جانى تاجين من ارق اتنين
باين عليا هقول شعر ولا ايه
باين عليا هقول شعر ولا ايه
المهم
انا جانى من احساس طفله واقعيه محبه للرومانسيه
احنا لسه اصحاب جداد
بس شوفت فى كتاباتها رقه وواقعيه عجيبه
وتاج من ايمان صحبتى اللى بحس
اننا اصحاب من زماااااااااااان
اسمك؟
زوجه عنيدة جدا
المشهور بيه وسط اصحابك؟
كوكى (جوزى اطلق عليا الاسم دة يعنى حصرى مش للاستخدام)
بس اصحابى بيقولولى يا ايمى
سنك؟
24سنه
مجال دراستك؟
علم الاجتماع(أداب علم اجتماع)
اسم مدونتك؟
زوجه عنيدة جدا
صورتك الرمزية فى المدونة بتعبر عن ايه؟
هى صورة كرتونيه لعروسه"انمى"
اصلى بحب الكرتون
وبتعبر عنى زوجه
هل فكرت فى اغلاق المدونة ؟ والسبب؟
اه
انا كان عندى مدونه قبل كدة وقفلتها
والسبب ان وقتها جوزى كان خطيبى ورفض
فكرة التدوين
وكمان انا كنت لسه بشتغل ومش فاضيلها اوى
ايه رد فعلك لو حد قل ادبه فى تعليق ؟
همسح التعليق واعتبر انى مش شوفت حاجه
ومجرد انى اشوف اسمه بعد كدة همسح الرساله من غير ما اقراها
اسوأ مدونه؟
الصراحه مشفوفتش لحد دلوقتى
هيحصل ايه للايميل بعد ماتموت؟
هتفضل زى ما هى لان محدش هيشوفها
اديت الباسوورد لحد قبل كدة؟
اه اختى الصغيرة
لانى غالبا لو قفلت المدونة هديهالها
ماهى زى بنتى انا اللى مربيها
وبحبها اوووووووووووى
الموود بتاعك ايه ؟
متقلبه
بس حساسه اوى كلمه تزعلى وكلمه تفرحى
وبأخد على خطرى لو حد معمليش اعتبار
بتعما ايه فى اوقات فراغك؟
عندى من دة كتيييييييييييييييير جدا
لانى بلا عمل
بلا زوج فى الوقت الحالى
وقريبا بلا مدونة
لا شئ
اتفرج على التليفزيون
والحمد لله ان لسه متلغاش من المقرر
الأكلة المفضلة ؟
بحب كل الاكل
بس بعز الصوانى مش بحب الطبيخ
وبحب التيك واى
يعنى الاكل بره
وبموت فى الشيكولالالالالالالالالالالالالالالالالالالالاته
الصفات التى اخذتها من والدك؟
العقل والبعد عن العواطف فى الحكم على الامور
وحب القراءة والنظام والعصبيه وقوة الشخصيه
وحب العمل
وحاجات كتييييييير اوى
اصلى نسخة منه
الصفات التى اخذتها من والدتك؟
الطيبه اللى واضح انها ورايا ورايا
والحنيه وحب الاطفال
وحب الناس
اكتر ست حاجات بتكرههم ؟
الكذب لانه بيوصل للخيانه
والنفاق لانهن الواحد سعتها بيكون برضه كذاب
القسوة اصلى بحب الحنيه
وقله الحيله لما احس انى مش قادرة اعمل حاجه لحد محتاجنى
والغدر انك تكون مأمن لحد ويغدر بيك
والبخل بكره مووووووووت
اكتر ست حاجات بتحبهم ؟
جوزى بموت فيه ربنا يحميه ويخليهولى
وماماوبابا واخواتى
اخويا محمد بمووووت فيه
عشان ظروفه خاصه
الحناااااااااااان
شخصيتك نوعها ايه ؟
بيقولوا عليا فى البيت عصبيه وشخصيه قويه
وعنيدة ومش بسمع الكلام
وفى عالم التدوين طيبه
لماذا دخلت عالم التدوين من الاساس؟
لما الدنيا ضاقت بيا
وملاقتش حد يسمعنى ولا يفهمنى
وكان صعب انى احكى لاقرب الناس
وكنت عايزة حكم موضوعى على اللى انا كنت فيه
والصراحه ساعدتونى كتيييييييييييييير
اوى
وبالمناسبه عايزة اشكركوا على مساعدتكوا ليا
وبالاخص ستوتة اصلى تعبتها معايا اوى
وكل شويه اقولها شوفيلى حل تانى
احلى جملة قيلت فى وصف مدونتك؟
كل الكلام اللى كان بيتقال كان بيفرحنى من تعاطف معايا
ومحاوله انهم يلاقولى حل
او يهونوا عليا
اهمية التعليقات بالنسبالك؟
هى اللى كانت بترد روحى وانا غرقانه ومحتاجة المشورة
احلى بوست كتبته؟ضع اللينك بتاعه؟
صعب اعيش
عشان كتبته لجوزى حبيبى اللى بحبه اوى من كتر حبه فيا
"بس مش عايزة أر"
http://moniimooon.blogspot.com/2009/03/blog-post_1002.html
افضل مدونة قرأتها؟
انا لما يجيلى ضيف بحب ارد الزيارة ولما بتعجبنى
مش بفوت بوست الا لما اروح واقرا واعلق
واكيد لازم احط اللينك بتاعه عندى عشان اشوف الجديد
ولما يتاخر اسال عنه
افضل بوست قرأته؟
هما الصراحة اتنين
الاول عند ستوته "البصه فى عينك بتلاتين سنه جواز"
والتانى عند ايمان"الرسول(ص) فىشقتى الجديدة
مسئوليه وحياه
بس الراحة نعمه
الانترنت بالنسبالك ايه ؟
بقضى فيه وقت فراغى وبيهون على الوقت لحد ما اروح لجوزى
وطبعا لانى بشوفه واكلمه عليه
بس انا من زمان بعتبره نافذة على العالم
من غيرة بحس انى قاعده فى اوضه مقفوله
تمرر التاج ده لمين ؟
Bondoka
Baraie girl
موناليزا
زوجه مخنوقه
حاسوباتيه
يوم جديد
عاشقة وغلبانه
بسمه صلاح
عاشقة القمر
عاشقة الاحزان
القدر وانا
كان نفسى اديه لناس كتير بس فى ناس رحلهم قبلى وناس كتير هيرحلهم من اللى انا بعتلهم
:)
43 التعليقات:
زوووووووووووجه انتى بتحبى الشيكولاتة كمان شكلنا هنتفق كتير :)
انتى حد جميل اوى وعلى فكرة صغيورة كمان ربنا يديكى طولة العمر ويجمعك بجوزك على خير وعن قري يارب
اية الحلاوة دي
عظمة على عظمة على عظمة
ستية بقت الزعيمة بأجماع الاراء
الصواني التيك اواي ؟
بتتباع فين دي
مش هاقدر ااقول غير..ربنا يجمعك وزجك قريبا وطول العمر..ويرزقكم الذريه الصالحه
اولا احب اقول ان اجمل شيء في التيجان اللي لفت علينا دي ان كل واحد فينا عرف اخواته في الله اكتر
فربنا يكرم اللي ابتدى بيها وهو احمد ابو العلا لأنه سمح لي في يومين اعرف نفسيات يشرفني اني اتعرفت بيهم
ثانيا اخجلتيني بإيراد بوست البصة في عيونك .. وهو البصه في عيونه فعلا بعمر بحاله مش تلاتين سنة بس
ربنا يجمعك بجوزك قريب وييسر لكم كل عسير ويجمعكم ما يفرقكم ويرزقكم ذرية صالحة معافاه
وبحبببببببببببببببببببببببك
السلام عليكم
ههههههههههههههههههه
أنا جيت والمشوار كان طويل قوووى وتعبت عبال ما وصلت
فين بقا الشكولاته اللى بحبها وفين الصوانى
بينى وبينك انا جوعانه قووى
ههههههههههههههه
ربنا ما يحرمكيش من كل الناس اللى بتحبيها يارب
ويسعد أيامك يا حبيبتى
وانا متشكره قووى ليكى على الثقه الكبيره دى وانك تمررى تاجك إليا
أنا وبعض الزميلات بجد مش عارفه أقولك أيه
غير انا بحبك قووووووووووى
؟أكتب لتلك الأخوه الصادقه وأثنى على تلك الأسره المتكافله وأعطى تقديرآ لا حدود له لتلك العائله الوفيه
وحين تنتهى الكلمات سيظل الود لا ينتهى وحين تغيب السطور سيظل الحب باقيآ
فلكى حبى وودى وتقديرى
بحبك قووى
إيناس
سهر
انا بموت فيها دى احلى الاوقات
ربنا يخليكى ويديم المعروف ما بينا
وتنورينى دايما
:)
مصرى جدا
طبعا الزعيمه ستيته
ايه رايك نعملها زعيمه ونشيل شلاضيمو
وربنا يستر
ماما
زيك يا رب تكونى بخير دايما
واشكرك على دعواتك الرقيقه
ويهديلك الحال دايما ويسعد اوقاتك
ستيته روح قلبى
عندك حق بتقربنا اكتر وتعرفنا اكتر
دا اقل حاجة
ساعات بسأل نفسى حبيتكك اوى ليه؟؟؟؟
مع انى مش بحب بسهوله ومن الصعب حد يخش قلبى لازم اطمنلها الاول
حذر يعنى
بس تعرفى ليه لانك من النوع اللى يخش القلب
من غير ولا كلمة ولا حتى اشوفك
كفايه بس اطمن عليكى
وربنا يسمع منك
وتكونى دايما فى اسعد حال
بحبك مش عادى لانه حب فى الله
عاشقة الاحزان
تعالى عندى البيت وانا اعملك الصوانى اللى انتى عوزاها وحلويات كمان
بس فى بيتى اصلى بحب اكون سيدة القصر
هههههههههههههه
وانا كمان بحبك
يلا مش تتاخرى فى التاج ورينا
واشكرك على كلامك الرقيق
بلا زوج فى الوقت الحالى
وقريبا بلا مدونة
***********************
نعم؟ نعمممممممم؟؟؟؟
يب بلا زوج وفهمناها وربنا يجمعكم على خير
لكن بلا مدونه دى ايه ان شاء الله؟
يانهاااارك؟
اوعى
ادبحك
قال بلا مدونه قال
روحى ياحبيبتى امسحى الجمله دى من البوست اجرى
اييييه الجمال ده
الاول ازيك يارب يكون كله تمام
ثانيا بجد شخصيتك وروحك حلوة ماشاء الله خليكى كده متمسكة بالرقة والعند وقوة الشخضية والطيبه كله كده مع بعض حلوووو
وربنا يارب يجمعك بجوزك قريب ويفرحك دايما ولما تروحى هناك تكتبيلنا بردو واوعى والنداله احنا بنحذرك اهو من دلوقتى
تاج فعلا جميل وان شاء الله اجاوب عليه في اقرب وقت وشكرا انك مررتهولي
نعم يا حلوه
ايه قريبا بلا مدونه دي
استنى اطلع الموس
ايه ده احنا هاتحايل عليكم تدونوا ولا ايه
ههههههههههههههههه
على الله تقفليها وانا اجي لحد عندك اعورك يا لولو
عاشقة الرومانسيه
ولا ما باليد حيله واضح ان دة اللى هيحصل قريب
وغصب عنى مش بإيدى
عامه فى مباحثات دايرة حول الموضوع ده حاليا
يا اقضى عليها يا تعقضى عليا
بس ان شاء الله هقضى عليها
مش تقلقى يا جومر
الشموع البيضاء
ربنا يخليكى اشكرك على المجامله الرقيقه دى منك
وربنا يسمع منك واسافر
وبالنسبه لفكرة لما اسافر هكتب كله يتوقف على انى اجيب كمبيوتر فى البيت
ودة هيبقى صعب شويه فى الفترة الاولى
بس مش مستحيل
معلش هتبقى ظروف خارجه عن الارادة
بس مش دائمه
ربنا يسعد ايامك
حاسوباتيه
اه والنبى عايزة اشوف اخر الكآبه اللى انتى فيها اليومين دول ايييييييييه؟؟؟؟؟؟؟؟؟
صبرنى يا رب
واضح ان دة اللى هيحصل ولكن انى لا اياس
سأحاول واحاول واحاول
لحد ما احول ان شاء الله
هههههههه
بس بلاش تعوير والنبى
انتى عايزة الراجل يبص برة
ربنا يسعدك وتنورينى دايما
ردودك بتبين انك انسانة جميييلة الجوهر وزجة صالحة وأم حنونه
بارك الله فيكي يا قمرة واسعدك
أكثر الله من الزوجات امثالك
احبك في الله
السلام عليكم
ازيك يا ست الكل
يازوجة يا عنيدة جدا جدا جدا
اجاباتك منطقية وجميلة
بس انا ملاحظ حاجة
مجبتيش سيرة حماتك خالص
مش عيب كده
المفروض تحطى لها ولو نبذة صغنونة
على فكرة
انتى نفس تخصص المدام
اداب اجتماع
بس انتى جامعة ايه ؟؟؟؟
تقبلى تحياتى
معلش نسيت اقول لك حاجة مهمة
ياريت تعيدى النظر فى موضوع انك تكونى بدون مدونة
لان صعب الانسان يعيش بدون فضفضة
كده هتتعبى بجد
ولو مصممة قوي يعنى وده بناء على اوامر زوجك
ابقى خلينا نطمن عليكى
اكيد عندك اميلات اصدقائك اللى اكيد هما كتير
ربنا يوفقك لما يحبه ويرضاه
تقبلى تحياتى وابتساماتى
ذو الوجه المبتسم
مقدرش اقول بكره عشان خاطر جوزى
ومقدرش اقول بحبها والا هكون منافقه
اصلى مش بزعل من حد لما يغلط فيا الا لما بكون بحبه اوووووووووى
وحماتى طبعا علاقتى بيها
فى حدود حبى لزوجى
فربنا يسامحها ويسامحنى لو غلط فيها
انا كنت جامعه عين شمس خريجة2005
ذو الوجه المبتسم
فعلا الحكايه ليها علاقة بزوجى
وانا بحاول اقنعه
وربنا يسهل لما اوصل لقرار نهائى هقوله
اشكرك على مرورك الدائم وسلملى على المدام:)
اجات حضرتك جميل جدا
وتدل على شخصية جميلة جدا
انا مبسوطة ان فى اول زياره يكون تاج عشان اتعرف عليكى
تحياتى
بسمة
عنيدة اية طيب ؟ فين دا ؟
دا انتى طيوبة خالص
:)
بجد انا من اول ما شفت التاج عند كفاية طيبة وتمنيت انه يلف علينا كلنا عشان نعرف بعض كويس والحمد لله حصل
ربنا يجمعك بزوجك ويسعدكم دائما يارب
تقبلى مرورى
بسمه انور
نورتينى ويارب تنورينى دايما
والاقى عند تاج اتعرف عليكى بيه
اتمنى دوام الزيارة
احساس طفله محبه للرومانسيه
هما دايما بيقولواعليا فى البيت عنديه
دة رأيهم
ربنا يخليكى انا كنت عايزة التاج عشان اشكرك كل اللى ساعدنى وحل معايا مشاكلى
وبشكرك انك ادتينى الفرصة دى
فعلا التاج بيقربنا من بعض اكتر
ويسعد ايامك وتكونى فى احسن حال
ربنا يسعدك ياحبيبتى انتى وزوجك ويخليكوا لبعض
وبعدين نفهم من كده انك ناوية تقفلى المدونة قريب ولا ايه؟
اشكرك على تمرير التاج لى ولكن اعذرينى فى الاجابة عليه
جميله جدا الصراحه
وجميله اوى اجاباتك يا ايمى
ربنا يخليلك زوجك ويسعد كل ايامك
ويرزقك بالذريه الصالحه
ويفرحك قادر يا كريم
شرفتينى بذكر بوست رسول الله (صلى الله عليه وسلم )فى شقتى الجديده
بحبك فى الله وربنا يديم المعروف
صفاتك جميله
وانت حنينه وطيبه فعلا
ربنا يخليلك جوزك
ويخليكى له
من الاخر كدة يخليكو انتو الاتنين لبعض ويديم محبتكم ووفاقكم
ومتحرمناش من وجودك لو سافرتى
دومتى سعيدة وبخير
.
موناليزا
كنت حاسه بكدة لانى عارفه انك فاتحه المدونه للخير
جزاكى الله خيرا على كل كلمة بتكتبيها
دمتى بألف خير
ايمى
انا مش جبت حاجة من عندى هو حلو فعلا
وانتى ابدعتى فيه
وهو قريب لقلبى
وكمان عم صالح لازم يتصالح
دة اول بوست قريتهولك وعجبى اوى
ويفرحك باولادك وتكونى فى اسعد حال
بتحبي الشوكلت
لالالالا
احنا كدا حبايب اووووووووووووووووووووي
انا بموت فيها وبعشقها
اجابات عسوووله تدل على شخصية عسووووووووله
مبسوطه اني عرفتك اكتر
وميرسي على التاج
هجاوب عليه ان شاء الله انتي وطفله رومانسيه ادتهولي
من اتنين عساسيل بردو
ربنا يخلينا لبعض اخوات في الله
بحبك في الله
ربنا يجمعك بجوزك قريب جدا ان شاء الله
دمت كما تحبين
تحيـ بسومةــاتي(:
صفاء
تسلملى دعواتك يا رب يخليكى وتكونى فى اسعد حال دايما
دمتى بخير
بسمه صلاح
اولا ولا يهمك على التاخير مادام الود موجود
وربنا يكون فى عونك وعايزين مجموع وانتى اللى تجيبلى الشيكولاته
مش هتنازل عنها
وربنا يسمع منك ويتقبل
ويسعدلك الاحوال دايما
وحشتيني أوي ياعنيدة
عارفة ردودك حلوة أوي وبتقول أنك إنسانة جميلة
ربنا يجمعك مع جوزك علي خير إن شاء الله
تحياتي لكي
الله عليكي
اجابتك جميله وشخصيه جميله
بس فلت نظرى كلمه
المدونه قريبا غير موجوده؟؟؟؟؟؟؟
يعنى ايه؟؟؟؟؟؟؟؟؟؟؟
لالالالالالالالا
اوعى
ربنا يوفقك ويسعدك يارب
زوجة حبيبتى ..
فرحانة اوى ان التاج عندك ..
علشان كان نفسى اشوف اجاباتك ..
واتبسطت جدا منها ..
ربنا يقرب لك الحبيب ( وش بيغمز ) ..
دمتِ بخير حبيبتى ..
جارة القمر
ربنا يخليكى انتى اللى جميله
وربنا يتقبل منك دعواتك
ويسعد ايامك
غروب
حبيبتى نورتينى
ويا رب تكونى بخير انا كان نفسى امررلك التاج بس كنت عارفه انك
واخدة اجازة شويه
ودة فعلا الل هيحصل
دمتى بخير
لجين ابو الدهب
اما كنت عايزة امررلك التاج بس ايمان سبقتنى
وقلت مش مهم مين يبعته المهم انه يوصل
ويتقبل الله دعواتك وتكونى بخير
ربنا يسعد ايامك
بنت مصر
سامحينى من الواضح انى اغفلت الرد على تعليقك
ربنا يتقبل منك دعواتك واشكرك على كلامك الرقيق
وربنا يسعد ايامك
بجد ربي يبارك فيكي ياعنيده
ويخليلك اختك وكل احبابك
بجد ردودك تبين انك انسانه رائعه
ربي يوفقك
وشكرا ليكي علي التاج
انشاءالله هجاوب عليه
شكرا غاليتي
تحيــــاتي
إرسال تعليق