ساعات بحس أنك امى
وأن مفيش فى الوجود زيك
وأن حضنك بالدنيا
وساعات ببعد بلاد عنك
وحتى وانا جنبك مش عارفة تحسى بيا
او احس بيكى
سامحينى يا أمى
أن كنت جرحتك يوم
ما أنا مش ملاك على الأرض
أنا بغلط و أثور وأقسى عليكى
ولأنك أمى بطلب منك كتيييييييييير
وانسى أنك بشر له طاقة وبيتعب
طماعة
أيوة انا طماعة خدت منك شبابك
ولسه عايزة تانى اكتر
ليه فى وسط الزحمة وأنانيتى
بنسى أن ليكى حق عليا
ليه لما بزعل منك
بحسبك جوايا حساب الملاكين
وأنا ماليش حق فى حسابك
ولما بغلط انا وتحسبينى
بزعل اوىىىى ليه
زى ما تكونى غلطى فى البخارى
مالى
فرحانة بنفسى اوى كده ليه
وناسيه ان اى نجاح بوصله
هى السبب فيه ،هى اللى بتدعيلى
مالى فرحانة
انى بعرف اتكلم وناسيه ان هى اللى علمتنى الكلام
أمى سامحينى
سمحى غباوتى وقلة حيلتى
وقسوتى عليكى بجهل منى
أمى سامحينى
دايما بنسى أن زعلك عليا هيكون أكبر من زعلى على نفسى
أمى سامحينى
نسيت انك بشر وان الكمال لله وحده
أمى سامحينى
لما بغضب اوى واثور وأعتبرك ضيعتى حقى لما
بنمشى مشوار ونرجع بخسارة ليا
امى سامحينى
نسيت أن خسارتك هتكون أكبر من خسارتى
لأنى انا تعب السنين
سنينك انتى
نفسى لما اجى ابكى زعلانة منك
عقلى
يرفضنى
ويقولى على قد زعلك هى زعلانه الف مرة
يا رب
لو غضبان عليا سامحنى
انا مهما رحت ولا جيت
عبد ضعيف لا ليا حيلة ولا وجود الا بأمرك
اجعل مودة بينى وبين امى وارضيها عنى
وعلمنى كيف ارضيها
دموعى لا تكفى اى كلمات سماح
بس عايزة اقولك
بحبك يا امى
وما املك الا انى ادعيلك وعمرى ما هديكى حقك
عليا
تسلم العين اللى حبتوتسلم الايد اللى ربت ويسلم القلب اللى سمى
27 التعليقات:
انا حسيت بالكلام اوى
لانى حاسة برضو ان مفيش حاجة فى الدنيا هقدر اعملها ادى بيها امى حقها
وخاصة بعد ما بقيت ام وشفت تعبها معانا وسهرها علينا وازاى تحب اننا نكون دئما فى افضل حال دنيا ودين
وازاى احنا بنقسى عليها واحنا مش واخدين بالنا للاسف
ربنا يبارك لك فى والدتك
وتكون دئما راضية عنك
تقبلى مرورى
شوفي بقى لي شهر بحاول اكتب بوست عن مامتي
مش عارفة اعبر من كتر ماليها حق عليا
من كتر ما ضحت اكتر من اي ام طبيعية
من كتر ما قاست في الدنيا حبا فيا
جيتي انتي وكأنك بتتكلمي عني وعن امي
عرفتي تقولي اللي عجزت شهر كامل عن صوغه
تسلم ايدك وربنا يخلي ماما
ويكرمك في كل امور حياتك
بحبك
السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة
يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى
كنت فاكره هالاقى عندك الراى الصائب
لقيتك محتاجه اللى يساعدك
بس برضه محتاجه رايك فانتى زى بنتى اللى مخليانى حزينه
اول تعليق
حبيبتي العنيدة اولا وحشتيني بجد
ثانيا انا كنت كدة واي واحدة في الدنيا كدة لحد مابتكون ام بتعرف معني الامومة ومعني ان تكوني خايفة علي حد بجد
وان شاء الله لما هتكوني ام هتحسي باكتر من كدة وهتحسي اد ايه كمان كنتي بتظلمي امك وانها بتكون عارفة مصلحتك بجد وبتسامحك من قلبها علي كل غلطة
كل سنة وكل ام في الدنيا طيبة
تحياتي لكي
كلامك أثر فيي جامد انا احيانا بحس اني رخمة ومش مقدرة الي بتعمله علشاني
ربنا يخليها ويحفظها
ويحفظ امهات المسلمين يارب
ويطول باعمارهم
والف سلامة عليك ياقمر
بالتوفيق يارب
السلام عليكم
تسلم الايد اللي ربت وتسلم العين اللي سهرت وتسلم القلب اللي حبك وتسلم من علمتني الكثير والكثير
وأعطتني كل شئ وهي لا تنتظر مني أي مقابل
غير أن تري ابتسامتي
وأن تراني سعيدا
من أول شهقة في حياتي
وأنا أحبو بين يديها
وأكبر يوما بعد يوم
وحبها وعطائها لا يتوقف
وأنا أوقات أجحد هذا العطاء
مع علمي أني مهما فعلت فلن أستطيع رد ولو نسبة ضئيلة مما فعلته لأجلي
لا نعلم قدرها تماما الا عندما نصطدم بعقوق أولادنا
لكني أحبها وأتمني أن ترضي عني دائما
،،،،،ــــــــ،،،،،
جميلة كلماتك
ربنا يخليها لك ويوفقك الي أن تكوني بارة بها دائما
وقولي لها دايما
بحبك يا امى
وما املك الا انى ادعيلك وعمرى ملك لك ما حيت
تحياتي
اول تعليق
اولا
الف ميلووووووووووووووووووووووووووووووووووون سلامه عليكي واسفه على التاخير والتقصير بس والله ظروف نفسيه
اظن فهمتى بعضها من البوست
وانتظارى للنتيجه كمان موترنى شويه
يارب تكونى بخير يا حبيبه قلبي
هقرا بقه البوست الجديد
ربنا يخليهالك يارب
وميحرمك منها ابدا
بجد لو فضلت اتكلم عن الام مش هخلص كلنا بنشوف امهاتنا بعيونا اكبر من اى شئ وكل واحد فاكر ان امه احسن واحن واجمل ام
لكن انا احب احتفظ بكرمى عن امى ليها لوحدها
لان علاقتى بيها ملهاش حدود
ربنا يبراك ليكي في مامتك ويعطيها الصحه
روعة
مفيش في الدنيا دي حب زي حب الام
هو في حد زيهااااااا
ولا حبها ولا خوفها علي الواحد
ولا حنيتها ولا ولا
انا مش عارفه اقول عليها ايه بجد مش قادره اعبر في بوست عن اي حاجه
بحبهااااااااااااا
وربنا يباركي في عمرها وتفضل معانا وتستحملنا كتير
ويخلي كل الامهات يارب ويحميهم
بحبك
يا اغلي ماما
ايه البت الي جايه تحب مامتها في مدونات الناس دي ياكسوفي يا كسوفي
اومي يابت خدي مامتك وحبيها في مكان تاني
سمحوني بقي
اصل كلام حلو اوي وطالع من القلب يا عنيده
ربنا يباركلك فيها
بصراحه؟
انتى جبتى من الاخر
وقلتى كل اللى نفسى اقوله لامى
كل سنه وكل الامهات بخير يارب وكلامك جميل قوي وجوانا كلنا
بجد كلامك بكانى من كتر معبر عنى
مش لاقيه كلام أشكرك بيه
بحبك وبحب مدونتك ربنا يسعد أيامك
ا
جميل جدا كلامك
مارس، 2009
كله يهون الا التصعيب
الصعاب كلها تهـــــــــــون ولا يهون التصعيــــب
فقسوة الحياة فى حاجة الى حنــــــــــــية وترطيب
وتعقيد الامــــور قمة الجور والتعــــــنت والترهيب
فيا معقداتى بلاش شـــــــغل القراداتى الغريــــــــب
والباس الحق ثوب الباطل والباطل ثوب الحق الحبيب
بما يقلص الفرحة ويكــــــــتر من البكاء والنحيــــــب
فعد الى عقلك واسلك حســـــن المسلك تجد الترحيب
وبادل الناس حبا بحب بالرغبة الطيبة والترغيـــــــــب
مرسلة بواسطة ابو المفاصل الواصل في 01:32 ص 0 التعليقات
حلو اوى كلامك
واعتذارك
اللى اكيد مقبول ومن غير كلام
لأنها الأم
احن قلب فى الدنيا دى
بجد الرسالة حسيتها اوى ياريتنا فعلا نقدر فضل الام وقيمتها من اول حياتنا
قبل ماصوتنا يعلى عليهاوقبل ماننسى حتى نردلها كلمة شكر مش عارف ليه بجد مش قادر ارد على كلمك ولا اوفيكى حقك لان البوست حسيته اوى يارب بارك لنا فى امهاتنا واجعلنا طاائعين ليهم دائما فىيما يرضى الله
تسلم ايدك ياعنيده
وربنا يخليلنا ست الحبايب امهاتنا
وكل سنه ومامت حضرتك طيبه
تحيـــــــاتي
الام ابدا ابدا عمرها ما بتقدر تزعلى من ابنها مهما قسيوا عليها بس اكيد هيه هتسامحك انا شوفت الدموع بين حروفك صدقينى لو قولتها كلمه
هيتنسى كل اللى فات
كل سنه وكل ام طيبه وبالف خير
ياروحي ربنا يبارك فيكي
ويخليهالك ويفضل قلبها راضي عليكي
وحشاااااااااااااااااااني موت
يا لهوووووووووووى
انا طلعت اول تعليق من تحت
ههههههههههههههههه
وحشه اوى حكايه موافقه المالك دى
احراج احراج يعنى
وحشتينى
ما أجمل التوسل الى الأم فهذا الوسيله لدخول الجنة وطاعة الله حيث ان قدرها كبير جداً عند الله .
قبلى يديها وقدميها وستدخلين الجنة بإذن الله ببرك لأمك وعدم عقوقها .
أكيـــــــد
ربنا يباركلك فى مامتك ويبارك لها فيكى ..
وكتير امهاتنا مع عنفوان الشباب بتاعنا بيستحملونا ..
وهو ده طبع الام ..
عقبال ما تجيبى نونو ويقولك انتى كمان ياأجمل ماما فى الدنيا ..
ربنا يخليلك مامتك ويخليها ليكى ..
يارب تكونى بقيتى كويسة ؟؟
دمتِ بخير ..
كل أم تحتاج لتسمع من أولادها كلام طيب ولن نجد غير مثل هذا الكلام انقولها لها ولن نوفيها حقها فحقها أكثر من كنوز الدنيا كلها
أحسنتي وأجدتي
ويبقى التواصل
كل سنة وانتى طيبة يارب
ربنا يحفظلك امك اللى هية أغلى كنز فى الوجود
والسنة اللى جاية ان شاء اللة تكونى انتى كمان من الامهات ويكون معاكى فيزا رسمى للاحتفال بيكى فى عالم الامهات
تحياتى لأحلى زوجة واسفة على التأخير
دعوه
الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo
إرسال تعليق