مين فينا اللى هيكاكى أنتى ولا أنا
هى حرب من فينا هيحط الخطة والتانى يمشى علية
مش مهم مين اللى يكاكى المهم يعرف يكاكى
طول النهار كأنة بيصرخ ويقول : أنا سى السيد يا أمينة
ممنوع ممنوع ممنوع...................
اى شئ ممنوع أعملة من غير ما أقول لسى السيد
ماشى يا سيدى موافقين
بس الاكتر من كدة
أنه ممنوع أنه يساعدنى فى أى حاجة
هتقولولى زى أية؟
مثلا طبعا العروسة أول اسبوع الاكل بيجى لحد عندها
مش بتعمله
بس على الأقل أنا بحضر الأكل وأغسل الأطباق
فيها أية قولولى ولو هو عمل الشاى بعد الأكل بالذات
لو هو اللى غاوى الشاى مش أنا
لاء ; كرامة سى السيد مش تسمح
ازاى اطلب منه يجيبلى مية
لاء; كرامة سى السيد مش تسمح
ياسلام بقى لو حبيت أقولة كلمتين حلوين عشان يعملى حاجة
يقولى: أيوة غنى عليا غنى
طب اعمل اية ؟
(بس دة حبيبي برضة)
أستحملى يابت مش مهم
يوم السبوع وما أدراك مايوم السبوع
المفروض أن العروسة تتطبخ
الصراحة
مش أنا اللى طبخت(ربنا يخلى مامتى وأختى حبيبتى) بس أنا اللى غسلت الاطباق والحلل
وأنا عمالة أغسل بعد الضيوف ما مشيوا
(أصلى بحب النظافة)
لأقيتة جاى يقولى أعمليلى شاى
قلت يابت مش مهم أعمليله الشاى
(دة برضة حبيبك)
وبعد ما عملت الشاى بقولة خدة معاك لحد ما أخلص
مرضيش
شوفتوا بقى
بس أنا أتضيقت أوى قلت طب والله مش هوديلة الشاى
الأ لما أخلص الأطباق
بعد شوية رجع أخد الشاى معرفش لية
يمكن ندم
أيوة شكلة حس أنه زعلنى
المهم
قعدنا وشربنا الشاى بعد شوية كان عطشان
فقام يجيب ميه
قلتلة هات مية معاك
بس ومخلصتش
مش قمتى جبتى المية انتى لية وكلام كتيييييييييييييييير
اعمل أيه أيييييييييييييييييه؟
حد يقولى
والبقية تاتى......................................
39 التعليقات:
كاك كاك كاك
لازم تدبحيله القطة من اول يوم و تبطخيها كمان و تاكليهالوا
وجوزك على ما تعوديه وابنك على ما تربيه
ههههههههههه
طبعا سمعتي الكلام ده من حد مش بيحبك
بس دايما الراجل فاولى سنة زواج بيحب يكون فارض سيطرة على المنطقة يعني عارف ايه الي رايح ايه الي جاي يعني من الاخر يعرف دبة النملة ديه حاجة متزعلش من باب انه بيطمن عليكي فينك دلوقتي عشان انتي الحتة الي في الشمال من جوه فا متزعليش من الاسئلة الكتير و دايما متنسيش الابتسامة و الضحكة الساحرة وانتي بتقدميلوا اي حاجة حتى لو غصب عنك او وانتي بتجوبي على اي سؤال روتيني يعني اكيد بيسال كنتتي فين مع انك اتصلتي بيه معلش نعذر الراجل اصله جاي من الشغل تعبان ومش فاكر انك كلمتيه قوليله يا حبيبي انا قولتلك انا رايحة....
اما بالنسبة لمشكلتك فهي مش مشكلة طبعا ولا عويصة قبل ما تقعدي عودي نفسك دايما تعملي الشاي مثلا تقوليله حبيبي اعملك شاي يقولك اه اعملي وطبعا بعد الغدا متنسييش ابدا ابدا وانتي بتدخلي الاطباق تعلقي على الشاي عقبال اما تمسحي السفرة هتلاقيه غلي والراجل هيشرب وينبسط كده خلصنا من موضوع الشاي
طبعا وانتي جايبة الشاي متنسيش زجاجة مية و كبايا وبكده لا هتقومي تعملي شاي ولا هتقومي تجيبي مية
طبعا متخليلهوش ولا حجة
طبعا التلاجة عمرانة بخيرات ربنا
طبق فاكهة كده زي الفل وتروحي حطاه في الاوضة الي بتقعدوا فيها اصل الرجالة بتحب تاكل وهي بتتفرج على التليفزيون على راي والدتي يحبوا يتلمطوا في اي حاجة ههههه
يا سلام بقا لو حلويات كمان عشان ياكل و ينبسط و ميتكلمش ولا يطلبش اي حاجة و بكده اختي العزيزة متفضليش رايحة جاية على المطبخ انا عارف ان ممكن متعرفيش تعملي كل الي قولتهولك بس الي قلته طبعا في مصلحتك عشان متفضليش رايحة جاية جاية رايحة ولا يدوخكيش
على فكرة الي قولته وذككرته في التعليق ديه خبرة عملية و علمية
على فكرة بقا التعليق ده مش ببلاش ادعليلي اتجوز الي بحبها يلا فل دكه
تحياتي وامنياتي بدوام السعادة
معلهش التقيل جاى ورا يا جميل
على العموم الزوج بيعمل كده
علشان خايف منك..لتفتكرى إنه حيطه واطيه ولا حاجه
لكن لما بيحس هو أد ايه مهم عندك
يعن مثلا خليكى ذكيه إنتى عارفه إنه بيحب الشاى خليها بكرامتك وأسأليه بتحب الشاى يا حبيبى أعملك شاى
وشويه كده وقوليلو..عطشان يا حبيبى أجبلك ميه .. تحب أعملك حاجه سخنه
صدقينى ساعتها هيتأكد إنك متتحمليش عليه الهوا وهيبطل يفرض سيطرته
ربنا معاك يا حبيبتى
وأهلا بيكى على أرض الواقع إللى ملاينه قواقع
بصى حاولوا تقعدوا مع بعض وتتكلموا فى اللى بيضايقكم فى تصرفات بعض بلاش تفضلى شايلة منه ومش عايزة تقولى ومتخيلة دى هيفات ومواضيع بسيطة وبتعدى المشكلة انه ممكن يتعود على انها شئ عادى وامر مسلم بيه وانتى جواكى بتغلى فى الاخر صدقينى لما تحصل خناقة بسيطة هتفتحوا لبعض فى كل المواضيع القديمة لانه عامل زى حاجة فضلتى تحشرى فيها غضبك وبعدين هتنفجر
ااقعدى معاه كده واتفاهموا ازاى تحاولوا تساعدوا بعض وازاى مش تحاولوا تتضايقوا بعض فى المواقف البسيطة دى
ربنا يسعدك دايما
انا مع ايوشه فى كلامها
حاولى فعلا تتكلموا مع بعض فى الاول كده
لان المفروض يعرف ان الراجل مش وظيفته انه يشتغل فقط لا غير لازم بردو يساعد الزوجه شويه و دى حاجات بسيطه مش كبيرة قوووى يعنى
اما بقى موضوع سى السيد ... فاهو ده الراجل الشرقى عموما على فكرة مش هتقدرى تغيرى فيه حاجه .. بس حاولى انتى بشويه دبلوماسيه تخففى شخصيه سى السيد شويه
و ربنا معاكى يارب و يوفقكم و يسعدكم
السلام عليكم
انتى لسة متجوزة جديد وبدأتى تشتكى من يوم السبوع يعنى بتناقروا فى بعض من اولها .. طب ليه كدا.. بصى عشان تخلصى من عنده دا فى الاول كدا كلميه عن اللى بيضايقك وبيضايقه وفهميه ان الحياة مشاركة مش هو يؤمر ويستنى التنفيذ.. حاولى تحسسى نفسك كمان انك لما بتعمليله حاجة بتعمليله حاجة بحب عشان بتحبيه مش عشان هو قاهرك ومخليكى تعملى كدا غصب عنك
ده انتي لسه اول اسبوع وبتشتكي
وبعدين فيها ايه لما يكون سي السيد
ياسلاااااااااااام
انت عايزاه يعمل شاي....؟؟
انا ماقبلهاش لحبيبي بصراحه اومال انا لازمتي ايه
يعني اقعد اتفرج علي التليفزيون وهو في المطبخ
ليييييييييه
مشي امورك انتي لسه في الاول
لو مشيتي كده هاتتفرسي يا اوختي
هههههههههههههههههههه
اهلا بيكى فى ارض الواقع على رأى ايمان ههههههههه
بصى انتى لوحدك اللى تقدرى تحكمى على جوزك وأكيد يعنى انتى فهماه من أيام الخطوبة
يعنى يا ترى هو شخصية متسلطة فعلا ومش حنين عليكى
فى الحالة دى يبقى فعلا لازم من الاول تقعدو وتتفاهمو مع بعض وتحددوا النقط اللى هتمشو عليها فى الحياة
أما لو كان زوجك حنين وطيب وعاوز بس يتدلع شوية كدة فى اول الزواج ومالة يا ستى دلعية قبل ما يجى اللى يشاركة فيكى ان شاء اللة
حياة سعيدة وموفقة بأذن اللة
amr ta3lab
انا مش بشتكى منة
انا بحب اعملة كل حاجة بأيديا بس دى حاجات عادية جدا المفروض انه يعديها
يعنى مش طلبت منه انه يعمل الشاى
بس فيها اية لما اعملة يأخدة معاة
عادى يعنى مفيش حاجة تجرح الكبرياء
ومش قلتلة قوم هات مية دا قايم لوحدة من نفسة فقلت يجيب الزجاجة معاة
تعرف انا بالرغم من شخصيتى قوية مش بحب الراجل الضعيف
وعمرى ما ازعل منه لو رجع وسألنى كنتى فين
انا مش عارفة لية اصلا البنات بتضايق من كدة
المفروض انها تنبسط لان اللى مش بيسال مش مهتم وبتكون الواحدة مش فارقة معاة
اللى ضايقنى العصبية وان الحاجات تافه ويتكلم كتير عليها
وابتديت احس انه بيعمل كدة زى ما انت قلت لنفسى انه بيعمل كدة عشان من الاخر يعرفنى انه زى ما قلت فارض سيطرته على المنطقة
وانا عارفة فترة وهتعدى
تحياتى
ايمان
بالظبط كدة انتى فهمتينى
المشكلة مش فى مين يعمل الشاى او يأخدة
المشكلة انها حاجات تافهه
بس زى ما قلتى
انا فعلا حسيت بكدة مع انى بحب شخصيتة القوية ودا كان اهم حاجة ربطتنى بية لان البنت عادة بتحب الراجل اللى تقدر تعتمد علية
حتى لو هى قادرة تعمل كل اللى ممكن يعملة
انا قلت انه مع الايام ممكن الحال يتغير
وربنا يستر
تحياتى
ايوشة
اهلا بيكى
لا طبعا هى دى حاجة تفوت عليا
انا اتكلمت معاة بس جوزى بيقفل الكلام قبل ما يبتدى
دى طريقة الكلام بتاعتة مش بيسمح لحد يتكلم غيرة
بس انا وصلت لنتيجة مهمة انى مش اطلب منه حاجة خالص
لانى اكتشفت انى لما بسكت بيعمل اللى انا عايزاة بس بشرط مش اطلب منة انه يعملها
واتمنى دوام الزيارة
sweet violet
انا خلاص اكتشفت السر والخلطة السحرية
ودة هو اللى هقولة المرة اللى جاية
بس كنت مستنية ارائكم الاول
تحياتى
barbie girl
وعليكم السلام
شوفتى بقى من بعد السبوع على طول
والله عملتها وقعدته عشان اقولة راح قفل الموضوع ومش عايز يسمع حاجة
واذا كان على الشكوى انا مش بشتكى انا بفضفض يمكن الاقى كلام وافكار احسن من اللى فى دماغى
وانا بحب اعملة كل حاجة بأيدى وببقى مبسوطة
لما كنت بتكلم على الشاى كنت بقول يأخدة معاة مش يعملة
وبرضة انا مش شيفاها قهر
دا حب
وزى ما قلت انا هقول الحل للى كنت فية البوست القادم
تحياتى ليكى
عاشقة وغلبانة
ظلمتينى
ايوة ظلمتينى دة مكنش قصدى خالص
مش عايزاة يعمل حاجة انا كنت بقول يأخد الشاى معاة وانا مش كنت قاعدة دا انا كنت بغسل الاطباق
وانا اللى كنت عاملة الشاى
دا خدمة حبيبي على قلبى زى العسل بس قلب على قلب رحمة
والا اية رأيك
ريكو
لا الصراحة
هو حنين اوى وحاضر هسيبة يتدلع
ماهو برضة حبيب قلبى
وتحياتى ليكى
هو راي ايمان حلو اوي وعقلاني وجميل
بس بصراحة معرفش انا ممكن اعمل ايه .. معااااااااااكي ربنا بجد
فتافيت
نورتينى وكفاية دعواتك
اتمنى دوام الزيارة
على فكره الراجل طفل كبير
اللى قال الكلمه دى صدق والله
ومش بيجى ابدا بالعند
حاولى تعديها وطنشى
ماهو لسه هيجى عليكى مواقف اصعب من كده
ساعتها هتعملى ايه؟
هتمثلى فيلم المرأه والساطور؟
هههههههه
ربنا يسعدكم
سلام عليكم الاول
انت شرفتى مدونتى
وانا باردلك الزيارة ...
بصى انت قلتى فى اخر البوست ( والبقيه تأتى )
وده حقيقى ميه فى الميه --انا بقالى متجوزة 12 سنه ...
وكل اللى انت بتقولى عليه شفته وشفت اكتر منه....لما اتخنقت خلاااااااااص
بس بصراحه انا فى اوقاات الحمل كنت باطلعه كله عليه...
وحتى كباية الشاى ماكنتش باعملها..
مش لانى كنت تعبانه ... لالالا لانى بصراحه كنت متغاظه جدا جدا منه..
لكن دلوقتى ..الحال رجع زى الاول وانيل ..الرجاله انانيييين بطبعهم وبتربية امهم ليهم..
وصدقينى ...مافيش فااااايده..
اول سنه جواااز زى اللى بعدها..استحاله تغيرى طبع اى راااجل
كل اللى هايحصل انك تتأقلمى عليه وتسلمى امرك لله زى حلاتى..
وصدقينى ياختى ماحدش بياخدلك حقك غير ربنا ...وحسبى الله ونعم الوكيل..
ارجو انى ماكنش عقدتك ...
تحياتى ودايما زورينى ياقمر
سلااااااااام
تحياتي
في رأيي اهتي الفاضلة...ان ها غالبا ما يحدث في اول الزواج....لكن بالتفاهم
و الصراحة...و المودة يصبح كل شيء ممكن
و تنفك العقد...و الشراشيب...
ربنا يسعدكما...و يبارك لكما...و اشكرا نعمة الله عليكما...تقربا الي الله بالطاعة...و الشكر...لان بالشكر تدوم النعم.
تحياتي و تقديري
بصى يا حبيبتى
طبعا هى حاجه تفرس والرجاله دول اصلهم مدلعين اوى
يعنى كان قاعد فى بيتهم امه واخته وبنات الجيران بيخدموه
معلش تعالى على نفسك فى الاول كده هو بيحب يعمل سى السيد بيحب يحسها
شويه شويه هتاخدو على بعض وهتقوليله اجرى اعملنا الشاى هيقولك حاضر
:)
هى فتره بس وتعدى
بصى يا حبيبتى
طبعا هى حاجه تفرس والرجاله دول اصلهم مدلعين اوى
يعنى كان قاعد فى بيتهم امه واخته وبنات الجيران بيخدموه
معلش تعالى على نفسك فى الاول كده هو بيحب يعمل سى السيد بيحب يحسها
شويه شويه هتاخدو على بعض وهتقوليله اجرى اعملنا الشاى هيقولك حاضر
:)
هى فتره بس وتعدى
اولا ياستى الف مبروك ورنا يرزقك بالذرية الصالحة ..
وتانى حاجة احب اقولك ان حالاتنا زى بعضنا وانا عروسة جديدة برده بس ممكن اكون اققدم منك سنة ..
انا هاقولك رأيى فى البوست بتاعك ..
انا اصلا كنت داخلة الجواز مهيأة نفسى انى هاعمله سى السيد ومش هاقومه من مكانه ولدرجة الحاجات اللى البديهى الانسان يعمله بنفسه انا اللى هاعملها له ..
وفعلا نجحت فى كده ..
بس زى ما انتى بتقولى ان العروسة الاول بتتخدم فبيبقى عندها وقت غير اللهم غسل اطباق حاجات بسيطة يعينى ..
لكن بعد كده انتى اللى بتكونى ست بيتك واللى بتعملى كل حاجة وهنا كانت الصعوبة انى افضل تعمل زى ما كنت بعمل ..
وطبعا كان فى صعوبة علشان عودته على كده ..
بس دلوقتى الامور اتحسنت كتير وهو من نفسه بقى لما يشوف الاحمال اللى عليا بقى يساعدنى كمان فى البيت وبيعمل لى حاجاتى انا كمان ..
فهو بس دلع الاول انما الامور كلها هاتظبط ان شاء الله ..
اتمنى اكون افادتك ..
دُمتِ بخير ..
بصى هى اول سنه جواز بتبقى صاعبه شويه
لان الراجل بيكون لسه متعود على دلع ماما وحنيتها
وده ها يتطلب منك مجهود فى انك تأقلميه على طريقه حياتك
بس لازم انتى كمان تتنازلى
علشان تتقابلوا فى نص الطريق
علشان ما يكونش فى حد فيكم اتظلم
ربنا يوفقك
عاشقة الرومانسية
ههههههههههههههه
لا هخلى ماما تعملة "حماتى ملاك"
هههههههههههه
ما هو دة اللى انا وصلتة واكتشفتة
انه مش بيجى بالعند ابدا
ويسعدك انتى كمان
تحياتى ليكى
بنت من الغربة
عقدتينى خالص خالص
ربنا يبشرك بالخير يعنى هو دة اللى انا هوصلة بعد كام سنة من الجواز ربنا يستر
بس انتى عارفة انا كل لما افكر فى البقية اللى انا لسة مقولتوش تهون عليا كل اللى انا قلتة
اصل البقية اصعب
انا بس بسخن البوست دة واللى جاى
انتظرى اللى بعد الجاى
هو دة الشكوى الحقيقية والكلام يمكن يلاقى طريق للتفاهم
تحياتى وان شاء الله مش هبطل زيارتك
استاذى الربان
انا عارفة اننا هناخد وقت عشان نوصل لنقطة نفاهم مشتركة
وبحاول ان دة يحصل
بشكرك على دعواتك لينا واتمنى من الله ان يجعل نصيب لكم منها
تحياتى
bondoka
طول الوقت يقولى ماما..ماما...ماما
اصل جوزى ديك البرابر
البكرى مدلع سيتة
انا والله بحاول استحمل اهه
بس دلوقتى فى فترة هدنة عشان جوزى مسافر
تحياتى
لجين ابو الدهب
انا كنت بفكر اعمل زيك كدة بالضبط
نظرا لحاجتين
الاولى:انى بحب جوزى
التانية:ان شغل جوزى فى بلد تانية فكنت عايزة اريحة
بس جتنى نصيحة وقالولى انه هيتعود على كدة فبلاش
وعليها اخدتها من قصيرها ومش عملت كدة
بس برضة بعمله حاجات كتير
هسيبة يدلع شوية
ويارب زى ما انتى بتقولىيتظبط الامور
انا حاطة امل ان الامور تتغير لما ربنا يرزقنا بالذرية ان شاء الله
نورتينى واتمنى دوام الزيارة
nody_1987
بحاول واللة انى اتنازل بس بخاف انتازل اوى
يتعود على كدة
ونبتدى مشكلة انه يتعود على انه ياخد ومش يدى ابدا
وربنا يستر
تحياتى ليكى واتمنى دوام الزيارة
عارفة كاك دى بين الطرفين مستمرة ديما ههههه
لا بجد بس انتى تحاولى تتقربى منة وهو يحاول وخير الامور الوسط
ومش عيب ان الواحد يساعد مراتة مش فيها حاجة
تحياتى
طاخ طاخ عيارين احتفالا بهاذوه الزوجة المسكينة
انتي جيتي لي ولا الهوا رماكي؟
فين عنيده دي
ده الراجل واخد دروس الصحاب على الاهل على الخلان وناوي يدبح القطة والحنش كمان
نهاية حدوتك ها تكون شبه واحده صحبتنا "راجعي مدونة زوجة مخنوقة صفحة سبعتاشر"
خليه هو يكاكي ويبقى ديك براحته لكن وانتي فرخة بيضي كام فكرة تنسف القطة اللي بيدبحها بتي ان تي مركز
يعني اديله فرصته كاملة يفتكر نفسه سي السيد .. ولكن ولابد يساعدك ياماما
ها تمر عشرة سنوات وبعديها ها تلاقي نفسك دوبتي وخلصتي بدنيا وجسديا
الحياة مشاركة ومش مهم مين اللي بيكاكي خالص
اول مرة ارد بعنف كده "عنيف رصيف نمرة خمسة ده" بس بوستك استفزني حتى الثمالة
الراجل عريس وماسك نفسه ولا بيجي حتى بالكلام الحلو "قال غني قال" امال في الذكرى السنوية ها يعمل ايه
ها اكمل قرأة البوستات بعد حرقة الدم دي
tamer nabil
قولة انه مش عيب
بحاول وكلة على ربنا
تحياتى ليك
واتمنى دوام الزيارة
ستيتة حسب اللة الحمش
اية ضرب النار دة
دة من اولها كدة
لاء انا جيتلك لحد عندك بنفسى وبكامل قواى العقلية
بصى يا ستى انا عنيدة من الدرجة الاولى
اللى انا عايزاة بعملة بس بمزاج بحبة عقل
الظروف هى اللى حكمانى انما جوزى كان جنب والدتة
هى مش ليها اى سيطرة علية بس انا عايزة افصل حياتى بعيد عنها
انا دلوقتى فى حالة هدنة عشان هو مسافر
لما يبعتلى واروحلة هناك وانا وهو
انا مش هبيض بيضة واحدة
دا انا اللى هدبحلة القطة
واحدة واحدة
ولسة انتى شوفتى حاجة دا البقية ستاتى
بس وغلاوتك هأخد تارى تالت ومتلت
تحياتى ومستياكى على طول
اوعى مش تيجى دايما
سلام
ياحبيبتى ربنا يهديكوا لبعض:)
واضح فعلا انك لسه جديدة
موناليزا
تقبل الله دعائك
لسة الخبرة قليلة
تحياتى ليكى
ههههههههههههههههههههههه
البدايه
هههههههههههههههه
dr dead
انت بتضحك اوى كدة لية انت فرحان فيا
اية الجمال دة طب هضحك انا كمان قبل ما الضغط يعلى عليا طب قولى نصيحة
تحياتى:)
السلام عليكم ورحمة الله وبركاته
ربنا يوفقك بزواجك
متقلقيش دي فترةو تعدي الازواج
باول الجواز بيحبوا يفردوا عضلاته علي الزوجة
انا جوزي باول ايام كان مجنني اكتر من
كدا بكتير وكان يحب يخانق على اي حاجة
بس انا عرفت اراضيه و احسسه انه كل حاجة ليا وانه راجل و الرجال قليل
والكلام دا لغاية ما بقينا زي السمن عالعسل
متقلقيش ان شاء الله خير
البلطجة هى الحل
أنا مش بقولك انتى
بس الصراحة.. من كلامك, والتعليقات, شايف انه لو مكانش بيعمل كده كان هيخسر كتير قوى
إرسال تعليق