بس هاتوحشنى بوستاتك اوى ..
بس اوعى تغيبى عنا افضلى بحسك معانا ان شاء الله ..
دمتِ بخير ..
بحبك فى الله جدا ..
حبيبة قلبى
ليه كده بس انا ما صدقت لقيت صاحبه بحبها زيك والله
طب هعمل ايه انا بجد بتعلم منك كتير ومن حياتك ومن حب الناس ليكى
ياااااااااااااااااااااااه
هو ده كان حلم وانتهى
هو ليه الناس الحلوه اللى بنحبها وبنحترمها تروح كده مننا ليه بس
بالله عليكى ماتسبناش انا اتوعدت اقرء لك
بس جوزك وغضب ربنا
بصراحه مش عارفه اعمل ايه
واقولك ايه
غير ربنا يسعد ايامك يارب
ويرزقك بالذريه الصالحه
وطبعآ مش هينفع تغضبى ربنا
هنتحمل لحد ما ترجعى بس ياريت متطوليش الغيبه يا حبيبتى يا ايمى
انا بحبك قوووى قوووى
لا اله الا الله
وخلى بالك من نفسك
سلالالالالالالالالالالالالالالالالالامى
حبيبه قلبي
انا مقدره ومحترمه جدا قرارك
بس ياااااااااااااارب جوزك يقتنع حاولى معاه بس براحه كده وبهدوء مش بعند يا عنيده
وان شاء الله يوافق
احنا مش هنقدر نستغنى عنك كتير فمش تتاخرى بقه
اولا ضحكت جدا جدا لما لقيت عند مصري جدا تعليق جاية افتحه لقيته زوجة حبيبتي
ثانيا اقري وتابعي معانا ومن خلال بوستتنا قولي كل اللي نفسك فيه وكده كده ها تدوني ومش ها تقفلي المدونة دي بس سكرة الحب الأولى وكمان الفراق عامل عمايله من الطاعة العمياء
من امتى يا ماما راجل مشى ست؟ خسئتم
بكره بعد ما عينك بإذن الله تشوفه والشوق يروح ويجي معاه العشرة الجميلة ها تضطري شوية شوية تربي ضوافرك وتحمي سنانك وها ترجعي للمدونة والمجلة الغول "حبيبة سي السيد" ههههههههههههههههههه
ربنا يوفقك توفيقا عجبا ويجمعكم ما يفرقكم
ايه ياختي الردود بتاعة الستات دي كلها اللي بتقول طاعة
لما كل الستات أليفة كده ومطيعة أمال الرجالة بتفلسع بدري ليه؟
انا بقى يا اوختشي بدوب في دباديب سي السيد تبعي بس عمري ما كنت اليفة
انا غووووووووووول عاااااااااااا
انا لسه ضايفه المدونه عندي امبارح
تفتكري في علاقه...؟؟
اوعي تقولي فيه
انا مش نحس
اهئ اهئ
حلو انك تغيرى اسم المدونه
وحش انك تقفلى المدونه او تبطلى تدوين
حلو انك تطيعى زوجك لان فى ده طاعه لربك
حلو انك تتابعى مواضيعنا وتعلقى عليها
وحش اننا ما نقراش ليكى شئ جديد
ربنا يرقق قلبه وتقدرى تقنعيه برأيك
والله مع اني زعلت من قرار قفل المدونه لكن بادام جوزك قال كده يبقى لازم تعملي الي بيقول عليه وانتي صح بس هتوحشينا جدا وياريت كل فتره تيجي
عجبني جدا الاسم لانه حبك ليه ادله الحق انه يبقى سي السيد وتكوني سعيدة بدة لانك بتطيعي حبيبك وبتطيعي ربنا فيه اولا
قرار ابتعادك عننا ده حقيقي مش سعداء بيه لكن سعداء لسعادتك انك ماتعمليش حاجة ضميرك مش راضي عنها وهي تبقى من ورا جوزك
تحياتي ودعواتي من قلبي ليكي انه قلبه يحن ويوافق انك ترجعي بيننا تاني واذا كان وجوده بينا معاكي باستمرار سبب لاقناعه فاقنعيه بكده
تحياتي دمتي سعيدة مع حبيبك وزوجك وفي طاعة الله
واذا كان اعتراضه على التدوين
ممكن تخليكي معانا عن طريق التعليق فقط على كلامنا وزيارتنا
او حتى ياستي تدخلي باسمك وتسيبي تعليق فاضي بس تعرفينا انك جيتي وتقري ردودنا عليكي
تحياتي
ربنا ان شاء الله هيوفقك عشان انت زوجة صالحة ومطيعة لجوزك
بجد ربنا يكملك بعقلك يابنتى
اما عن موضوع التدوين فبجد دى هتكون خسارة لينا وفعلا هنفتقدك جدا
ويارب جوزك يوافق عشان مانتحرمش من بوستاتك
ايه يا ست عنيده
ايه القرارات الغريبه ده
طب غيرتى اسم المدونه ماشى
طب تسيبيها ليه بقى
يعنى زوجك مش عايزك تكتبى خالص خالص
ولا مش عايزك تحكى عن حياتك يعنى؟
يعنى هو فى حد يطلب من حد يسيب النت
ليه ؟
هو رجز من عمل الشيطان؟
مش عارفه يعنى انا مش مقتنعه بالحكايه دة مش داخله دماغى
طب هتعملى ايه وهو مش موجود معاكى
هتكلمى نفسك؟
معلش يعنى لو ضايقتك بس اصلى زعلت جدا انك هتبعدى عنا
بس ماتقفليش المدونه ولا التعليقات
سيبينا بقى احنا نكلمك يا ستى ونطمن عليكى
:(
فرحان
زعلان
فرحان
زعلان
فرحان
زعلان
مش عارف افرح لمعرفتي بشخصية زي حضرتك
ولا ازعل على فقدان التدوين والاستفادة من خبراتك لنتجنب حدوثها
افرح لتغيير اسم المدونة
ام ازعل لرحيلك عن عالم التدوين
ديه حالتي و في كل الحالات انا محترم جدا لقرارك الي هو اطاعة الزوج
ولكن من الممكن ان تدوني عن بعض المشاكل التي قد تواجه المتزوجين في سنة اولى جواز عشان يستفادوا و ممكن هو كمان يشترك معاكي في المدونة بس بجد فرحت لما قولتي انك هتابعي المدونات التي تحبينها ويا رب اكون واحد من المدونات لاستفيد من رايك المحترم والجرئ
يا رب متغيبي كتيير
تحياتي وامنياتي بالسعادة
حاولى تقنعيه تانى.. وعلى الاقل مستنيين زياراتك لمدوناتنا.. وربنا ييسر لك الخير يارب
إرسال تعليق