سمعت النصيحة
وكنت مقتنعة تماما بيها
كان راى اغلب الناس فى موضوع
حماتى حياتى
"من امنك لم تخونة..."
انى اروح ازورها وده واجب عليا
ولما سألت جوزى
قالى لو عايزة تروحى روحى
وانك لما تروحى هتكسفيها
فقلتلة:انا مش عايزة اكسفها انا رايحة عشانك انت
وانا عمرى ما هحط راسى براسها
لان هى امه
والزوجة الغبيه اللى تقف قدام حماتها وتعلن العداء ليها
كأنها بالظبط
تعلن العداء على جوزها
المهم
انا جبت هدية شيك وقررت ان اروح
بما ان امى رافضة تماما الفكرة
لانى بمجرد ما قلتلها
انى هروح لحماتى
رفضت رفض قاطع
ولما قلتلها انى نشرت الموضوع على المدونة
وكنت بقرأ لها
اى تعليق يؤيد انى اروح
كانت تثور وتقول دة كلام فارغ
فطلبت من ابى ابو العقل الكبيرواللى واقف انى اروح
انه هو اللى يقولها
وقولتله انى هروح وانتوا مسافرين
لان والدى ووالدتى كانوا مسافرين عند خالت امى
اللى هى فى مقام امها
عشان عيد الام
ولكن
قررت انى اقولها انا بدل ما تزعل منى اكتر
واللى حصل انها زعلت بالفعل
وسافرت امى
واليكم ما حدث بالتفصيل:
اخدت هدية لوالدة ولعمة زوجى لانها ست كبيرة وطيبة اوى
وذهبت على اختة اولا
لانها ساكنه بالقرب من حماتى
ولكن لاقيتها عند حماتى
دخلت
وجلست على اقرب كرسى لباب الشارع
جابت حاجة ساقعة
شربتها وحلفت انى اتعشى عندها
ولكن انا رافضت
رفض قاطع وكفاية اوى انى شربت الحاجة الساقعة
ونزلت عمته
لانها ساكنة فوق والدته
وبتقولى مش تزعلى
رفضت انى اتكلم فى الموضوع
ولاحتى عتاب
وقعدت نصف ساعة بالظبط وروحت
وصمموا ان اخو جوزى الصغير يوصلنى للبيت
ووصلنى
وانتهى الموقف مع حماتى على هذا
وبدأت معاناتى مع امى
زعل غير طبيعى وشكوى لكل الناس
وسمعتوا المثل اللى بيقول
"العجل لما بيقع تكتر سكاكينة"
كل واحد ربنا قدرة على خير عمله
اللى قالت :
ازاى تفرط فى كرامتها
والاولى انها كانت تعاملك كويس
زى ما بتعامل حماتها
واللى قالت:
مادام هى فرطت فى كرامتها سيبك منها
وسيبيها تقرر حياتها زى ما هى عايزة
واللى ثار وعملها حدوتة
ومفيش حد قال كلمه حلوة
حتى بابا
انكر انه وافق
وقال ان جوزى لئيم لما قال
لو عايزة تروحى روحى
الله يسامحهم كلهم حتى ابى
غلطت لما رضيت جوزى وشوفت فى عينه الفرحة بيا
والرضا عنى
كنتى عايزة منى اية يا امى
اعامل جوزى وامة وحش
انا فرطت فى كرامتى فعلا
انا مش هروح عند حماتى تانى
انا عملت الواجب والاصول اللى هى معرفتهاش
انا لما كنت مخطوبة قبل كدة
وسبت خطيبى
بسبب
المشاكل اللى كانت والدته بتعملها
واساسا
لانى مكنتش بحبه
تعرفوا قالتلى ايه
هو ليه متمسكش بيكى
عشان كنتى بتعمليه وحش
الكلام دة جرحنى اوىىىىىىىىىى
فوق ما تتخيلوا
امى لحد دلوقتى يا سادة
بتقول فى وشى انها لسة بتحب خطيبى الاولانى
زى ابنها
مع ان ابنها دة غلط فى بنتها
ووراها ايام فظيعة
انا بس اللى مكنتش بحكى
انا تعبت من الكلام
تعبانة اوىىىىىىىىىىى
وكنت مقتنعة تماما بيها
كان راى اغلب الناس فى موضوع
حماتى حياتى
"من امنك لم تخونة..."
انى اروح ازورها وده واجب عليا
ولما سألت جوزى
قالى لو عايزة تروحى روحى
وانك لما تروحى هتكسفيها
فقلتلة:انا مش عايزة اكسفها انا رايحة عشانك انت
وانا عمرى ما هحط راسى براسها
لان هى امه
والزوجة الغبيه اللى تقف قدام حماتها وتعلن العداء ليها
كأنها بالظبط
تعلن العداء على جوزها
المهم
انا جبت هدية شيك وقررت ان اروح
بما ان امى رافضة تماما الفكرة
لانى بمجرد ما قلتلها
انى هروح لحماتى
رفضت رفض قاطع
ولما قلتلها انى نشرت الموضوع على المدونة
وكنت بقرأ لها
اى تعليق يؤيد انى اروح
كانت تثور وتقول دة كلام فارغ
فطلبت من ابى ابو العقل الكبيرواللى واقف انى اروح
انه هو اللى يقولها
وقولتله انى هروح وانتوا مسافرين
لان والدى ووالدتى كانوا مسافرين عند خالت امى
اللى هى فى مقام امها
عشان عيد الام
ولكن
قررت انى اقولها انا بدل ما تزعل منى اكتر
واللى حصل انها زعلت بالفعل
وسافرت امى
واليكم ما حدث بالتفصيل:
اخدت هدية لوالدة ولعمة زوجى لانها ست كبيرة وطيبة اوى
وذهبت على اختة اولا
لانها ساكنه بالقرب من حماتى
ولكن لاقيتها عند حماتى
دخلت
وجلست على اقرب كرسى لباب الشارع
جابت حاجة ساقعة
شربتها وحلفت انى اتعشى عندها
ولكن انا رافضت
رفض قاطع وكفاية اوى انى شربت الحاجة الساقعة
ونزلت عمته
لانها ساكنة فوق والدته
وبتقولى مش تزعلى
رفضت انى اتكلم فى الموضوع
ولاحتى عتاب
وقعدت نصف ساعة بالظبط وروحت
وصمموا ان اخو جوزى الصغير يوصلنى للبيت
ووصلنى
وانتهى الموقف مع حماتى على هذا
وبدأت معاناتى مع امى
زعل غير طبيعى وشكوى لكل الناس
وسمعتوا المثل اللى بيقول
"العجل لما بيقع تكتر سكاكينة"
كل واحد ربنا قدرة على خير عمله
اللى قالت :
ازاى تفرط فى كرامتها
والاولى انها كانت تعاملك كويس
زى ما بتعامل حماتها
واللى قالت:
مادام هى فرطت فى كرامتها سيبك منها
وسيبيها تقرر حياتها زى ما هى عايزة
واللى ثار وعملها حدوتة
ومفيش حد قال كلمه حلوة
حتى بابا
انكر انه وافق
وقال ان جوزى لئيم لما قال
لو عايزة تروحى روحى
الله يسامحهم كلهم حتى ابى
غلطت لما رضيت جوزى وشوفت فى عينه الفرحة بيا
والرضا عنى
كنتى عايزة منى اية يا امى
اعامل جوزى وامة وحش
انا فرطت فى كرامتى فعلا
انا مش هروح عند حماتى تانى
انا عملت الواجب والاصول اللى هى معرفتهاش
انا لما كنت مخطوبة قبل كدة
وسبت خطيبى
بسبب
المشاكل اللى كانت والدته بتعملها
واساسا
لانى مكنتش بحبه
تعرفوا قالتلى ايه
هو ليه متمسكش بيكى
عشان كنتى بتعمليه وحش
الكلام دة جرحنى اوىىىىىىىىىى
فوق ما تتخيلوا
امى لحد دلوقتى يا سادة
بتقول فى وشى انها لسة بتحب خطيبى الاولانى
زى ابنها
مع ان ابنها دة غلط فى بنتها
ووراها ايام فظيعة
انا بس اللى مكنتش بحكى
انا تعبت من الكلام
تعبانة اوىىىىىىىىىىى
هل انا غلطت لما رحت؟؟؟؟؟؟؟
هل انا فرطت فى كرامتى واستاهل اللى هيعملوه فيا
بعد كدة؟؟؟؟؟؟؟
تعبانة اوىىىىىىىىى
65 التعليقات:
حبيبتى انتى مش غلط
وزياراتك لحماتك فيه رضا من جوزك
ولما يجوزك يكون راضى عنك اكيد ربنا هيرضى عنك
واللى بتبات جوزها غضبان عليها بتلعنها الملائكه حتى تصبح
يرضيكى ان الملائكه تلعنك؟
دخولك الجنه متوقف على رضا زوجك
ودخول زوجك الجنه متوقف على رضا امه عليه
يبقى انتى لازم ترضى امه علشان تدخلى الجنه
ده المثلث اللى ما ينفعش ينقص ضلع
خففى على نفسك
وبكره تشوفى نتيجه عملك
هل جزاء الاحسان الا الاحسان
واخلصى النيه لله علشان تؤجرى على اللى عملتيه
ربنا يجعله فى ميزان حسناتك
أهدي بالله بس وتعالي نحلل الأمور من غير ما نخلط زيد بعبيد بنطاط الحيط
اولا جوزك مؤكد فرحان بأن مشكلة في حياته انفرجت وخاصة انه في الغربة اللي هي كربة
وعليه فربنا يرضى عليكي زي ما رضيتيه
ثانيا ماما برضه مش غلطانة يا حبي
دي مجروحة جامد قوي هي وبابا وانتي ان شاء الله ربنا ها يقدرك وتردي كرامتهم في وقتها وحينها واللي يصبر ينول
يعني مش معنى انك روحتي انك فوتي اللي حصل ولا ها تفوتيه ولا ها تعديه من غير حساب
كل القصة انك عملتي نوع من التوازن اللي بتقولي بيه لجوزك انا شرياك
وبالنسبة لحماتك فهي كده كده مش ها تقدر حاجة ولكن ربك العالم ببواطن الأمور المطلع ها يجيب حقكم وان شاء الله بسرعة
شوفي يا حبيبة قلبي ابوكي وامك دول لازم دايما يكونوا في صفك بمعنى انك متكونيش فريق مع اي مخلوق وهم فريق تاني .. لأ .. لأنهم عزوتك فعلا
ماما لو قعدتي تصالحي فيها سنة برضه تصالحيها لكن بدون ما تسمحي ان سيرة جوزك تيجي بحاجة وحشة
وبرضه همسة في ودنك لازم جوزك يحاول يراضيهم
انتي عملتي واجبك ورحتي للحيزبون لأجل خاطر عيونه
هو برضه يتصل كتير اتصالات خاصة بيهم ويطيب خاطرهم كتير وكفاية ان أس البلاوي معتذرتش
يعني هو لازم يتنازل ويجي اكتر لأن الغلط اصلا جاي من ناحيته
شوفي كلام ماما بتاع الأولاني والأسمراني والبتنجاني ده كله انتي جه في نفوخك من النكد وهي مش موضوعية دلوقتي لأنها حاسة ان بنتها منصرتهاش
مع ان اكبر نصرة ليها عمار بيوت ولادها .. بس يا عمري الكرامة غالية واللي حصل فيهم صعب
فاضل حاجة واحدة اقولها ليكي
الواجب اللي عليكي عملتيه ناحية أنثى العنكبوت وخلصت الصداقة الصدوقة مع تيمون وبومبة
اللي باقي ليكي ماما واوعي تقعدي ترصى كلامها جوه نفسك وتعملي جبل
لأن الدنيا كلها ممكن تيجي عليكي وساعتها هي الوحيدة اللي ها تحارب علشان خاطر عيونك
سامحي انكسارها ومتنسيش ان دايما الستات بتكره خلفة البنات لأنهم مش بينصروهم والهبل بتاع زمان ده
طلعي لها بقى وش الاسد القوي اليومين اللي جايين من باب جبر الخاطر
يعني ها اوريها ياماما
ها اجيب حقك انتي وبابا
صبرك عليا ان ما كتلتها هي وعبعال .. دونت ووري
ايوه كده اضحكي بكره يجي احلى طالما بتعاملي ربنا وخايفة على بيتك ونفسك تعمريه
بوسة وحضونة
مش عارفه اقولك ايع بس في رايي الي عملتيه صح جدا كمان ووالدتك لازم تعدي معاها وتفهميها موقفك بهدوء ولما تعرف انك مبسوطه في حياتك هتكون هي كمان مبسوطه وهاتيلها هديه حلوه كده ومش مهم في عيد الام اي يوم عادي وروحيلها واقعدي مع والدك كمان وربنا يسهلك الاحوال يارب
لا طبعا انت مش غلطانة وطاعة زوجك واحبة طالما انتي ماتعديتيش حدودك مع ابوكي وامك
يبقى انتي مش غلطانة وزعلهم هاينسوه مع الايام لانك بنتهم
واكيد الخطوة دي هاتعلي رصيدك عند جوزك اوي
صجيج رضا الله من رضا الوالدين
لكن كمان الرسول عليه الصلاة والسلام قال لو كنت امر احد ان يسجد لاحد بعد الله لامرت الزوجة ان تسجد لزوجها
اطمني ان شاء الله ربنا هايحلها لك من عنده
تحياتي
ان شاء الله انت محقة...و لم تفعلي اي خطأ...
الامور ستهدي مع والدتك و اسرتك...صلة الرحم مطلوبة...و ام زوجك حتي ان كانت ارتكبت خطأ...لا يجب ان نستمر في القطيعة بسببه...قال الله تعالي :
(وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34).
ومن كان له قرابة وأرحام يسيئون إليه، فإنه لا يقابل سيئتهم بمثلها ولكن يعفو ويصفح ويزداد إحسانا، فقد جاء رجل إلى النبي ، صلي الله عليه و سلم، يقول: يا رسول الله إن لي ذوي أرحام، أصل ويقطعون، وأعفو ويظلمون، وأحسن ويسيئون، أفأكافئهم؟ قال: " لا؛ إذا تتركون جميعا، ولكن خذ بالفضل وصلهم ، فإنه لن يزال معك من الله ظهير ما كنت على ذلك".
اري ان تحاولي ارضاء امك..و تتوددي اليها...و هي انسانه لها مشاعر من هنا
كان غضبها....لكنني واثق انك بحبك لها
قادرة علي امتصاص غضبها و اعادة صفاء القلب لها...
تحياتي و تقديري لحضرتك
حبيبتى زوجة ما تزعليش نفسك واستهدى بالله كده بس ربنا يبعد الشيطان ..
هو طبعا اول شئ برافوا عليكى انك رحتى لحماتك كده رضيتى زوجك .. وصدقنى هاتتشال ليكى عند أهل زوجك خاصة انهم فتحوا معاكى الموضوع يعينى عارفين هم عملوا ايه .. فدى هتتشالك اوى .. واهم حاجة انك رضيتى زوجك ..
وبالنسبة لمامتك كل الامهات كده صدقنى ..
انا لما كنت اعمل حاجة مع حماتى كويسة كانت ماما تقعد برده ياريتك بتعاملى امك كده مع ان ربنا يعلم بعامل امى ازاى .. وكتير كنت اقول لماما ياماما انتى مامتى ليا عندك عشم اشخط مرة تستحملنى مرة كده انما هى غريبة عنا ولها عليا واجبات علشان جوزى بس ..
فكل الامهات كده ..
بس انتى تحاولى ترضيهم لانهم مهما كان هم اللى ليكى برده وهم ضهرك زى ما بنقول ..
انتى حاولى ترضيها بحبة من الكلام بتاعنا ..
زى ياماما انا بعمل كده علشان خاطر جوزى بس انما لو هى اى واحدة ما كنتش عملت كده طبعا .. ووبعدين انا مستية شوية كده ومش هاضيع حقكم .. كده يعينى ..
وما تضيقيش بالله عليكى ..
كلنا بنمر بالازمات دى وبتعدى ..
وعلى فكرة حكاية الخطيب الاولانى دى كنت كده برده وبعد كده عرفت انها ولا بتحبه ولا حاجة انما هو غيظ فيا انا بس وما كنتش بعلق نهائيا لما تيجى السيرة ..
انتى اهم حاجة تكبرى الجى وتنفخى الدى وكل حاجة هاتمشى ..
ربنا يبعد عنكم الشيطان وييسر لك أمرك يارب ..
دمتِ بخير ..
والله انا مش عارفه اقولك ايه يازوجه
يمكن علشان مجربتش نفس الاحساس اللس انتي فيه خالص
لان امي دايما كانت في صف حماتي
مهما عملت
بس مش معني كده ان امك غلطانه
وانا بصراحه مش عارفه اقولك ايه
لاني انا لما مشيت ورا كلام اهلي عموما غرقت
ولما مشيت ورا كلام اهله هو برده غرقت
ولما مشيت ورا كلام نفسي غرقت
علشان كده مش عارفه اقولك اعملي ايه
لاني في كل الحالات غرقت ولحد دلوقتي مش عارفه اقب
ههههههههههههههههههههههه
ربنا يهدي الاحوال
ويهديكي للصواب يارب
عاشقة الرومانسية
المشكلة انى مش بندم على انى عملت ىحلجة فى حيلتى ما دمت عملتها لان لامفر من الرجوع فيها يبقى مالوش لازمة الندم
بس انا خايقة من عقاب ربنا لانى مش اطاعت امى
وان زوجى لم يصصم على ذهابى
ولكن كنت اريد ان اثبت للناس كلها بما فيها امى اللى هى اول واحدة شيفانى وحشة ومعملاتى مع الناس وحشة
حتى حماتى لما استحملت افعالها لاقيتها بتقولى انك لو كنتى طولتى اكتر من كدة كنتى رديتى عليها
بس والله مش وحشة
انا محتاجة حب وحنان ودا اللى انا اخدتة من جوزى وبديله حب على اد ما حبنى ورعانى
يا رب يكون حسنات مش اكون عملت سيئة فى حق امى
ستيتة حبيبتى
انا عارفة انها مجروحة وقلتلها الف مرة ان اللى حماتى عنلته مش هيترد علية بقلة هديه لان دة ممكن مش يأثر فيها خالص
وقلة هديتى ليها مش هيوقف الدنيا عندها
وان حقكوا محفوظ وانى هجيبه بس مع الايام
وصالحتها وقلتلها انا مقدرش استغنى عنك وبوست ايديها ورجليها كمان
عشان مش تزعل منى
بس انا مش عارفة اعملها اية
انا امبارح جالى حالت انهيار من كتر التعب النفسى اللى انا فيه
وحسيت ان الدنيا بتلف بيا
وبصرخ من غير ارادة وروحى بتروح منى وكل اعصابى مشدودة
وكانى بموت
انا تعبانة والضغط عليا جامد اوى
وباين عليا ضعيفة اوى مش عنيدة خالص ولا قوية يالمرة
وربنا ما يحرمنى من حبك ليا
بحبك يا ام قلب حنين
حاسوباتية
انا كلمت امى كتير وتوسلت ليها عشان مش تزعل منى
وانا لسة مش جبتلها الهدية
احنا قررنا نجيبها من معرض القاهرة اللى فتح هى قالت كدة
يا رب يسهل الاحوال ادعيلى
فكرة من الزمن دة
لا طبعا انا مش تعديت حدودى مع ابى وامى
اتمنى انهم ينسوا الزعل والمفروض انهم يفكروا فى اللى يسعدنى اكتر
هو دة اللى قلقنى ومحيرنى
حيرتى بين رضا بابا وماما ورضا جوزى
ويا رب يحلها ادعيلى
الاستاذالربان
انابالفعل بحب امى
وواثقة انى مفيش مخلوق فى الدنيا هيحبنى ولا يخاف عليا قدها
بس هى عاطفية اوى وبتحكم على الامور بمشاعرها اكتر من اى شئ
ونفسى ارضيها
وبرضة اعيش مع جوزى عيشة كريمة
والدته ليها عندة كتير يحبها ويرعيها عشانه
لكن انا لسه عايزة ازرع حب جو قلب جوزى من ناحيتى وبحاول نفسى يساعدونى مش يتعبونى
ويحملونى هم
وتحياتى وتقديرى لاراء حضرتك اللى انا بحترمها جدا
بصى يا قمر انتى مغلطتيش.. انتى عملت اللى عليكى واشتريتى رضا جوزك وخلاص.. حاولى تراضى مامتك بكلمتين حنينين وخلاص حتى ولو هتضحكى عليها وتقوليلها انا غلطت يا ماما وخلاص مش رايحة هناك تانى.. يعنى عشان تلمى الموضوع وخلاص
لجين
هى بالفعل قالت انها مش كانت تقصد وانها كانت بتسأل هادى
بس المفروض انها كانت رفعت سماعة التليفون وقالت دة لو بالفعل نواياها حسنة
وقلتلها الكلام دة انى مقدرش اقطع علاقتى بيها
يعنى لما ربنا يكرمنى واجيب اطفال لازم تشوفهم ويشوفوها حقها
لكن اعمل ايه اقاطعها ازاى
يا رب تعدى لانى فى حالة نفسية سيئة جدا ومحدش حاسس بيا ابدا
ادعيلى
حواء
مفيش شئ فى الدنيا اكيد وكلها نصيب
يعنى لما امشى فى شئ مرة تصيب ومرة تخيب
وامى كانت كدة فعلا مع حماتى الاولى وكانت معغها ضدى حتى لما كانت بتغلط وكانت بتدعى عليا عشانها
مع انى مش كنت بتكلم مع حماتى دى خالص
هما كانوا حبايب وهما اللى اتخانقوا
تصورى من ساعت ما اخدت ابنها لحد ما سيبته محصلش بينا اى مواقف
غير كلام مع امى انها مش كويسة
المهم الموضوع دة عدى
بس المفروض امى تراعى انها حياتى
وعليا انا اخد الفرار
يا رب يهدينى للصواب ويوفقك
ادعيلى
barbie girl
بالعل عملت كدة لكن لاء لازم اححس بالعذاب ستلاف سنة على الغلطة اللى انا عملتها وفرطت فى كرامتى وكرامة اهلى
والمشكلة انى متاكدة من حبها ليا وزعلها عشانى خاطرى
ادعيلى
حلو جدا كلامك دة
انتي بأفعالك بترضي مين؟
ردي
لو اي بني ادم يبقا هتعملي زي جحا ركبيتي الحمار شلتي الحمار ما فيش فايدة لن يرضى عنك أحد
لو بترضي ربك ثقي تماما انك عملتي الصواب والاجر عند اللة
وكل ما كان الطرف الثاني بايخ كل ما كان ثواب ربك اكبر
ولا تتضايقي ولا حاجة
يا بنتي دة انتي اخدتي ثواب كبييييير
حد يتضايق علشان كدة؟
دة الشيطان من حقدة على ما اخذتية من ثواب بيصور لك الامور خطأ
أما والدتك فلها عذرها انك بنتها حبيبتها وبتخاف عليكي من الهوا الطاير
يعني من الاخر رأيها مجروح
والوالد زي كل الرجالة بيقصر الشر
وجوزك هيعمل اية امة ومراتة
زي طارق بن زياد البحر من امامكم والعدو من خلفكم فأين المفر
بالمناسبة عندي واد بيخلص المسائل دي سكينة رصاصة بس عيبة انة بيعترف مع أول قلم
وحدي اللة
ويا بختك بما نلتي من ثواب
وبعدين اية حكاية كرامتي دي
يعني اية كرامة؟
الكبرياء يعني
متهيأ لي انك عارفة ان لا كبر في الاسلام
اهدأي
واصبري أما الباشا يجي بالسلامة وطلعية على عينة اجوازا وافرادا
ولك في ستنا ستيتة أسوة حسنة
ربنا معاكي ياقلبي
انتي عملتي الصح دي حماتك مينفعش تخصميها ابدا انتي بكدا بتقضي على زواجك والمفروض اهلك يفكروا شوية ويعرفوا انه دا الصح
برأيي انك تحاولي تراضي اهلك بكل الطرق ولو لقيتيهم مصرين على رايهم قوليلهم خلاص بما انكم مقتنعين بكدا خلاص اتطلق عشان ارضيكم واردلكم اعتباركم يعني خوفيهم بحكاية الطلاق وكدا
يمكن يحسوا بالمشكلة الي انتي فيها
حصلت مرة مشكلة جامدة موت بين اهلي وبين اهل جوزي
وانا وجوزي ملناش اي دخل بالمشكلة هما اتخانقوا مع بعض على مشروع تجاري
كنت بسمع حماتي بتشمت بابا بكلام لا يوصف وكنت اسكت واروح اعيط لجوزي يقولي معلش استحملي وخلينا برا الموضوع لو تدخلنا مش هيكون بصالحنا ودا كان راي اهلي برضوا قالولي خليكي انتي وجوزك برا الموضوع
حرام يحصل مشاكل بينكم بسببنا ودا الصح
ربنا يصبرك وان شاء الله ازمة وتعدي
معلش اتاخرت عليكى اصل المشاكل كانت ورايا زيك بالظبط
دلوقتى انتى ماغلطيش فى حاجه لما روحتى لحماتك اكيد زوجك مبسوط حتى لو مابينش كده
سؤال بقى: هو زوجك مابعتش هديه لوالدتك؟؟؟
لو كان اه
يبقى حاجه وحشه منه دى
ويمكن ده اللى مزعل والدتك كانت منتظره انك زى ماقدرتى والدته ان هو كمان يقدرها فى عيد الام
ويمكن عشان كده شايفه ان حماتك ماكانتش تستاهل انك تقضى معاها عيد الام بدل ماتسافرى وتكونى مع والدتك وخالتها
بصى انتى عملتى عاللى عليكى المره دى ولو كان زوجك ماقدرش الحكايه دى وبيقولك انا قولتلك لو عايزه تروحى روحى مش عايزه بلاش يبقى خلاص امسكيها عليه
هو عارف انك زعلانه من والدتك وفى كل مناسبه بعد كده هتقوليله اروح ولا ماروحش لو رد نفس الاجابه خديها من قصيرها واعملى اللى انتى عايزاه بجد ولو حسيتى انه زعل بعد كده فكريه انه هو وافق
معلش بقى مامتك زعلانه انا مش فاهمه ليه بالظبط بس اتعودت انهم بيزعلوا على حاجات ممكن نكون احنا شايفنها بسيطه
حاولى بقى تتفاهمى معاها وترضيها فهميها انك عملتى كده بس عشان خاطر زوجك وهى اكيد طبعا مايهمهاش حاجه غير سعادتك
وربنا مايجيبش زعل ابدا يارب
ستيته حسب الله الحمش
بصى يا حبيبتى انا مش لاقيه كلام بعد كلام ستيته بجد لخصت وحللت الموضوع بمنتهى العقل
وفعلا يا جميلة حاولى تراضى مامتك باى طريقه واقنعى جوزك انة يساعدك وزى مراضيتى اهلة لازم يراضى اهلك
وربنا يارب يسعدك ويصفى القلوب
ويرزقك بمولود يملا حياتك ويقرب العيلتين من بعض ويكون وش الخير على الجميع
متزعليش بقا بالله عليكى
انا اول مره ازورك ومش هتكون الاخيره
مصرى جدا
انا خايفة على رضا امى عليا عشان رضاها من رضا الله
وزعلها غالى عليا ولان زعلها غالى وانها عاطفية اوى فعلا رأيها مجروح
وعشان كدة كان صعب انى اسمع كلامها ولان دة كان رايي فبل ما اهدا وافكر بعقلى
انا كمان مش كنت عايزة اروح لحماتى
ولا والنبى بلاش ابو سكينة اللى بيعترف بسرعة
انا عايزة واحد لو قتالوه ميعترفش خالص
ههههههه
وعلى فكرة انا فعلا مش بنسى حقى بس هأخدة بالهداوة من غير ما حد يغلطنى ولا يقدر يغلطنى
وانا وحماتى والايام
حبيبتى ستيتة هو انا اقدر استغنى
نوارة
عملتها ويا رينتى ما عملتها
هاج بابا وقالى اية الكلام الفاضى دة انتى بتمثيلى وطلعنى غلطانة
بصى يا حبيبتى انا عندى بابا وماما بيفهموا الكلام والمقصد اللى هما عايزيونة من الكلام
انتى عارفة ماما فالتلى انتى رحتى عند حماتك عشان مش بقيتى حامل وانى خايقة من كدة عشان كدة رحت
على امل انهم يقفوا جنبى
والكلام دة مش جه فى بالى خالص
يلا مهما قلت لا حد هيفهمنى منهم ولا يحس بيا
ادعيلى
انتى مش غلطانة طبعا
انتى عملتى الواجب عليكى
بس كمان والدتك لازم تعرفيها انها أغلى من كل الناس
وان الــ عملتية دة عملتية علشانها هى علشان زوجات ابنئها لو لها يعنى يعاملوها با المعروف زى ما انتى عملتى
المهم انتى عملتى الصح
السلام عليكم ورحمة الله وبركاته
الاخت الغاليه **زوجه عنيده اللي مش باين عليها عنيده ولا حاجات من دي
اولا انتِ عملتي الصح اللي يرضي ربنا وهوالتسامح وياريت كلنا نتحلي بهذه الصفه وبعدين انا معرفش الموضوع من اوله لاني للاسف لم اكن متابع لمدونتك
ولكن تصرفك سليم مائه بالمائه
لان هناك احاديث كثيره وايات تلزمنا بهذا وكمان عن رضا الزوج
اما رضا الوالدين فانا اطمئنك
انهم راضيين عنك وهما بيحسدوكي علي مقدرتك علي التسامح ولكن النفس الاماره بالسوء تتحكم بنا الا ما رحم ربي وانا اطمئنك واليك هذه الكلمات
ايها الحامل هما ان هما لا يدوم
مثلما تفني المسرات كذلك تفني الهموم
اسف للأطاله وتقبلي مروري
مع تمنياتي لك بدوام النقاء الذي يملاء
قلبك
ممممممممممم
بصي يا حبيبتى انتى مش غلطتى ابدااا
انتى رضيتى جوزك وامه وان شاء الله ربنا هيرضي عنك بالعمل ده
ومتزعليش من امك لانها كل اللي يهمها فالدنيا هو بنتها ومش عاوزاكى يعنى تنبقي ف موضع ضعف ولا ذل من حماتك
عارفه لو الموقف ده كله - لاقدر الله - حصل بالعكس مع ماماتك وزوجك ماماتك هتحس باللي انتى عملته وهتقدره
الهم انتى حاولي تصالحى ماماتك وترضيها برده وهى مع الوقت هتصفا وتتصالح معاكى يا حبيبتى
ربنا يكرمك يارب
بصى ياحبيبتى
مامتك هتسامحك وهتنسى مع الوقت
لكن زوجك وحماتك مكنوش هينسوا
صالحى مامتك باى طريقة وبينى لها انك عملتى ده عشان تحافظى على بيتك اللى هى مايرضيهاش ابدا انه يتخرب لما حماتك تقلب عليكِ
بندقة
ولا يهمك المهم تكونى بخير وفى احسن حال
هو مش بعت هدية لحد هو بعتلى فلوس وانا اللى اشتريت
ومن ايام كتيرة اوى قلت لماما عايزة اية عيد ام
لاننا متعودين من زمان حتى اختى المتجوزة تقولنا هى عايزة ايه ونجيبه
وهى ترفض عشان ظروف جوزى المادية
لكن الحمد لله احنا بخير
وانا مش رحت لحماتى فى عيد الام
انا رحت يوم الخميس وعيد الام كان السبت
وكانت امى مسافرة ورجعت الجمعة اللى قبل عيد الام
والحمد لله جوزى مقدر جدا اللى انا عملته وفرحان بيا
بس كان نفسى امى تحس بيا وترضى
وانا براضيهاويا رب ترضى
ادعيلى وربنا معاكى ويبعد عنك المشاكل
سهر
اهلا بيكى لاول مرة ويا رب مش تكون الاخيرة
هو فعلا بيحاول يراضهم وهو لو مش كان كويس ويستاهل انا مش كان همنى رضاه
ربنا يراضيه زى ما بيراضينى
مش قادرة مزعلش ولا اكون تعبانة
دى امى
امبارح كان عمرى عشرين
طبعا امى اغلى من كل الناس
وهى مش حاسة بكدة لانها مش هيكون عندها زوجات لاولادها
ونفسى انها مش تغضب عليا
اهلا بيك زائر دائم
محمد فارس
وعليكم السلام ورحمة الله وبركاته
ايها الحامل هما ان هما لا يدوم
مثلما تفني المسرات كذلك تفني الهموم
بالعكس كلامك جميل ومريح للنفس ومكنش فى اى تطويل
ويا رب اكون فعلا عملت الصح وربنا يكرمنى
واتمنى دوام الزيارة
سمسمة28
انا مش زعلانة منها اد ما انا كنت عايزاها تحس بيا وتقف جنبى
عايزاها ترضى عنى
وبحاول اصلحها وربنا يهدينى ليها
ويا رب تصفى
اية يا سمسم مفيش جديد
مش هتنزلى جديد
مستنية الجديد
موناليزا
انا قلت كدة
بس الناس الله يسامحهم كل واحد عنده كلمه قالها مش بالخير ودة اللى زود الطينه بله
وانا عارفة انها هتسامحنى بس كان نفسى هى اللى تقف جنبى
تحياتى
بسم الله الرحمن الرحيم
الأخت الفاضلة : زوجة عنيدة
هذه أول زيارة منى لمدونتك وإن شاء الله ستستمرالزيارات
( بل الإنسان على نفسه بصيره ...)
إن كل فرد منا يستطيع أن يصل إلى حكم صائب وقرار حاسم فى حياته مع رضا نفسه وطمأنينة قلبه وهدوء حياته ذلك كله إذا حدد هدفه فى معاملاته فيسأل نفسه لم أفعل ذلك الأمر ؟ ولم أترك هذا التصرف ؟ .وهكذا ....والإجابة لا تكون صائبة إذا تغير الهدف مع كل مرة يسأل فيها نفسه بل يجب أن تكون جميع الإجابات واحدة مهما اختلفت المواقف ومهما تغيرت المواضيع ومهما صعب الأمر أو سهل .
ما تلك الإجابة المنتظرة والتى تحقق هذه الطمأنينة وهذاالهدوء ؟
إنها إجابة سيدنا إبراهيم عليه الصلاة والسلام والتى سجلها القرآن لتكون إجابة خالدة يتعلمها من يبحث عن طمأنينة الحياء وراحة الاخرة
( قل إن صلاتى ونسكى ومحياى ومماتى لله رب العالمين ...)
فارجعى إلى نفسك واسأليها مع كل تصرف لم أفعله ؟؟ فإن كانت الإجابة
إرضاء لربى كانت الإجابة صائبة .
يقولون فى المثل الصينى :
" علمنى كيف أصطاد خير من أن تمنحنى سمكة "
لأيا حبيبتى انتى مش غلطانة
انت بالموقف دة بينتى لزوجك أد أية انت بنت ناس ومتسامحة وأكيد حماتك لازم تكون أنكسفت من نفسها
أنا مش شايفة أنك بكدة عديتى الموضوع بالعكس أنت عملتى الواجب فقط ومشيتى على طول
بس عايزة رأي ماكانش لازم تقولى لمامتك أنك هتروحى لحماتك لأنها كان لازم هتزعل لأنها لسة مجروحة منها يعنى كنت انتهزتى سفر مامتك وباباكى وروحتى لحماتك من غير ما حد يعرف
لكن دة بردة دليل على نقائك وطفولتك
معلهش يا بنتى على رأي سكيننة دنيا وما حدش بياكلها بالساهل
أهدى كدة وروقى وكلمى مامتك وحاولى تقنعيها انك بموقفك الكريم دة أخجلتى حماتك امام نفسها على الاقل
ربنا يوفقك ويعينك
أ\أحمد عبد المنعم
مش هكون كدابة واقول انى كنت بفكر بالعمق دة
انا بس كنت عايزة اتقى الله فى جوزى وارضيه
لانى بحبه واكيد حبى لجوزى من حب ربنا
لكن
انا انسان بيغلط وساعات بيخطلت عليه لامر
وبحب امى وبزعل ساعات منها
وبحب جوزى وبزعل ساعات منه
بس بحبهم الاتنين
ريكو
مقدرش اخبى عنها دة بالذات وانا قاعده فى بيتها لو عرفت ؟؟؟
لو جوزى قالها بالغلط اية اللى هيحصل؟؟
لانى طبعا مش قلت لجوزى ان ماما زعلانة منى لانى رحت عند والدته
انا جوزى بيحب امى ومش عايزة العلاقة دى تتغير
وهتقوم الدنيا اكتر ما هى قيما لو عملت من وراها حاجة هتحس انى بستغنى عنها
وهيبقى الغضب اكبر
وتقبل الله دعائك
طيب انا هقول لك الاول حاجه
الي انت عملتيه لا تنازل عن كرامتك ولا اي من الكلام ده بالعكس ده تصرف يثبت انك بنت اصول واهلك ربوك على القيم السليمه
ده ياتي في المقام التاني بعد ان ما فعلتيه ياتي في مرضاة الله عز وجل من انك لم تقطعي رحم ولم تمكني الغضب منك.
فلا تبتاسي بكلام والدتك حفظها الله انما تقوله من باب انها حماة زوجك وليست والدتك.
بالبلدي بقى والحته دي تخصصي واسالي ستيته
امسكي الحبل من النص وخليكي ذكيه في الموضوع ده
مش هتقدري تقنعي والدتك بالفكر بتاعك خالص فاحسن حل ليها المسايسه والاتفاف حول الموضوع وده مش غلط اولا دي حياتك انت وانتي اقدر وادرى بادارتها ومش عيب انك ترضي زوجك طالما فعلا مفيش حاجه تمس كرامتك وفي نفس الوقت تسايسي والدتك وتخلصي الموقف بذكاء.
تحياتي ...........
زوجة عنيدة
اكيد انت تصرفت صح
ارضيتى زوجك
وصغرتى حجم المشكلة
ولكن لا تياسى من محاولة ارضاء مامتك
مهما كان حجم ماتقوله اونفعله
واذا تكرر اى موقف خاطئ من حماتك فلا بد ان يكون رد الفعل حاسم هذه المرة
حتى لا يكون هذا هو اسلوب التعامل الدائم هى تغلط وانت تفوتى
ولا بد ان يراضى زوجك امك بكل الطرق
الممكنة
تحياتى وربنا يوفقك
ضايع
اهلا بيك لاول مرة ويا رب متكنش الاخيرة
انا بحاول الايام دى استرضيها لانه امى ومهما حصل انا لازم استرضيها
ومش لازم انسى ان انا سبب كل اللى هى فية دلوقتى
وبسبب حماتى بس من كتر الضغط تعبت
وربنا يسامح اللى كان السبب
اعملي الخير وارميه البحر
لا الزعل بيدوم ولا الفرحه
مش بيفضل غير العمل الطيب
مامتك بكره تنسي
وهي اكيد مش عايزه غير راحتك
وراحتك اكيد في رضا جوزك
لا طبعا
وده اولا يعنى انتى مش غلطانه خالص خالص خالص عشان بس تطمني
خير الامور الوسط
والى انتى عملتيه ده وسط لا قطعتي معاهم
ولا فى نفس الوقت روحتي قعدت وكلتي عندهم ولا كان فى حاجه وهما كده عرفوا انك زعلانه وان الى عملوه هو السبب
زي ما تقولي كده جت من عندهم
بالعكس انتى كده بقى تبدأي من جديد تحطي نااااااموس للتعامل معاهم بقى متوازن وصح بدل الهبل الى كنتى بتعمليه بتاع تباتي هناك وتعالى امسحي الشقه والبتنجان المخلل ده
اما اهلك فانصحك ما تسمعيش كلامهم فى علاقتك بزوجك ما دام هما بيحيدوا عن الحق
معاملتك لمامتك على العين والراس عاملياه حلو وزي الفل
انما حياتك من حقك تقرريها
صدقنى يا بنتى انا لو كنت سمعت كلام بابا من اول ما اتجوزت كانت حماتي قعدت على كتافي وهزت رجليها وكان اصغر عيل فى العيله قل ادبه عليا
ولو كنت سمعت كلام امي برضه من اول ما اتجوزت كان اهل جوزي مش هايحبوني والمشاكل كانت هاتبقى بالكوم
عشان كده بانفض للكل وامشي بدماغي بعد ما اعقلها طبعا
لكن فى نفس ذات الوقت باراضيهم
بالراحه كده وكلمتين حلوين بيتراضوا
اهم حاجه انك الى بيزنوا فى ودان مامتك دول حاولي تكشي فيهم كده من بعيد لبعيد عشان يكنوا
وصدقنى بكره ماما تروق وتبقى كويسه هما لسه مش واخدين ان ليكى حياه خاصه وبيت خاص واهل تانين غيرهم
عااااااااااااااااااااادي
ربنا يسهل وتسافري لجوزك عشان الليله دي كلها تهدى
صدقنى هاتعدي بس انتى صح ميه ميه يا معلم ربنا يهديكم لبعض انتى وجوزك وكمان جوزك كويس على فكره وحقاني
بس هما الرجاله بيبقوا مش عارفين اساسا حاجه
انتى بقى على ما تعوديه وبالهداوه كده والاقناع كله هايمشي
اعملي الاصول وزياده حبه من عندك ما حدش يعرف يمسك عليكى مسكه
ربنا يوفقك يا جميل
يا حبيبه قلبي سلامتك من التعب
ان شا الله اللى يكرهوكى
بجد انا مش عارفه فين الصح وفين الغلط
بس ممكنتكونى فعلا صح لانك رضيتى جوزك
وربنا مش هيضيع اجرك ان شاء الله
اما موقف مامتك من العريس الاول غريب شويه
ربنا يصلح حالك
يااااارب
السلام عليكم
بصراحه بعد اللى قراتها انا شايفه انك مش غلط
والحمد لله انك رضيتى زوجك لان رضاه من رضا الرب
تقبلى مرورى وتحياتى لكى
السلام عليكم
اخبارك ايه
يارب تكوني بخير
انا نفسي اعرف حاجة انتي بتلومي نفسك ليه؟
اللي حصل حصل وعدي خلاص يعني لومك لنفسك دا مامنوش فايدة غلطانةوالا مش غلطانة خلاص انتي روحتي لها واللي حصل حصل بس احب اهنيكي علي شجاعتك دي لأن موقف السرقة دا حصل معايا وانا كنت فاكرة اني انا بس اللي حصل معايا كدة عارفة انا بصراحة اضعف منك ومع كل اتهام من حماتي بسرقة اي من مقنياتها التي لا تتعدي صورة فوتوغرافية لها او فوطة اكل عليها الزمن وشرب او حتي حقيبة قديمة لا تستخدمها ومع براءتي التي لا ينكرها زوجي تجدني امتنع عن زيارة حماتي لمدة قد تصل الي عدة اشهر لان هذا الاتهام غير مقبول تماما كله الا السرقة بجد شعور الواحد انه متهم شيء صعب جدا لا يتحمله اعصاب الانسان العادي ومامتك بصراحة كانت عندها حق لان الشخصيات اللي بتوزع الاتهامات عمال علي بطال بتكون شخصيات مريضة بداء الوسوسة يعني في كل زيارة ممكن تتهمك تهمة شكل
بس انتي خلاص زورتيها ومامنوش فايدة الندم
حاجة علي الجنب كدة
انبسطت جدا لما لاقيتك مستعينة بصورة غلاف حماتي ملاك في موضوع من موضوعاتك لان تصميم الغلاف من أفكاري
دمتي اختي في سعادة وخير وربنا يهدي سرك وماتخافيش انتي مش لواحدك كلنا لها
سحر غريب
حماتي ملاك
السلام عليكم
يمكن اول مرةادخل مدونتك
لكن الموضوع بسيط
ساقول لك قصة من ايام الرسول صلى الله عليه وسلم
امراة كان والدها يسكن بالدور الاسفل وهى بالعلوى وكانابوهايحتضر فطلبت من زوجها ان تراه ولم يوافق
فارسلت الى الرسول صلى الله عليه وسلم تستشيره فى الامر
فقال لها اطيعى زوجك
وبعد 3 ايام مات الاب
فشعرت بحنق شديد من زوجها
فقال لها الرسول
ان الله سبحانه وتعالى غفر ذنوب ابيهابطاعتها لزوجها
كل المشاكل التى يمكن ان تقابليها
ترجع الى ضعف الثقافة الدينية
وحقوق الزوج
وانتى قلتى بنفسك
قال لك عايزة تروحى روحى
ولكنك تعلمين تماما
انه سيسعد كثيرا اذا ذهبت
انت فعلتى الصح حبيبتى
اقرائى فى حقوق الزوج
وما دامت والدتك تقرا فى المدونة
اجعليها تقرا معك فيه
صدقينى
الحياةالزوجية مودة ورحمة
بيت مسلم
نشا صالح
لا صراع وشجار
اسال الله ان يرزقك كل الخير
السلام عليكم
كل سنة وانت طيبة
وكل سنة وأمك بخير
وكل سنة وحماتك بخير
وكل سنة وكل أم بكل مكان بكل صحة وبكل خير
،،،،،
الاول أحيك علي هذه الخطوة
لأن زيارتك لحماتك تطلبت منك الكثير من الأمور
وضغط من جهات متعددة
لكن الاهم جوزك ( زوجك ) ورضاه عنك
وعايز أذكرك بكلامي اللي قبل كده
هل لو نفس الموقف مع أمك
وهل لو زعلتك بأي شئ
مهما كان
هل تقبلين أن تظل زعلانة منك
أم الاهم رضاها عنك ووقتها نطالبك بالتنازل من أجلها
ولن نجرؤ أن نتكلم عن الكرامة
مع أحبابنا لا نبرز تلك المواضيع من الكرامة والاستقلالية
لا نختار أبائنا أو امهاتنا لكننا نطلب بالاحسان اليهم وحبهم ونطلب مودتهم دايما مهما فعلوا بنا
اختيارك لزوجك فهو أختيار ضمني لأمه كأم لك - يسري عليها معظم ما يسري علي أمك
لا تزعلي من أمك مهما حصل ولا تخزني لها بقلبك الا كل خير
حاولي ارضاؤها بكل السبل لكن رضا زوجك أهم ((وأذكرك بتلك القصة لزوجة سافر زوجها ومرض أباها فلم تخرج لزيارته طاعة لزوجها - وبأمر من الرسول عليه الصلاة والسلام- قيسي عليها كل شئ)) الامر واضح
وأري أنك الان تمثلي زوجك أكثر من تمثيلك لأسرتك
بقي أن تؤلفي القلوب بأي شئ
لزوجك دور كبيرا أيضا في ذلك
ربنا يجمعكم ويوفقكم
ويصلح النفوس
تحياتي
انت مش صعبتى عليا
انت وجعتينى اوى
لأنك ممزقه بطريقه عجيبه جدا
رضا أمك أهم شئ فى الدنيا لا شك
رضا زوجك من رضا ربك مؤكد
رضا أمه عنك دة شئ مش هيزيدك ولا ينقصك لكن هيسعدة
انا حاولت اقرأ عندك أكتر من بوست عشان افهم شويه من الموضوع بس واضح فعلا انك متوزعه بين كتير
كنت مخطوبه وأمك بتفضل خطيبك اللى فات عن جوزك اللى انت عايشه معاة دلوقتى
أسمحيلى دة موضوع مش مفروض يكون مطروح للنقاش اصلاااا
أزاى يكون فيه كلام عن حاجه زى كدة بينما انت خلاص زوجه بالفعل لراجل يعنى مع كل احترامى لوالدت حضرتك دة غلط ويربى عداوة وكراهيه
حماتك انت ولا خسيتى من المشوار ولا عيتى من الحاجه الساقعه بالعكس يعنى انت عملتى المفروض والواجب ووصلت رحم حتى لو كان لزوجك مش ليك وهى فى الاول وفى الاخر أم برضه وجدة لأولادك
بلاش كم الحيرة الرهيب اللى انت فيه دة وتكرارك لكلمه تعبانه مؤلم فعلا انت عملت الصح وريحتى ضميرك وراضيتى جوزك وحاول تصالحى والدتك وترضيها وربنا يرضى عنا كلنا
متحاوليش ترضى الكل مش هتقدرى لكن حاولى تسايسى امورك بقى زى ما بيقولو وخلى قلبك أبيض بلاش تشيلى
مبقولش فرطى فى كرامتك بس واضح انك فعلا شاريه جوزك يبقى ضحى معلش شويه كمان
أسفه لو طولت
مودتى لك
القدر وانا
انا عمرى ما هيأس من انى ارضى ماما بس انا اعصابى تعبانة شوية من كتر الضغط واحنا الاتنين عايزين اللى يخفف علينا
وانا عارفة ان تعبها اكبر
بس انا اضعف منها ميت مرة هى حمالة اسيه
وحماتى لازم تعرف دة كويس بس بطريقتى من غير غلط
ويوفقك
عاشقة وغلبانة
اه بس الزعل فى اوله صعب اوى بالذات لما تلاقى ان مفيش حد واقف جنبك خالص حتى اقاربك وبيقولوا كلام بضايق
حتى مش عارفين يكونوا وسطة خير
وانا مش طالبة الا رضا ربنا ورضا جوزى من رضا الله
صبرنى يا رب
استكى يا اوختى اة انا كنت هبلة ازاى
بس تعرفى يمكن اللى حصل دة عشان يفوقنى بدرى بدرى
صعب امشى بدماغى كليا بس انا هاخد رايهم واسال واللى يعجبنى واعقله هعمله
اكتر المشاكل جاية عشان انا عايشة عندهم يعنى مش عارفة اخبى حاجة
وانا بعمل كل اللى عملتة عشان خاطر جوزى كويس معايا ومع اهلى وعشان خاطرة يهون اللى انا فية
وادعيلى انى اسافر لحسن انا خلاص نفوخى هيولع
اطلااااااااااااقا انتي مش غلطتي
انا بحيكي علي الي عملتيه وده يدل علي عقلك وجدعنتك وحبك لزوجك ورضاه
ودي اهم حاجه في حياتك دلوقت رضا زوجك وحبك ليه
هو حياتك كلها
وطبعا اهلك لان لو مش ليكي خير فيهم مش ليكي خير في حد
وانتي بتعملي كل ده مش أهانه لكرمتك ولا حاجه انتي بترضي حماتك لجل عيون زوجك مش اكتر وعشان هي امه زي ما بيقولو (لجل الورد ينسقي العوليق) ولا ايه؟
وانتي بتعملي كل ده اولا واخير للله سبحانه وتعالي يعني هتاخدي ثواب ومعلش مامتك زعلانه ومقموصه مش عشانها ولا لنفسها ده عشان عيون بنتها وخايفه عليها وعايزه الكل يعملها حساب ويحبها وتبقي حاجه كبيره في نظر اهل جوزها ماما مغلتطش من غيرتها عليكي بس
المفروض هي اللي تقلك انتي تعملي اللي عليكي والواجب عشان بنات الاصول هي اللي تعمل كده وياستي كلها حجات تافهه وزي ما قلتلك كله من بعيد لبيعد وبلاش اختلاط زياده ولا قطيعه ومشي امورك وربنا يجعله في ميزان حسناتك لطاعه زوجك
وماما ملهاش حق تكلم في الماضي وطلما انتي فرحانه خلاويس اهم حاجه سعدتك ورحتك وروحي صلحي ماما وبوسيها وكلميها براحه واقنعيها ومتيأشيس انتي عارفه دلع الامهات زي العسل وحطي في دماغك زعلهم عشانك مش منك
انا شايفه طنط هناااك اهه عماله تمصمص في شفيفها وتشتم فيا وتقول ده كلام فارغ انا سنعاها اهو ماشي ماشي ياطنط سلميلي عليها
وانا عشان انتي طلعتي جدعه وزي العسل كبرتلك الخط اهو
دمتي بكل خير وربنا يريح بالك
وتسافري لزوجك ان شاء الله بلاش وجع دماغ بقي
عنيده اول حاجه ربنا يحللك اللي بيحصل ده ويقوكي لانك بجد متحمله
وتاني شي انتي مغلطيش بالعكس انتي عملتي حاجه ترضي ربنا ثم جوزك
في حديث عن الرسول انوا لو اقدر اخلي المراة تسجد لاول شي خليتها تسجد لزوجها هاد فيما معني الحديث (المفهوم منو)
وانتي باللي عملتيه رضيتي رب العباد واكيد هو مش هيتخلي عنك وهيساعدك
وبالنسبه لمامتك متخفيش هي دلوقتي متنرفزة شويه بس انشاءالله هتهدي
وعلي فكرة والله العظيم كل متحصل معاكي مشكله علي طووووول استغفري والله العظيم هتنحل وبابسط مايكون
ضلك استغفري وشوفي هتتحل ولا لا وادعيلي
بجد استغفري بنية انوا يارب حللي مشكلتي والله العظيم هتتحل وهترضي الكل
جربي وشوفي وهتدعيلي كل متشوفي حالك فاضيه استغفري
علي فكرة الاستغفار مجرب ونــــأس كتير جربتوا هو غير انوا عباده هو كمان علاج
بتمنالك التوفيق يارب يكون معك
تحيــــاتي
غروب
الله يسلمك
هى ممكن تكون عايزة تغظنى شوية لما بعمل حاجة هى مش راضية عنها
يا رب
عاشقة الاحزان
وعليكم السلام ورحمة الله وبركاتة
حيرتى فى رضا مين فى رضا ربنا الام والا الزوج
واهلا بيكى دايما تنورينى
المفقوعة مرراتها
اولا اهلا بيكى
الحمد الله انا بخير
وتسلم ايدك على الغلاف حلو اوى اوى
وبيعبر تعبير حلو اوى عن علاق الحماة بزوجة ابنها
لو قلتلك انى مش كنت هدخلها بيت العمر كله
لولا ربنا واصحاب المدونات الاصدقاء
نصحونى بنصيحة ونفذتها
لان الامر شورى بينكم
انا كنت متضيقة من زعل ماما
واحساسهم الزايد بانى فرط فى كرامتى
والناس الكتير اللى كانت بتقول كلام يقوى امى عليا ولا بيهدوا النفوس الله يسامحهم
اتمنى دايما تنورينى
شيماء سمير
وعليكم السلام ورحمة الله وبركاتة
انتى عارفة انا ماما هى اللى حكتلى الحكاية دى وهى اللى بتقولى من ساعة ما اتجوزت قدام جوزى انى مسئولة منه وانى مش اعمل اى حاجة الا لما ارجعلة
بس لما بعمل كدة بتزعل على اعتبار انى قاعدة عندهم
وانى لازم قبل ما اخد راي جوزى فى حاجة هما يوفقوا عليها الاول مع ان
المفروض
حتى لو قاعدة عنهم راى جوزى اللى يمشى
بس هعمل اية؟؟؟
الحمد لله
يا رب متكنش اخر زيارة
hasona
اين انت؟
كنت مختفى فين
ياعم اعملك مدونة مش هتندم على الاقل نتعرف عليك
وشوف ارائك والدنيا عملة معاك اية
انا اسفة مش عرفت ارد على كلامك اللى فات للمشاكل دى
انا هرضى بقدر ربنا
دا اقل ابتلاء
ابتلاء الحماة كويس انه مش طلع فى جوزى
انا اضيقت لما كل اللى حواليا مقدرش يفهمنى ولا يقف جنبى
والحمد لله الحال احسن دلوقتى
بلاش الغياب ارائك مفيدة لى كثيرا
وفكر تانى فى فكرة التدوين
صفاء
انا كنت عايزة ارضى الاتنين
تصدقى انا من كتر ما تعبت من ان امى مش فهمانى كنت هقولها
انا عايزة جوزى يرضى عنى ويحبنى زى ما بحبة
زيك انتى وبابا
لما كان موافق على انى اروح ولمجرد انه مش يزعلك انكر دة عشان يرضيكى ومن قلبة مش مغصوب علية
لان بابا شخصية قوية مش ضعيف اطلاقا
وانا حاولت اراضيها واهى يعنى ابدت ترضى
لازم التضحية على الاقل فى الاول عشان يعرف مدى حبى لة
وانتى مش طولتى ولا حاجة بيتك طولى براحتك
سمكة واحدة
اةمن العليق دة شكلة هيقرفنى اوى
وربنا هدى الحال وامى رضيت شوية عنى
مع انها مش مقتنعة لحد باللى عملته
بس هتعدى
وماما عايزة تغيظنى بس عشان مش كنت راضية اعمل اللى هى عايزاة
حاضر هسلملك عليها
بس المرة دى مش رضيت اقولها على البوست لانها قرفانة منكم :)
ولما سألتنى قلتلهامش كتبت
عشان مش اضرب برضة
ههههههههههههه
اة ربنا يخليكى انا نظرى على قدى با اوختى
هههههههههه
لا بس الكمبيوتر من كتر القاعدة علية الخط الصغير بيضايقنى
ستدتى انا اعانى من نفس مشكلتك مع اختلاف الادوار فا انا الرجل و خطيبتى والدتها متوفية و لكن خالتها مربيها و دية بقى ست ما اولكيش المهم اللى بعملة علشانها هى و بس, بس و دينى اتجوز بس و بعد بقى هانشوف ههههههههههه, اللى انتى شايفة صح اعملية محديش بيشيل هم حد حتى لو ميين, تجياتى
ايمان روحى
ربنا يخليكى على النصيحة انا فعلا عملت كدة وصليت ركتين لله
واستغفرت كتير عشان ربنا يعدى اللى انا فية
ورضيت امى والحمد لله
تسلميلى يا قمر
كريم
ربنا معاك تبقى احكيلنا مغامراتك معاها
الله يكون فى عونك
يارب تستفادى من مدونتى الاسلاميه دى هاتفيدك جدا
http://noureldens.maktoobblog.com/
رضا زوجك اهم
واللي بيه هتخشي الجنة
إرسال تعليق