كتير منكم دخل ونورنى فى البوست اللى
فات
وقال انى مش عنيدة
هو اية معنى العناد عندكم؟
انا عنيدة وافتخر ومصممة على دة
العناد عندى اسلوب حياة مش مشاكل ولا تصميم على راى وخلاص
انا بعاند لما بصمم اوصل للى انا عايزاة
انا كنت مع حماتى عنيدة جداااااااا
لأبعد ما تتخيلوا
عارفين ازاى
لما مش اديتها فرصة ولا مرة انها تمسك عليا غلطة
ودة كان عناد
انا عنادى عناد ايجابى مش سلبى
انى اكون عنيدة عشان احقق احلامى
عادى
اللى مش عادى انى اقف اتفرج على احلامى بتضيع منى
الطيبة مش عيب
بس مش بحب اتظاهر بحاجة مش فيه
انا ممكن اكون شريرة اوى لما كنت بسكت
والتزم الصمت فى حاجات كتير كانت بتحصل
يعنى........
اصلى الصراحة مش كنت عايزة ابقى غلطانة
وانا لسانى ساعات بيبقى عايز قطعة
فقررت السكوت
فأنا عنيدة
مع اى حد يحاول يقهرنى
عنيدة
مع حلم عايزة اوصله اجرى لأخر المشوار واوصله
عنيدة
مع الدنيا والزمن وغصب عنه هيفضل عدل معايا
عنيدة
مع الظروف الصعبة ومش هنكسر بسهولة
عنيدة
حتى فى هدوئى بيكون اصله عناد
عنيدة
لما بفرح اوى بكون انتصرت على حاجة
عنيدة
لما صممت انى ادخل الثانوى العام
عنيدة
لما بدلت حلمى بأنى اكون مهندسة
لأنى اكون صحفية
عنيدة
لما فقدت حلم الصحافة بسبب ناسه
وبدلتة تانى بالتدريس
فات
وقال انى مش عنيدة
هو اية معنى العناد عندكم؟
انا عنيدة وافتخر ومصممة على دة
العناد عندى اسلوب حياة مش مشاكل ولا تصميم على راى وخلاص
انا بعاند لما بصمم اوصل للى انا عايزاة
انا كنت مع حماتى عنيدة جداااااااا
لأبعد ما تتخيلوا
عارفين ازاى
لما مش اديتها فرصة ولا مرة انها تمسك عليا غلطة
ودة كان عناد
انا عنادى عناد ايجابى مش سلبى
انى اكون عنيدة عشان احقق احلامى
عادى
اللى مش عادى انى اقف اتفرج على احلامى بتضيع منى
الطيبة مش عيب
بس مش بحب اتظاهر بحاجة مش فيه
انا ممكن اكون شريرة اوى لما كنت بسكت
والتزم الصمت فى حاجات كتير كانت بتحصل
يعنى........
اصلى الصراحة مش كنت عايزة ابقى غلطانة
وانا لسانى ساعات بيبقى عايز قطعة
فقررت السكوت
فأنا عنيدة
مع اى حد يحاول يقهرنى
عنيدة
مع حلم عايزة اوصله اجرى لأخر المشوار واوصله
عنيدة
مع الدنيا والزمن وغصب عنه هيفضل عدل معايا
عنيدة
مع الظروف الصعبة ومش هنكسر بسهولة
عنيدة
حتى فى هدوئى بيكون اصله عناد
عنيدة
لما بفرح اوى بكون انتصرت على حاجة
عنيدة
لما صممت انى ادخل الثانوى العام
عنيدة
لما بدلت حلمى بأنى اكون مهندسة
لأنى اكون صحفية
عنيدة
لما فقدت حلم الصحافة بسبب ناسه
وبدلتة تانى بالتدريس
عنيدة
لما رحت قدمت ورقى لاول مرة فى مدرستين
للعمل وقبلت فيهم الاتنين مع بعض
وانا اللى كنت بختار
عنيدة
لما تعبت اوى فى اول شغلى لحد ما وصلت لاحسن مدرسة فى الدور اللى كنت فية
عنيدة وعنادى دة ميزة مش عيب اهرب منه
بأخد الحلو فى الصفة وابعد عن السلب
انا عنادى ايجابى وبستفيد منه
وللزوجة العنيدة جدا بقية
75 التعليقات:
اول تعليق عند عنيدة الطيبة رغم انفها
احنا شايفينك طيبة .. مدونين احرار بقى
تصفيق حاد على كل شرحك للعناد الأيجابي بتاعك
ربنا يوفقك ودايما تغلبي الظروف وتنطحيها بجدارة
انا دلوقتي اتعلمت منك حاجة مهمة جدا جدا
هو ده التأثير الأيجابي لتبادلنا الآراء
ربنا يكرمك يا عنيدة يا اوختشي
تيب ماشي لو كان العناد كده احنا موافقين يا باشا
بس خلي بالك
دايما قولي اللهم ارنا الحق حق وارزقنااتباعه وارنا الباطل باطل وارزقنا اجتنابه
ومعلش يا اختي الرجاله كلهم ما بيحبوش الزوجه العنديه
لان فى رايهم الزوجه العنديه دي متعبه
اه اه هاتتكلم بقى كتير وتناقش وتوجع دماغه
لا هو عايز عروسه حلاوه
عشان بعد عشرين سنه كده يقول يييييووووووه دي بقت شبه طب الملوخيه البايته
تحياتي ليكى يا جميل
والله لو ده عندك يبقى انتي صح وخليكي عنيده والي مش عاجبه هو حر انتي صح الصح
إذا كان هو ده إسلوبك فى العناد
فأنا أشترك معك فى هذه الصفه جدا
بكل تفاصيلها تقريبا
تحياتى لعنادك
وعلى فكره ..هو ده بالظبط تعريفى للعناد
تحياتى ..
معرفش ليه بحس كلامك جدا ودايما بحس إنك بتحكى عنى أنا مش إنتى
تعرفينى منين
علي فكره كلامك كويس جدا
انا كمان بحاول اكون عنيده جدا
زيك كده في موضوع الغلط
بس اجارك الله
عندي زوج مقنع بدرجه مش معقوله
ممكن يقعد يفكر بالايام ازي يجبلك كلمه قولتيها ويحطها في جمله تانيه انتي برده قولتيها علشان في الاخر تطلعي غلط
علشان كده قررت انفد بجلدي قبل ميجنني أو اموته
ههههههههههههههههههههههههههههههه
اول تعليق
جميل جدا ان عنادك يكون ايجابى
وتطورى من نفسك الى الاحسن
و تختارى وتصرى ان تكونى ما تريدين
تحياتى يا اطيب واحلى عنيدة
حلو العناد الإيجابي ده والله
إصرار وقوة عزيمة
ربنا يقدرك وتفضلي على عنادك ده طالما هو بالشكل ده
ربنا معاكي
مودتي
عنيدة جميل شرحك ده
ده عند ايجابى واصرار فعلا حلو نكون اقوى من الظروف او الاستفزاز او الغلط وان شاء الله تقدرى توصلى لكل الى بتحلمى بيه واكتر
يمكن عشان الفكرة العامه بتاعة العند انه عند والسلام زى عند الاطفال حتى لو على حاجه غلط بس انتى كده خلاص فى التمام واخده الايجابيات وان جيتى للحق انا كمان فيا من العند كتير بس بالنسبة لزواجى بحاول اقومه للايجابى لان زى ماقالت صبرنى الرجاله مبيحبوش العند الواضح يعنى اعندى بذكاء :-)
تحياتى
طيب ما هو دة المقصود
مش عنيدة
لكن متمسكة بأحلامك وأمانيك لدرجة القتال ودة غير العند خالص
يعني حضرتك زوجة مقاتلة
ربنا ينصرك
(لو محتاجة عربية نقل مليانة صعايدة بالنبابيت جاهز) أأمري انتي بس
يا عنيده انا لما بقولك انتى مش عنيده ولا حاجه
ان دى حاجه كويسه لان العند بمفهومه التقليدى نشفان دماغ على الفاضى
انما انتى ماشاء الله عليكى عندك حلو وايجابى زى ماقولتى
وربنا يزيدك عناد حلو كده ويوفقك ويهدى حماتك يارب
ستوتة حبيبتى
نزولا لرغبة ستوتة حبيبتى استأنفت الصمت الرهيت ونزلت بوست جديد
فعلا لاانا استفدت كتير من الاراء اللى انا اخدتها
وبالاخص منك
وربنا يكرمك انتى كمان يا حيبيتى
بحبك
صبرنى يا رب
حاضر هبقى اقولها عشان اتجنب العناد فى الباطل
شكرا للنصيحة
اة جوزى بيقولى كدة بطلى عناد حتى لو شايف ان العناد دة على حق
عروسة حلاوة ميلاقيش
وشبة الملوخية البايتة كمان الله يخليكى دايما بتطمنينى على مستقبلى
تحياتى:)
حاسوباتية
ياهلا ياهلا اية النور دة
شكرا على التأييد ربنا يخليكى
يا رب دايما منورانى
ايمى حبيبتى
انا كمان حاسة اننا فينا حاجات مشتركة كتير حتى الاسم
اعرفك من زمان القلوب بتتلاقى فبل العيون
وانا دايما بقول عايز تعرف شخص اتركة يتكلم
اوعى تسأل عنة واحنا اتكلمنا كتير
من القلب للقلب محبة كبيرة:)
ان كان دا عند فخليكى دايما عنيده
العناد فى الحالات دى مفيد جدا
بس خدى بالك العناد ليه طرق كتيره واساليب مختلف
خليكى بس فى ايجابياته
عنيدة وعنادك حلو
بس انتي عارفة دة لانك طيبة اوي عاوزة تغيري نفسك ومش تبيني طيبتك فبتحاولي تكوني عنيدة (دة رأيي )
تحياتي لكي وكل سنة وانتي طيبة
حواء
ههههههههههههههه بعد الشر عليكى من الجنان انشاله اللى يكرهك
النوع دة من الناس يجنن لاء البعد عنه غنيمة
ربنا معاكى يا رب
تحياتى
القدر وانا
ربنا يخليكى وشكرا على تشجيعك ليا
اتمنى دوام الزيارة
كاتب مصرى
يا رب افضل والزمن ميقدرش عليا
تحياتى
الشموع البيضاء
اة جوزى برضة بيضايق شوية من عنادى ومش مهم عنده حتى لو كنت على حق
ربنا يسهل واحاول اقومة
تحياتى
مصرى جدا
اول معركة هدخلها هبعتلك بس اوعى تخذلنى
وباين عليها قربت ربنا يستر
زوجة مقاتلة لالالالالاء
اوعى جوزى يسمعك يخاف منى
هههههههههههه
تحياتى
بندقة
ربنا يكرمك يا رب يفضل عنادى ايجابى كدة علطول
ويوفقك ويسمع منك
تحياتى
رومنسى
يا رب افضل عنيدة ايجابية طول العمر
ادعيلي
جارة القمر
ربنا يخليكى يا رب اكون بالطيبة دى
ويمكن اكون كدة ومش حاسة
وانتى طيبة يا قمر
جميل جدا ان يكون العناد مرتبط بالطموح والأصرار والإرادة على تحقيق الذات ويكون دافع للتفكير الإيجابي وله تأثير في اتخاذ القرارات الصحيحة في حياتك ..
وعلى فكره ده مش عناد لكن ايجابية وبإصرار أنت طيبة جدا ..
الله يوفقك وييسر لك الخير والسعادة..
تحياتي العطرة
أخذلك؟
ما استحقش اكون صعيدي
بس انتي أأمري
يا هيك العناد يا بلاش ^ـ*
اذا العناد ايجابي وبيفيدك بالشكل دا فخليكي بعنادك الرائع وربنا يوفقك يارب
دمتِ بكل الحب
تسفيقه جاااااااااااااامدة ياعانيده
وبجد مفهومك للعناد شي قمه بالروعه والتفاهم والرزانه والعقل
بجد بهنيكي
العناد شي اللو اجابيات زي ماالو سلبيات بس احنا اللي بنحدد شو نوع عنادنا بتصرفاتنا وتفكيرنا وتحكيم عقلنا
وبجد ياعنيدة بما انك بالعقليه هاي والطيبه والصبر
هتكوني ناجحة باذن الله وربنا يوفقك من كل قلبي
وتسفيقه جاااااااااااامدة تاني
تحيـــــاتي
انا ااؤيد هذا النوع من العناد
ده عند يبنى ميهدمش ويعود بالايجاب على كل المحيطين بهذا الشخص العنيد الذكى
بحييكى على جمال عندك
انا زيك اوي
بس زودي عليها العصبيه بقي
فساعات بجيب العند السلبي ده
هههههههههههههههههههههههه
انتي عارفه لما ماما تزعلني مثلا مش بلاقي حاجه اعملها تضايقها غير اني امتنع عن الاكل
ببقي جعانه اه
بس بعند علشان احسسها بغلطتها
ههههههههههههههههههههه
بس ماتقوليش لحد بقي
وحشاني موت علي فكره
تحياتي
اعتقد ان العند الذي لدي حضرتك يمكن ان يكون " إصرار "...و بمعناه الايجابي
فهو ممكن ان يكون دافع كبير للنجاح و التفوق.
أتفهم موقفك تماما...لانني تقريبا ممن يقومون بهذا " العند او الاصرار " من فترة لاخري... و العند لا يكون مع الاخرين...و لكنني اكون مع نفسي...
مثلا حينما كنت طالبا بالصف الثاني
الثانوي...لم افتح اي كتاب للمدرسة
او خارجي...و اعتمدت فقط علي الذاكرة
و ملاحظات كتبتها اثناء شرح المدرس..
و رغم خطورة هذا الموقف و احتمال ان يؤدي هذا العند مع نفسي الي ما لا تحمد عقباه بفشل ذريع... الا انني و الحمد لله
اجتزت الامتحانات نهاية العام بتفوق.
احيانا يجد الانسان لذة في العناد مع نفسه لتهذيبها ...
تحياتي و تقديري
حياة
ربنا يخليكى واكون طيبة فعلا زى ما انتوا مصرين على كدة
وفعلا هو ممكن يكون اصرار
بس انا بسمية عناد لان ساعات بيبقى كل اللى حواليا معترضين على كدة وبصر ولله الحمد بنجح
تحياتى
نوارة
طب الحمد لله للتشجيع انا كدة مبسوطة
تحياتى ليكى ودمتى بخير
ايمان روحى
اخجلتى تواضعى بالتقسيف الكتير دة
ويارب اكون ناجحة بجد
تحياتى
mahasen saber
اشكرك على التأييد
واشكرك على الزيارة واتمنى الدوام
عاشقة وغلبانة
معلش انا كمان عصبية بس الزمن هو اللى عمل فيا كدة بكرة الايام تعدى وتفتكرى كلامى
مش بأرادة الواحد ان يكون عصبى ولا لاء
لا دى بأرادة الموقف اللى انتى فية بعد كدة هتقابلك مواقف غصب عنك لازم تكونى هادية يا ما تخسرى كتييييييييييير اوى
تحياتى
الربان
ما هو الفرق بين العناد والاصرار
ان العناد بيبقى اصرار على شئ ضد ارادة اللى حواليك بينما الاصرار بيبقى مع الموافقة
عشان كدة كتير من الناس شيفين ان العناد صفة وحشة
انا بشوف ان مش شرط الناس بيشوفوا انى صح عشان امشى على الخط دة
لازم انا اثبتلهم انى صح
بس حضرتك اللى عملتة دة كان مخاطرة كبيرة اوى
بس بحييك على النجاح
تحياتى
انا شايف ان حضرتك عاوزة فرحانة انك عنيدة وده الغريب في الحقيقة.. مش عارف ايه سر السعادة في العند.. اعتقد انك ناقصك كتير خبرة عشان تعرفي ان الحياة مش لون واحد..
احمد1316
اعتقد ان حضرتك مقرتش الموضوع خالص
ولا حتى تعرف اية السبب اللى خلانى اكتبة
ومفيش حد فى الدنيا عندة خبرة كاملة
والا مكنش حد غلط ولا سأل حد غيرة
وانا مش محتاجة اى خبرة عشان اصمم انى احقق احلامى او حتى معملش مشاكل مع حد
المشكله ان التعريف بتاع العناد دايما بيكون سلبى لانه ارتبط اكتر بمرحلة الاطفال و المراهقين لان عنادهم فعلا بيكون اوقات كتييير غلط علشان كده خلاص الكل اول لما يسمع ان حد عنيد يبقى خلاص قام عليه الحد و لازم دماغه تنكسر ((:
قليل قوووى اللى بيشوف العناد بالمفهوم التانى
اللى اعرفه دايما ان الشخص الطبيعى فعلا المفروض عناده بيبقى ايجابى زى اللى انت بتقوليه ... لان ماعتقدش حد يكون واعى و ناضج يعاند فى شئ غلط اصلا
بس بردو انا عجبنى اسمك مووووووت من اول لما شوفته (:
اشكرك ياقمر على سؤالك ربنا مايحرمنى منك يارب (:
احييك على عنادك هذا
هكذا يجب ان تكون المرأة طموحة
دعواتك
ياااااااه دا انا فعلاً مش بدخل على مدونات ولا حاجه ، دا فيه حاجات حلوه اوي اهى و انا معرفش ، لا لا انا لازم اشد حيلي شويه و اشوف بعد كدا ، و بصراحه انا شكلي حتابعك و حعاندك ( ايجابي بقى سلبي ربنا يستر ) ...
و اخيراً اتمنى ان تكوني ام نفترخ بها و بأولادها اللي ربنا يقدرك و تخليهم مناره للبلد و تبقى مدرسه فعلاً تعد شعب طيب الاعراق ..
و برده نقول :
If you want to be happy
صلي على النبي
بوست جميل جدا جدا جدا ما شاء الله واستمري وانا بشجعك على عنادك وكمان
انا عنيييييييييييييييييد معاكي
عنيد لما صممت ادخل جامعة القاهرة بعد فشلي في تانية ثانوي
عنيد لما رفضت بنت كانت بتحبني بس مكنتش بحب حوارتتها
عنيد لما اخترت الي حبتها
عنيد لما صممت اكون كاتب
عنيد لما حولت جسمي من رفيع الي شاب جسمه جميل
عنيد للابد للابد للابد
هفضل عنيد لغاية لما اتجوز الي حبتها
هفضل عنيد لغاية لما الاقي بلدي احسن
هفضل عنيد لغاية اما ابقى مدرس جامد من غير دروس
هفضل عنيد لغاية اما تتلغي الدروس الخصوصية ورفع مرتب الدرس
هفضل عنيد لغاية اما الاقي الناس كلها شغالة
هفضل عنيد لغاية اما ملاقيش زبالةو في اي شارع
هفضل عنيد لغاية اما نتعلم ثقافة احترام الغير
هفضل عنيد لغاية اما ميبقاش في وقت للقهاوي
هفضل عنيد لغاية اما يبقى وقت فراغنا في الادب والشعر زي زماااان
هفضل عنيد لغاية اما بلدي تبقى احسن بلد
هفضل عنيد لغاية اما ترجع فلسطين
هفضل عنيد لغاية اما يبقى عندنا جامعة دول عربية بجد
هفضل عيد لما اشوف البنات ماشين كويس وهدومهم محترمة
هفضل عنيد لغاية اما الاقي الشباب مبيعاكس بنت او ست ويدافع عنها لو حد ضايقها
عشان كده هفضل عنيد لغاية اما اموت
دعوة للعند الايجابي
فكرتيني بالذي مضي
جميل جدا النوع ده من العناد
ياريت كلنا نقدر عليه ونخليه زيك اسلوب حياه
تحياتى
ايه يابنتى العند ده كله ...؟؟؟؟
خلاااااص ياجماعه ..اوعى حد يقول عليها طيبه تاااانى ...
اسمها الاخت عنيده...
ياحبيبتى انت طيبه قوى وصدقينى انتى غلبانه....
ومش عنيده ولا حاجه ..مافيش حد عنيد وحويط بيقول على نفسه الكلاااام ده ...
لالالالالالالالالالالالالا
ده بيظهر فى تصرفاته من تحت لتحت ..
وكويس انك شايفه العند الايجابى بس...وبلااااش تشوفى العند السلبى...
بس ده ياجمييييل هيظهر هيظهر ...لانك مش ملااااك..وعندك هينعكس على تصرفاتك سواااء صح او غلط...صدقينى..
انت لسه ماخلفتيش ..صح ...؟
انا بقى عايزة اتفرج على عندك ده مع ابنك لما بيبقى مش عايز ياكل او ينااام او لما هو كمان يعاااند ...
صدقينى كل ده هيتغير...
تحياتى ليكى
جميل قوي العند الايجابي اللي يتوظف صح ويخلي صاحبه دايما عنده امل وعزيمه لمواجهه بكره
تحياتي لعندك ده :D
احنا العند عندنا مربوط بالتصرفات السلبية مش الايجابية.. تصورى اول مرة اعرف انك مدرسة:)
كلام رائع واللي بيأيد كلامك ده عن العند الإيجابي علماء النفس إلى الأمام (( بعند ))
وأدعوك لزيارة مدونتي والمشاركة فيها
sweet violet
المشكلة ان ساعات الواحد ممكن يعند وهو فاكر انه على حق وهو على باطل ومش يفهم دة الا لما تقع المصيبة
وزى ما قالت صبرنى اللهم ارنا الحق حق وارزقنااتباعه وارنا الباطل باطل وارزقنا اجتنابه
دا اقل واجب احنا لازم نطمن على بعض
ولا يحرمنى منك
ragabhpl
الله يخليك واتمنى ان اكون طموحه بالفعل
وربنا معاك
اتمنى دوام الزيارة
عبد من عباد الله
اللهم صلى وسلم على سيدنا محمد
اتمنى المتابعة يا ريت يلا ورينا العناد
واتمنى ان اكون ام واعرف اربيهم صح
وانا هجى ازور مدونتك عشان اتعرف على اللى هيعاندنى:)
تحياتى
AMR TA3LAB
الله اية كل العناد دة
دا انا واضح فجرت العناد اللى عند الناس
وبالاخص انت وجيت على الوجيعة
المفروض البوست دة كنت انت اللى كتبتة
انا اللى هقولك جميل عنادك
ودعوة منى انا كمان للعناد الايجابى
ولية بالذى مضى خلى العناد الايجابى حاضر
السلام عليكم
هو اية معنى العناد عندكم؟
اعجبنى جدا ردودك ومفهومك لمعنى العناد
وبجد العناد اللى باسلوبك ده هو طريق النجاح الصحيح
اتمنى لك التوفيق
تقبلى تحياتى
عاشقة الرومانسية
اولا مبروك الرجوع واوعى تمشى تانى
بلاش دلع
يا ريت انا اللى افضل دايما فى ايجابياتة
اوعى تحرمينا منك تانى:)
بنت من الغربة
ايوة انا فعلا لسه ما خلفتش
انا برضه بخاف بس انا اجهل الحق من الباطل وانى اعاند وانا فاكرة نفسى على حق وانا على باطل ودة ممكن يحصل
انا فعلا زى ما انتى قلتى مش ملاك
ممكن يتغير هاخد الخبرة منك ما انتى اهل التجربة
تحياتى
جميل اوووووى عنادك
خليكي كده علطول واعيلي ابقي عنيده ايجابيه زى الزوجه العنيده القمرايه
dr dead
مش كده برضة العناد
دى بقى دعوة للعناد الايجابى
تحياتى
مصرى جدا
ربنا مش يحرمنا من جدعنتك
barbie girl
انا مدرسة معتزلة
قعدت من الشغل بقالى سنة وكنت مدرسة لاولى ابتدائى كنت بديهم رياضيات
على اد ما ارتحت من دوشتهم بس كنت بلاقى نفسى وانا بشرحلهم
اصلى بحب التدريس اوى وكان ليا طريقة خاصة ليا فى الشرح
هو انتى كمان مدرسة؟
معتز شاهين
ربنا يخليك
طبعا لازم اجى ازورك على الاقل ارد الزيارة
واتمنى انا كمان دوام الزيارة
ذو الوجة المبتسم
انا عجبنى اسمك اوى
واتمنى لك ايضا التوفيق
هو دا فعلا معنى العناد عندى
اتمنى دوام الزيارة
غروب
يا رب تبقى عنادية زيي وربنا ينور بصيرتك بين الحق والباطل
لان على قد ما العند الايجابى حلو على ما هو خطر فى انك تكونى واعية انك على صواب
تحياتى
السملا عليكم
الزوجة العنيدة الجميلة
آرائك كلها عجبتني
وأنا معاط على طريق العند الهادف مش العند المشاكس
تحياتي
جهاد مشالي
السلام عليكم ورحمة الله وبركاته
بجد البوست يحتوي علي الكثير من القيم ولكن أقول لحضرتك شئ توضيحي بسيط هذا ليس عناد إنما هو "همة عالية".
ولكن مرحبا بالعناد بهذا الإسلوب ولكن التصميم علي فعل الخير حقا شئ لا يمتلكه الكثير وفقنا الله وإياك علي إلي الفهم الصحيح
محمد حياتنا
أجمل عناد شفته في حياتي بجد تعريف حلو جدا لعنادك الايجابي
ربنا يسعدك
وسوري اتأخرت اوي المره دي
دمت بكل ود
تحيـ بسومه ــاتي(:
حاجات عيال
اولا نورتينى ويا رب عنادى يعجبك دايما
اتمنى دوام الزيارة
حياتنتا الزوجية
وعليكم السلام ورحمة الله وبركاتة
واتمنى من الله ان يبعد عنى الفهم الخطئ ادعيلى
اتمنى دوام الزيارة
بسومة
ولا يهمك يا جميلة مشاغل لحياة ساعات بتحكم
مستياكى فى اى وقت
اتمنى ان يكون بالفعل عجبك:)
تحياتى
هو انا قلتلك قبل كده ان شكل مدونتك حلو اوى
ماشاء الله عاجبنى كل مادخل اقول ده جميل
:)
السلام عليكم
بصراحة حاولت أعد كام مرة كررتي كلمة عنيدة ،، وكل مرة أتلخبط من كثرة تكرارك ليها
وبقيت ماشي أقول عنيدة يا مصر يا أم الهمم
،،،
فعلا فيه معاني الناس تترك المعني الايجابي فيها
وتأخذ المعني السلبي فقط
ولا تنظر الي الايجابيات
،،،،
بس يكون عناد علي حق
وعناد من أجل حق
ومن أجل غدا أفضل
،،،،
عنيدة عنيدة عنيدة أموت أعيش مايهمنيش عنيدة عنيدة عنيدة
تحياتي
السلام عليكم
ردا علي سؤالك في البوس اللي فات
وعلشان تردي الزيارة
الاستاذة / عنيدة عنيدة عنيدة
حبيت أنوه أني لست مدون ولا أملك مدونة
لكني أحب القراءة
لذلك أتابع القراءة الحية (المدونات ) من آن لأخر
واذا حبيت أن أضيف تعليق-أكتب اميلي(علي جوجل) واكتب ما يجول بخاطري وأرسله
وما أعرفش مين حسونة اللي بيظهر ده-لأن أسمي محمد
احتمال أكبر انه عيب من الموقع نفسه
مع ذلك وجدت انها لن تفرق كثيرا
تحت أي أسم
،،،
شكرا لك كتير
لكن علي الاقل عرفت انك زورتيني وانا ماكنتش موجود-الباب مفتوح دائما
المحاول لا نخضع فيها للنجاح أو الفشل -لكنها تعني الاصرار والامل
بصراحة مافيش وقت لأكون صاحب مدونة ودي مسئولية كبيرة
وفي نفس الوقت مش أحب أنافق أحدا أو حد يجاملني أو يهاجمني بلا سبب
ما أقوله من القلب الي القلب
،،،،،،
أما بخصوص التعليق عن الموضوع السابق اللي حضرتك عايزة تنشريه الامر متروك لحضرتك لا مانع لدي(لأنه رأي هامشي)
مع تصحيح الاخطاء الاملائية ان وجدت
تحياتي لك وشكرا
هو ممكن فعلا يكون اختلط الامر انك عنيدة من النوع السلبى بس انا هاقولك ليه ..
علشان الصيغة اللى انتى كاتبها ..
زوجة عنيدة جدا فاول حاجة تبدر للذهن ان انتى عندية ..
انما خلاص يافندم اتوضح كل شئ وما دام العناد بالشكل ده فمرحب بيه ومية اهلا ..
ربنا يحقللك كل احلامك ..
وفى انتظار الباقية حبيبتى زوجة ..
دمتِ بخير ..
زوجة عنيدة انتي فين ليه منزلتيش بوست جديد مستنية اوعي تتاخري علينا
تحياتي لكي ياقمر
عنيده شو اخبارك الحين طمنيني عنك يارب تكوني منيحه
حبيت اطمن عليكي
لااله الا الله....
عنادك أيجابى
مش سلبى
هو مش عناد قد ما هو تصميم
او زى ما بتقولى التصميم والاصرار على الشئ يعتبر عناد فى الدنيا من اجل الوصول وتحقيق الهدف
ودة شئ أحييكى عليه
واهنئك على عنادك الأيجابى
.
إرسال تعليق